من اول اتمنى الوظيفه ويوم جتني كرهتها وجتني حالة نفسيه

السلام عليكم
بدخل بالموضوع على طول انا توظفت في بنك من 6 شهور تقريبا وكنت مبسوطه وسعيده اول ماتوظفت شفت الحياة صدق لاني كنت اتمنى اتوظف تعبت من جلسة البيت والاكتئاب المهم انا بطبعي خجوله وهاديه ومو اجتماعيه كثير شفت عالم اخر هناك سواليف وضحك وصداقات وشلل حاولت قد ماقدر ادخل معهم لكن احس اني مهمشه وجودي وغيابي نفس الشي مايفرق وانا الوحيده الجديده بينهم
يعني كل ثنتين او 3 تلقونهم صديقات مره وقريبين من بعض دايم يجلسون سوا وانا اجلس لحالي ماتخفى عليكم ساعات الدوام الطويله!
حاولت اسولف مع هذي وهذي لكن صوتي مره منخفض هذي طبيعتي ماحس بالمشاركه
البنات كل وحده صوتها اعلى من الثانيه ويحسبوني شايفه نفسي لاني ماتكلم كثير واذا جتني وحده تتكلم معي يحمر وجهي مره وارتبك
عرفت ان اللي معاي رهاب اجتماعي حااااااااولت اساعد نفسي لكن تعبت صرت ادخل النت وابحث عن حل لمشكلتي بدون فايده
احس انهم مايشبهوني والمشكله ماحس بالثقه معهم يتكلمون معك ويتكلمون من وراك مجتمع غريب جدا
عندي صاحبات واحب السواليف لكن ماعرفت ادخل معهم
افكر اراجع دكتور نفسي كل يوم ارجع للبيت مكتئبه ممكن تساعدوني؟