من امس و انا قاعه ابكي على بلاهتي

:06:الحكايه ومافيها اني توني مخلصه الاربعين واكيد بنغير اللوك علشان تتطلعلنا طلعه واروح للكوافيره واقص الشعر واصبغ الهايلات واشقر الحواجب والحلا المستخبي كله يطلع " لاتقولون تمدح بنفسها " " امزح " المهم واطالع بنفسي في المرايه بتشقق من الفرحه لانكم عارفين الحمل فترة اهمال المهم كل من شافني ينخبل على الصبغه وفين سويتيها وبكم وناس تذكر ربنا وناس بس تقلب عيونها من غير مايتكلمولما جابولي صدة نفس على اللون سرت موطايقه لون شعري رغم انه في البدايه كان مره عاجبني وانا توني صابغه مالو اسبوعين واروح اجيب صبغه رمادي واحطله واتفاجا بلون غريب الخصل زي ماهيه والارضيه لونها غريب على اورنج والليل كله وانا افكر ايش اعمل الين ماوصلت لحل ابله بقوه اني اجيب لون ثاني واصبغه واجيب رمادي فاتح ثاني يوم واصبغه وهنا الطامه الكبرى لماغسلت شعري ولا شعري لونه اخضـــــــــــــــــــــــــــــــــــــر تخيلو ومابقي عن العيد الا اسبوع مصيبه واقعد ابكي وامي واخواتي يخاصموني مجنونه انتي تسوي كذا وانتي دوبك صابغه قلتلهم قدر الله وماشاء فعل بس ابغى حل ذحين وثاني يوم مانام وانا افكر ايش اسوي واقول من جد هبله وزي هبلي مافيه صابغه جديد للعيد والعب فيه كذا بس ماني عارفه ليه والله شكلها عين واروح للمشغل وقالتلي ابدا مااتصرف فيه لاني لو بحط صبغه راح يطيح شعرك وانتي حره انفجعت وقلتلها اعيد كذا والشمس هاذي اللى في وسط شعري :o وفالتليومالك الا الصبغه المؤقته حاليا بس تخفي اللون وبعد اسبوعين تعالي اصبغه لما يرتاح الشعرشوي وصبغته لون مشي حالك اهون من اول وخايفه اغسله كم غسله قبل العيد وتطلع الشمس المخضره مره ثانيه وحتى الكوافيره قالتلي لاتزعلي ربنا كاتبلك انو يحصلك كذا وعسى ان تكرهو شي وهو خير لكم بس نصحيتي ليكي اهم شي في المراة شعرها ووجهها لازم انها تحافظ عليهالانها اذا خسرتها خسرت كل شي ولا راح تتعوض فعلا كلم سليم ونصيحه مني انا لكل وحده تبغى تصبغ تروح للاخصائيه لانها هي ادرى وانا نفسيتي من معانتي زي الزفت وكل شويه اروح اطالع بالمرايه اشوف اللون مو مني من كثر مافكر ببلاهتي