بسم الله الرحمن الرحيم............
قصتي مع اشعة الصبغه...........للأمانه في بدايتها قصه رعب غير طبيعي وخوفي من شيء مجهول يارب لك الحمد والشكر
خايفه على اني عمري ماجربتها ولا شفتها ولا حتى اعرفها بس ابن آدم ضعيف واي حاجه تهزه وتخوفه، خاصه احنا يالنسوان
زبدة الامر اني من سنه وانا تاركه المانع، وماكتب ربي حمل على ان كل الخطوات(خخخخخ) سليمه واتبع حمية انجاب الذكور
ولما بدت السنه تطوف وغلقت، بديت اجلس مع نفسي بصراحه وارجع لنفسي لعل الله حرمني من ذنب قد اذنبته، وعزمت
على ان التزم الاستغفار وان يشرح ربي صدري ويدلني على مايريحني وفيه خير لي، لما دخلت تجمع الغاليه ام الاشبال ومع
مرور الشهور كانوا الاخوات يقرءون ويتابعون معي وضعي،حتى جاء اليوم اللي ردت علي اختنا الغاليه(مبروك جالك ولد) الله لايحرم
قلبها واذنها من سماعها يارب ونصحتني اسوي اشعة الصبغه، وايدتها اختنا ام الا الاشبال، حبيت اسمع وجهة نظرهم وبديت افكر
فيها من جد، بس وبكل صراحه ترددت حيل وطاح قلبي برجولي من كثر ماهولها اللي اسالهم عنها، وخرعوني>>الضعيفه
بس والله ثم والله ثم والله ان قناعتي اني اسويها مسيطرة على راسي، واستخرت ربي وطلبته وقلت يارب ان كان فيها خير لي
وسبب في تفريج ماانا فيه وقربي ولجوءي اليك اللهم فقدرها لي وعجل بها( لان والله انك لما تقصدين الله بانها تكون في تقربك من
الله ،فان الله مايخذلك ولن يكره قربك منه وتعبدك والحاحك عليه).........ومن استخرت يالغاليات وكل مادعيت الله حسيت اني
ارتاح اكثر واعزم عليها،وتذكرت وحده من زميلاتي سوتها وهي عندها تاخر 5 سنوات من الانجاب، قالتلي توكلي على الله والناس
لا يهمونك يكبروا امر كل حاجه،،،،،،،،وكنت اصدقها واثق فيها لانها من النوع الحساس حيييييييل وقلت لو هي مخترعه منها ،
بتقول وبيبان في كلامها......الله يسعدها،
اخذت موعد من عند دكتورتي ولما قلتلها بسويها قالت اخيرااا والله قرار صائب والمفروض متاخذته من زمان،،،،عطتني موعد
8 يوم من الدورة(تكرمون) وقالت تعالي الصباح، ولما رحت وجهزت نفسيتي لكل شيء ، قالوا تغير دوامها الى العصر، فحمدت
ربي وشكرته قلت باذن الله ان كل تاخيره فيها خيره،،،،ورحت مرة ثانيه على اذان العشاء حتى مصليها العشاء في المستوصف
ولما صليت دعيت ربي ان يسهل امري وان يجعل الامر سهل على نفسي،،،،،،وان يجعلها بحوله وقوته سبب في رزقي منه
عز وجل بتؤم ذكور تامين صالحين مصلحين ،،،،توني مخلصه صلاة الا ينادون على رقمي( ووالله الذي لااله الاهو اني لما دخلت
قالوا قدامك 3 وانتي الرابعه) لان دايم عندها زحمه والوحده تطول حيل لما تدخل، فقلت بصلي وارتاح على بال مايجي دوري
ولما نادوا علي شكرة رب السموات تعرفون ليه؟؟؟؟؟؟؟ لاني حسيت انه من كرمه في اول مرة تاجل موعدي من صبح الى الليل
والثانيه رحمته لي ومعرفته بخوفي وتعجيله لدخولي عليها......وربي مانتظرت يالغاليات......فيارب لك الحمد والشكر يالله
دخلت وكانت دكتورتي ربي يسعدها متفاعله معي ورحبت فيني،وبدت يديني تبرد وانا جالسه استغفر واذكر الله واقول يارب
سلمت نفسي بين يديك مو ايديهم ربي فاني استودعك كل ماانعمت به علي واجعله سبب في بشارة تجعلني اخر ساجدة لك...
واللي زاد من خرعتي انه جايبين الادوات قدام عيني يعني ماجهزوها من قبل وانا وجهي يجيب الوان،بعدها تماسكت وانا
من داخلي راحتي بفضل الله تغلب خوفي اي والله(ماشاء الله تبارك الرحمن) وخلوني البس الثوب اللي يربط من الخلف من شانه
افضل في نومك وفي اخذهم للأشعة، ونمت وبدوا يشتغلون وانا لساني يذكر الله وادعيه،وبصراحه تالمت شوي بس تقدرين
تتحملينه، وتصبرين على المها( الصبغه لما تدخل فيك) واللي تعبني شوي انه فتحة المهبل( تكرمون عندي صغيره) سبحان الله
ومنشان كذا نادت الدكتور يساعدها والرجال الله يهديه مو مثل الحرمه حنونه وتتعامل بكل رقه معك،هههه، وفي هاذي اللحظه
بكيت ونزلت دمعتي تعرفون ليش؟ لاني تضايقت ان الرجال يشوفني وكنت حابه ان ربي يسترني (واقول يارب استرني يارب
استرني، وارحم ضعفنا يارب، ووقتها افكر واقول منشان العيال والضنا بنصبر ونتحمل، الله لايحرمني ماسعيت له وانتوا قولواآمين)
وكانت الدكتورة فوق راسي وتدعيلي وتقول يارب لاتحرمها يارب عطها ماتمنته نفسها وتمسح على راسي وشوي تمسك
بيدي،( الله يرفع قدرها وين ماراحت هالمخلوقه ويجعل جزائها مني ان يدخلها ربي جناته عز وجل) يارب آآآآآآآآآآمين
بعدين قالت قومي وخلت الممرضه تروح معي لدورة المياه( تكرمون) وبعدين وروني صورة الانابيب، سبحان الله وحده، وبفضل الله
طلعت سليمه ( ماشاء الله تبارك الرحمن) ولله الحمد من قبل ومن بعد وهاذي باذن الله ثمرة حسن الظن بالله والتوكل عليه وحده
فان الله عز وجل عند حسن ظن عبده به، بعدها عطتني ابرة مسكنه قالت اخاف يجيك ماغص او حاجه لو رحتي من عندي...
وعدت التجربه على الف خير من رب السموات ووالله انها عكس ماهم مسوين لها فوبيا وانصحكم من كل قلبي نصيحة اخت
تحبلكم ماتحب لنفسها توكلوا على الله واللي متردده تسويها ، تعزم وتستعين بالله وتستخيره وماراح يخيبها رب السموات والارض
اكتب لكم تجربتي من باب ( حب لاخيك ماتحب لنفسك) ومن باب انها مثل الامانه اللي لازم اصارحكم بها بما اني جربتها، فلا
تخلون كلام الناس ياثر فيكم ويحرمكم شرف التجربه ،وضياع اعماركم وانتم ماتخذتوا القرار اللي كان لازم تاخذونه من زمان........
( وصدقوني علقوا قلوبكم بالله فهو النافع وهو الضار وحده) واسال الله ان يفرح قلبي وقلوبكم ...........آآآآآآآمين
( لا تنسوني بعد قراءة تجربتي من الدعاء لي بظهر الغيب، بان يفرج الله همي ويسخرني لطاعته انا وزوجي وذريتي ووالدي
وان يجعلها مفتاح لباب كل خير لي، وان يجعلها سبب هو مسببه في حملي العاجل بتؤم ذكور تامين صالحين مصلحين تقيين
بارين رضيين مرضيين،وان لايجعل للشيطان فيهم حظ ولا نصيب وان يقدر لي الخير حيث كان ويرضيني بما كتب لي والمسلمين
( واللهم لك الحمد من قبل ومن بعد حمدا يليق بجلال وجهك وعظيم سلطانك،،،،،،،،،،،الحمد لله والشكر له وحده)
وعذرا على الاطاله..........
احساس هادي @ahsas_hady_5
محررة
يلزم عليك تسجيل الدخول أولًا لكتابة تعليق.
أم فطووووومة000
•
الله يعطيك العافية احس اني ارتحت شوية بعد ما قريت ردك والحمدلله على كل حال
الصفحة الأخيرة