من الي فيكم اقترحت طريقة تقديم الحلويات في الملكه بالخداديات؟؟

وش دعوه

اخت جود اللي كاتبه الفكره اعتقد الاخت عيون احمد في ردها على وحده من البنات ان شاء الله ادور لك نص كلامها بالضبط وارجع لك:27:

هذا نص كلام الاخت عيون أحمد في ردها على الاخت العود الآزرق بكل مافيه من افكار للتقديم والتنسيق (اعذريني ياعيون احمد مااعرف احط روابط)
مكااااااااااااااان العروووووووووووس :
# تأجرون لكم من محلات الورد أو الهدايا صوفة مشغوله بحديد وتأجرون معها توابعها من أعمده رومانيه مزينه بورد طبيعي وطاولة اللي تنجر بعجل هذي ترتبون عليها هدايا المعرس وتحطونها في الكورنر بسسس تكون وااااااااضحه للكل
طبعا ترتبون الأعمده الرومانيه كل وحده في زاويه والصوفة تكون في الوسط ولو يكونو متقدممممممات على الصوفه يكون الشكل أجمل
على الطاولة الصغيرة تكونون حاطين صينيه فضة فيها مفرش دانتيل وعليها كاسين عصير ممكن تسوونه بالبيت وركن المشروباااااااات يجننننننن مبتكر وحلو وإذا ما فيه وقت ممكن تشترون بيرة بطعم التفاح اللي تجي بقوارير طويييييييييييله وخذو واحد بطعم الخوخ وواحد بطعم التفاح أو العنب الأحمر والقوارير هذي تحطونها في سطل فضي تلاقونه في بو ريالين خذي حجم كبير حطي فيه ثلج وورد مجفف وبعدين رتبي القوارير فيه بعد ما تلفونها بدانتيل وعلى الجنب تثبتون ورده يناسب الورد اللي على الأعمده الرومانيه والكاسات تلفونها بحلقات ورد قماااااااش أو بلاااااااااستك وبين كاسات العصير تكونون حاطين فازة مدورة مملوءة لحد الربع ماااااااااء وفيها شمع يطفو على شكل ورد أو قلب

طريقة تقديم الشوكولا
# تشترون خداديااااااااات فخمة اللي تكون أطرافها مشكوكة وفي الزوايا نازل هدب وتودونها لعند باتشي أو أي محل شوكولا فخم ممكن سعد الدين وتختارون من عنده شوكولا تناسب الحفل وتوصونه يرتبه على الخدادياااااااات وقولوا له إنه لحفلة ملكة فخمة عشاااااااااااان يتوصى فيكم
والنهاية شكل ولااااااااااااا في الأحلاااااااااااااااام ومتأكدة بإذن الله الكل بينبهر فيها لا تنسيني بدعوة صالحة في ظهر الغيب ولبنوتي القمر وزوجي بعد

طريقة تقديم العصيييييييييييير
# عشان التعب والكلفة في كاس رايح وكاس جاي تكونون حاطين طاولات دائرية اللي دايما نحطها في الزوايا وتفرشون مفرش ستاااااااااااااااااان عليهاااااااا وفوقه مفرش دااااااانتيل بلون فستااااااااان العروس وتصفون عليه العصير بأنواعه على شكل حلقات دائريه وبالوسط شمعداااااااااااان طوييييييييييل أو فازة شفافه فيها ثلج وجنبها الملقط تبع الثلج واللي تدخل تسلم وتاخذ عصيرها معها
# أو تلبسون العاملة زي العاملات الإنجليز اللي معه قبعته ووبعدين ترتبون العصير في صواني فضة وتخلونها تدور فيه على الضيوف وعامله ثانية بصنيه ثانيه تشيل الكاسات اللي خلصوا منها الضيووووووف

طريقة تقديم العشاااااا
# طبعا تتعاملون مع مطعم مشهور يسوي لكم بوفيه وتختارون الأطباق اللي ودكم فيه من سلطات ومقبلات وموالح وأطباق رئيسية ومعجنات وحلى والمشروبات طبعا ولا تنسون كيكة العرساااااااان اختاروا أنتم شكلها من عنده أو من عند أي محل ثاني وقولوا له يجيب معه الطاولات والكراسي واختاروا لون المفارش اللي بتكون على الطاولات وقولا له إنها لحفل ملكة وهو يتوصى فيكم ويتفنن لكم
ولا تنسون المصورة وخلي أختك تاخذ لها كم صورة في الإستوديو نفسه وبعدين في البيت
الله يوفقهم ويسعدهم ويرزقهم خير الدنيا والآخرة اللهم آااااااااااااااااااامين
ان شاء الله تستفيدي ولاتنسيني من دعائك انا والاخت عيون احمد
:26:

جزيتي خيرااااااااااا