من انتم ؟!!

اسعد الله ايامكم برضوانه و العتق من نيرانه ،،


احبتي .... كما هو واضح بالعنوان سؤالي موجه للعضوات الكريمات اللي يسعدونا
بخلطاتهم وتجاربهم الحلوة للعناية بالبشرة ..

من انتم ؟!

كل ما دخلت القسم الاقي مختلف المواضيع و النصايح والتجارب .. واهم مافيها الخلطات

الكريم الفلاني مع الصابونة العلانية مع الزيت الفاضل و شوي ع النار و بعدين بالثلاجة
وبعدين حطي 24 ساعة ...

حشي خلطة من صيدلي ...


يا ترى ايش شهادتك و مؤهلاتك اللي خلتك تخلطي مواد كيميائية زي الكريمات
او حتى الزيوت و تستخدميها و ترشحيها للناس !!!

ترى الخلطات لها فوايد و مضار..

لا تلعبي ببنات الناس بتجاربكم الغير مدروسة .. انتم بكيفكم بصحتكم لكن لا تلعبوا بغيركم
ادري ما احد ضربهم على ايديهم عشان يجربوا بس الانثى ضعيفة عند جمالها
ومستعدة تدفع مالها كله عشان تكون الاجمل ... كيف عاد لما تكون ببلاش او مقابل مادي بسيط

ما انكر في خلطات فادتني شخصيا .. بس كمان في خلطات استفزتني من قوة الاستهتار
بالمواد الكيماوية المستخدمة ...

ولا الزيوت اللي يتفننوا بخلطها .. مع انه لو كلفوا نفسهم و بحثوا كان عرفوا اضرار الخلط هذه

اكرر .. لا ارفض الخلطات بل اعشقهااا و احب اجرب .. بس قبلها اتاكد من مكوناتها انها غير
ضارة و خلطها كذلك ...

ولا اتهور واسوي فيها صيدلانية و اخلط كريمات مع بعض في سبيل الحصول على بياض الثلج

......

في ختام موضوعي ما ابغى احد يزعل .. بس ياريت الاقي الشجاعة عند وحده من اللي يفيدونا
بخلطاتهم وتقول انا اسويها عن دراسة و مراجع ..
او تقول اسويها بس بالحظ و التجربة ..

باختصار افصحوا عن خلفياتكم الخلطية

:upsidedow