من الي تعلمني

وينكم :cook:

شوفي حبيبتي جربي طريقتي وان شالله ماتندمين
اولا
قطعي الدجاج بانص وسلقيه بعد التنظيف
مع البهارات المشكله وبصله مقطوعه من النص
واذا كان ماعندك البهارات المشكله استخدمي قرفه وهيل وفلفل اسواد وقرنفل
مع ماء السلق
نقعي خمس اكواب رز باماء حار
وبعد ماينسلق الدجاج
صفي المرق من البهارات وخذي شوي مرق وتركيه علي جنب
وغسلي الرز بماء بارد طبعا بدون ماتفركي الرز
علشان ماتنكسر الحبه بس صبي الماء علي وصفيه
وكبسيه علي المرق وقفي ملعقه خشب في الوسط اذا وقفت يكون المرق مناسب الرز
ارمي عليه 3فلفل اخضر حار
وراقبيه طبعا اذا قلة المرق اقصري النار

الحين تجيبي المرق الي تركتيه علي جنب وتضعي عليه عصير اليمون صبغة الزعفران ومعجون الصلصه
والبهارات مطحونه
وتقلبه مع قليل زيت ادهني الدجاج من الجهتين ودخليه الفرن
والباقي صبيه علي الرز بشكل دائري
واذا تفضلين التجميل
اسلقي معكرونه سباغتي
وقطعي بصل بشكل هلال
وقلبي البصل مع الزبيب وقليل هيل مطحون
وصبغة زعفران وملعقه صغيره معجون طماطم
واخلطي معهم المعكرونه بعد ماتنسلق
واذا جيتي تغرفين
قلبي الرز علشان يختلط مع بعض بس شوي شوي
وبعدين اغرفيه في صحن وضعي عليه الخلطه المعكرونه مع البصل
ورصي الدجاج علي الوجه
وقدميه بالعافيه
وان شاالله تجربي وتردي علي وش صار معك
البرق99