من باب الادب والذوق اتركي الحسد عنك والحش في الناس ولاتفتنين بينهم وخليك كريمه وابتسمي ترا الا بتسامه صدقه مو تجين ماده بوزك ايش سسوو لك وبس بس قاهرتني وحده مهما نسوي من معروف ماينفع معها

من باب الأدب أي عضوة تشوف موضوع أو رد مابيعجبها
مش مجبورة ترد عليه وتقلل أخلاق وتغلط على صاحبته
ويعطيكِ العافية

ان تضحين العالم على شخص

من باب الادب اذا شفتي وحده عندها ولد عنده اعاقه بسيطه لاتتلكعي وتقولي ودوه وجيبوه وفلانه تعالج وعلان يداوي
مو هي اللي خلقته الله سبحانه اللي خلقه كذا وله حكمه سبحانه
امسكي لسانك وانطمي

حبيت الموضوع الله يعطيك العافيه ياصاحبه الموضوع
من باب الأدب ماتسالين وحدة تأخرت بالزواج ليه ماتزوجتي مع انك حلوة وصغيرة ..؟ وللي تطلقت شنو السبب اللي خلاك تطلقين شنو فيه طليقك ..؟
وللي ماخلفت ليه ماصار حمل للحين اخاف عندك تكسيات ولا مرتفع هرمون الحليب ... ؟
ليش ماتحضرين اعراس ..؟ ليه ماتروحين لقوم فلان صار بينكم شي ...؟
الحركات اللي مااحبها من بعضهن مثلا كنتي بعرس وتجي وحده وتسلم على اللي جنبك وتمر من جنبك ولا كأنها تعرفك .. السلام لله اسلم على الجميع مو انتقي من اسلم عليه ..