نفس المعاناة أعمارهم 11 و 8 سنوات وأزيدك من الشعر بيت كل واحد يكره الثاني ليش ما أدري الله يهديهم ويصبرنا ويعيننا على تربيتهم

يا قلبي
كلنا بالهوى سوى
الله يعيننا بس

والله ياختي نفس الحاله عندي اثنين 9 و8 سنين مهبلين بي توم وجيري كل واحد يكيد للثاني وطول اليوم فلان فعل وفلان ترك وبس مااصدق تجي الساعه ثمانيه عشان ينامون وارتاح من المشاكل المشكله اني عايشه بشقه واحسهم محكورين ولايطلعون عشان يستهلكو النشاط الا المدرسه واتنمى لو في نادي قريب اسجلهم فيه ويكون امين عاد صرنا نخاف على الولد من المجتمع الفاسد الله يحفظ لي ولك
والاب مايجي من الدوام الا الساعه خمسه العصر تعبان وهلكان
وانا رايحه فيها معهم الله يهديهم

ألاحظ ان الام العصبية عيالها يتضاربون والام الهادية عيالها زي الحلاوة

حاولي تكوني هادئة واي شي يتهاوشون عليه جيبي حل
مثلا لا تقفلين التلفزيون خلي نص ساعه لكل واحد
وانصحك تبعدينهم عن طيور الجنة كلها رقص وموسيقى

ووقت الترتيب قولي الاكثر تحمل لاخوه بياخذ مكافأة
عوديهم يتحملو بعض مو كل واحد يدور الزلة عالثاني

والله يهديهم ويخليهم اك

عندي بكري الله يحفظه 8 سنوات ونص واللي تحته مباشرة سبع سنوات,, والله كأنك قاعدة تقولين شاللي يصير لي في البيت معاهم
واحد سوبرمان والتاني باتمان

لما وصلت الامور مع الحمل ما اقدر اتحمل اكثر وتعبت من المطامر وراهم كل يوم
اشتغلت عليهم بالحرمان من كل شي يحبونه , التلفزيون والاكس بوكس والالعاب واللعب مع عيال عمتهم
واخذت قريب الاسبوع ,, والله يا قلبي شوفي لي الحين شهر ونص ولله الحمد مرتاحة وحاطة رجل على رجل من جهة الكبار
يا يلعبون مع بعض والا كل واحد في جهة
ومخليتهم مدرسين لأخوانهم الصغار الله يحفظهم لي لنهم باديين الصغار يتشيطنون

وبعد حاولي ابوهم يا خذهم معاه على طول خصوصا انهم عيال وكبار والله ان الطريقة هذي تغنيك عن الف طريقة