البارح عالفطور اشتهيت اسوي خلية نحل وبيتزا
عجنت العجينة فقلت اسوي شي جديد سويت خلية النحل لكن حشيتها بيتزا تغير يعني
وقمت صورت لكم الخطوات قلت ان ضبطت انزلها واذا لا لامن شاف ولا من دري وانا وحدي بمطبخي
بس ترا شغلي كان عالسريع لان بنتي تبجي ومستعجلة عالفطور بس مع هذا صورتها لكم
نبدا
بسم الله الرحمن الرحيم
سوي عجينه الي تحبيها
وجيبي مكونات البيتزا (صلصة +لحم+زيتون +طماطة+فلفل+جبن مبشور)انا احب البيتزا بهالمكونات
وهذي الصورة
نجي نقطع العجين كور ونفتحها بهالشكل
ونحط صلصة
ونحط اللحم
ونحط باقي المكونات بكميات قليله(طماط+فلفل+زيتون وجبن)
ونسويها بشكل كرة
ونصفها بالصينية
وهذي هي كملت وصبغتها فبيض ورشيت سمسم
وهذي بعد ماستوت
وهذي من الداخل شوفوها هشة وتجنن
طعمها نفس طعم البيتزا لكن الفرق بالشكل
يارب تعجبكم
وادعولي
ياريت اشوف تطبيقكم لها
لاتنسون التقييم وتعبت وانا اصور وانزل
بس اكيد تستاهلو