هلا بالملتطمه حبيبه قلبي ويش رايك نلبس سوا هاذي السنه كمان خخخخخخخخخخ:21:

شوفي روحي السواني عنده اشياء حلوه
انا بقولك ايش اشتريت اخذت بلوزة من زارا لونها بمبي وهي شيفون من فوق لحد الصدر من قدام ومن ورا بس لازم تلبسي ستيان سيورها شفافه والشيفون نوعه حلو مو الطايح لا اللي خفيف وفيه كرمشه والكم كيت عباره
عن كورنيش بس بزمه ساده ومن تحت قماش ماسك لكن مشجر انا اشتريتها من شهر ماادري اذا موجودة تروحي تشوفيها وابغى اضيف حاجه فيها ابي اركب تحت الصدر شريطه
ستان لانه طالع البلايز اللي فيها شرايط ستان بحط صوره للشريطه من بلوزة وحده من الاخوات منزلتها وابي اشتري تنوره جنز فاتح للبلوزه واخذت صندل من خطوات لونه ابيض
وفيه شوي بمبي لاني صرت مااحب اطقم الشنط والجزم تعلمت من جويل في برنامج الصراحه احلى خخخخخخخ وقضيت لولدي وبنتي بس اكيد مايهمك ايش اخذت لهم اما انا اذا كملت تقضيه راح اقلك وياليت اذا رحتى محلات ولقيتي اشياء حلوة تدلينا

اهلا المتلطمه ..

اسمك حلو .. والصوره الي تحت اسمك حلوه ..

وموضوعك حلو .. وش تبين بعد ..:26:

..

انا من الرياض .. وممكن ما اقدر افيدك بشي ..

لان عندي تاير فخم من زمااااان شاريته من باكو ولا قد لبسته ..

وكنت شاريته من البضاعه الجديده وما فيه منه الا قطعه وحده ..

علشان كذا ناويه البسه في العيد .. ان شاء الله ..

..

بس حلوالوحده تشتري لبس العيد قبل بفتره

وتكون متأكده انه ما فيه منه الا قطعه وحده ..

لانا قبل كنا نروح نعيد ونشوف لبس العالم ونقول

هذي تايرها من المحل الفلاني وسعره كذا وهذي تنورتها

من المحل العلاني وسعرها كذا .. ليه لانا مفترين على

المحلات كلها وعارفين البضاعه وعارفين اسعارها ..

وياما نشوف ناس لابسين نفس الطقم وهي دافعه حقه الشي الفلاني ..

فعلشان كذا انا صرت اشتري لبس العيد قبل بفتره لان العيد معروف موعده

ومعروف ان الجو بيكون حررر لان لنا ثلاث سنين نعيد والجو حار

والسنه ها ذي بالذات اتوقع ما راح نشتري لبس شتاء الا على نهاية شوال

لان قبل كذا بيصير الجو حلييييو لا حار ولا بارد ..

..


ومن العايدين ومن الفايزين قبل الزحمه :17: ..

هلا مفعوصه ..


لو سمحتي حبيبتي ...

وين باكو هذا ؟؟ و كيف أسعاره ..؟

و اذا تعرفين أماكن ثانية .. أقدر أشتري منها .. بلييييييييييييييييييز ...

قولي لي ..

الدانة ..

باكو في طريق العليا العام ..

واسعاره غاليه للتايرات الكامله لكن بصراحه صاير يجيب بضاعه مميزه مره تعجبني ..

لكن عنده تنانير لحالها اسعارها معقوله واشكالها حلوه ..

بس لحقي عليه لانه ينزل البضاعه وعلى طول القطع الحلوه تخلص ..

عاد ما يجيب بضاعه جديده الا بعد العيد ..

..

بالنسبه للمحلات الحلوه ..

انا انصحك بعماير السيركون وساكس افنيو في المملكه وهارفي نكلز في الفيصليه والسواني ..

اسعارها غاليه لكن مميزه .. وممكن تشترين تنوره بس وبعدين تركبين عليها من اي محل ثاني ..

لاني بصراحه اشوف مانغو وزار يعني طقت محلات الشايع ما تصلح للعيد ..

لانك تشوفين اكبر عدد من الناس فما تضمنين ان احد يكون لابس مثلك .. عاد بتكرهين نفسك ذاك اليوم

خصوصا اذا صارت الي لابسه مثلك بنت صغيره :01: ..

وعلى فكره بوتيكات السيركون يجيبون في رمضان قطع اسعارها معقوله واشكالها حلوه ..

..

انا الحمد لله اشتريت وافتكيت اخذت من مانغو ورحت سيتي بلازا في اشياء مرررره حلوه وزارا:26:
كل عام وانتو بخير