من امس وانا مقهورة

السلام
امس الصبح كنت مع زوجي بس منوصل اغراض حق امي
بيت عمي قدامنا وابن عمي نفسية شوي شايف روحه مطلق مرة ومتزوج مرة ثانية
كان يتهاوش مع حرمته بالجوال وصوته قوي بالحارة يسبها في ابوها وامها كأنه يسمع الناس
شتمها كثير وبصوت مسموع
زوجي سمع وطالعه بعد ماخلص كلمه قاله جزاك الله خير مرة ثانية ادخل حمام بيتكم واقعد سب المخلوقة ماتستحي تسبها كذا بالشارع
قعد يهايط ويصارخ
زوجي قاله تلايط ياواطي بدال ما اقوم اربط شعرك بالسيارة واهجول فيك زوجي هاج عليه صار يبغى يضربه انا ادقدق على اخواني طلعتهم من البيت لانه زوجي اذا طلع الثور لي بداخله يضربه ضرب مو صاحي
دخلو ولد عمي بيتهم وزوجي طلع
بعدين يقولي مايستحي على وجهه هذي حرمته كيف يكلمها بالطريقة بالشارع هذا مهايطي بس يبغى يورينا انه قوي لو ايش ماصار مايسبها بشرفها لعنة الله عليه بين الرجال
انا مقهورة منه كنت بنزل بهزئه
ماتحملتني اعصابي تكلمت مع اخته تقولي هي قليلة أدب معه وصارت تدافع عنه وتسبها وتقول والله بيربيها
قلتلها اعقبي بس ياحراثة الشر اخوكم مريض نفسي عالجوه بدل ماتورطون الحريم معه هذي ثاني وحدة وعمره 28
قالتلي يابنت عمي انتي لاتتدخلين قلت لا بتدخل اجل يسبها بهذي البشاعة قفلت بوجهي
والله يابنات شتايم ترفع الضغط حتى زوجي لي كنت افكره احقر رجل بالعالم عصب منه