طلعت على الدنيا
وولدت معي الهموم
عشت مع ام وابو
وكنا عايشين مع عماني
حنا ثلاث بنات وولد
انا اكبر اخواتي عمري 23
وكنا في دوامه مشاكل عماتي يتهاوشون مع امي وكذلك جدتي كنا ساكنين في غرفتين وحمام تكرمون
ماناخذ راحتنا اذا رحنا راحوا معنا يعني ماحنا عايشين
وزود على كذا ابوي يشك في امي
ويعاند امي في خواته وعماتي دايم يتهاوشون مع امي ووحده من عماتي تقول لامي انتي ليه وسخه ليه ماتهتمين في بناتك تقصدنا
وامي ماسكه البيت وهن مايشتغلن وغير كذا يعايرون امي يقولون عنها الرفله وكلام كثير
وكانوا يكرهوننا ودايم يسبونا وحنا صغار
وعذوبنا نفسيا
ودايم يقولون عنا انا وسخين
مره وحده من عماتي تهاوشت مع امي وامي زعلت وطلعت من المجلس
كانت الهوشه في مجلس مليان حريم
بعدين امي طلعت تبكي
بقيت انا مع اختي الصغيره فجاه صرخت علي عند الحريم
وانا بزر
وبكيت
تخيلوا عماتي يناظرونا باستحقار وحنا بزارين وواضحه نظرات الكره في عيونهم
وحريم عماني كذلك ماقصروا
مرت عمي مدرسه في نفس المدرسه الابتدائيه الي كنت ادرس فيها
صارلي موقف اني اطلع في الطابور اعد الارقام
وقلت واحد ثنينه وكملت عادي
بعدين يوم رجعت البيت وجاء العصر نادتني عمتي وقالت لي ليه تقولين ثنينه مو اثنين
ليه فشلتينا وهاوشوني علشان الكلمه ليش قلتيها
فضحتينا وكله من مرت عمي
ومره في نفس المدرسه تعبت وانا يوم كنت صغيره كان يجيني تعب غريب جنوبي توجعني وتكرمون ابول دم دم
ويجيني فجأه المهم جاني الوجع في الفصل وساعدوني المعلمات وشالوني ومريت عند غرفه المعلمات واشوف المدرسات يقولون لمرت عمي حرام ساعديها واشوفها تقول اوه وتشير بيدها انها ماتبغى تساعدني وفيها حركه استحقار
طفوله مبعثره @tfolh_mbaathrh
محررة برونزية
يلزم عليك تسجيل الدخول أولًا لكتابة تعليق.
طفوله مبعثره
•
بكمل لاحد يعلق
يارب تشفي أختي طفوله مبعثره......وتجمع شملها هي وامها وأبوها في بيت يجمعهم ياكرييييم آآآآآآآآآآآميييين وتشفيها والمسلمين.....
ياقلبي انتي كبرتي وهم حسابهم عند رب العباد
وخليك مثل المثل اللي يقول واثق الخطوه يمشي ملك
احقريهن ولا عليك من احد
اقهريهن بالخصران وعدم الرد عليهن
خل تموت الحيه وسمها فيها
وخليك مثل المثل اللي يقول واثق الخطوه يمشي ملك
احقريهن ولا عليك من احد
اقهريهن بالخصران وعدم الرد عليهن
خل تموت الحيه وسمها فيها
الصفحة الأخيرة