السلام عليكم ورحمة الله وبركــــــــــــاته
حياكن الله أخواتي رسالة وصلتني من أحد
الأخوات وأتمنى منكم نصيحتها والدعاء لها لعل الله يكتب لها الفرج من عنده ...
فاصله ،،
أرسلت لي أحد الأخوات قبل 4 أو خمس أيام رسالة تطلب مني حل مشكلتها
وبالغلط والله حذفت الرساله وضاق صدري اليوم يوم جيت أدورها
مالقيتها فياليت الأخت تقدر ترسلها ثاني أكون شاكره لها ...
تقـــــــــــــول الأخت ..
والله ماادري وش اقول ولا وش اكتب
يعلم الله اني استخرت ربي قبل لا ارسل لكم هذه الرسالة
قلبي يتقطع و لا ادري وين اروح ؟
ولمن اشكي ؟
اللهم ثبتني ياحي ياقيوم
ابغى اتكلم ابغى أفضفض شيء من اللي في صدري
زوجي .....
ياالله يابنات وش اقول لكم بعد ماكنت اعتقد اني الوحيدة والاولى والاخيرة في حياته
يصير جنبي وقلبه مو معي
يصير يتحاشى قربي
اقرب منه ويبعد
على سرير واحد و مايفصلنا الا اشبار وقلوبنا واحد بالشرق واحد بالغرب
تعبت وانا اركض وراه
هو يبعد وانا الحقه
الى متى ؟؟؟
قولوا لي الى متى تكفووون تعبت والله تعبت
الله يفرج لي من عنده
والله اني اكتب حروفي ودموعي تسبقني
والمصيبة الاكبر!!
اني اعاني من كل الجهات
في بيتي من زوجي ووجوده معي جسد بلا روح
وبرا البيت اني احاول اكون طبيعية واكتم كل مايصير ببيتي
من تقدر تسوي كذا تكفون ؟؟
واللي مثلي زوجها بالنسبة لها كل شيء هو قوتها وهو ضعفها هو سعادتها وهو دنياها مااتخيل بيوم اني افقده ولا لأي سبب كان واتمنى ربي ياخذ عمري قبل لا يجي هاليوم
تخيلي نفسك مع زوج تحبينه بكل مافيك وتبذلين له اللي تقدرين عليه واللي ما تقدرين وتضحين لاجله وتتحملين معه بلحظة تكتشفين انه يفكر بغيرك او يفكر يتزوج او يبحث عن زوجة يا الله والله يابنات مستحيل اوصف لكم الالم اللي بقلبي
كتبت لكم ابغى افضفض ابغى اتكلم ابغى احكي
تصدقوني لو قلت لكم أحيان يضيق صدري وادور احد ابغى اتكلم ابغى احكي ما القى احد افكر ادخل شات افضفض عن نفسي شوي واطلع والله يا بنات يجيني هالتفكير بس ربي يعصمني والله اني بليلي ونهاري ادعي ان الله يبعدني عن الحرام ويثبتني..
احس من جواي فراغ ما ادري كيف املاه ؟؟؟؟؟؟
تعبت ارجيه تعبت وهو ولا هنا
فاقدة لكل شيء لا حنان ام ولا زوج ولاعطف اخت او مراعاة واهتمام صديقة
من لي الا انت ياربي
يارب فرج لي من عندك
بتسألوني ليه ؟
عندي ام وعندي خوات وعندي صديقات ومعارف
لكن امي ما تتحمل قلبها يتعب
ما تتحمل الهم انا بنتها الكبيرة امي ترمي همومها علي وانا اضحك ولا ابين لها شيء من اللي فيني ما اقدر أزيد همها يكفي خواتي واخواني الله يعينها ويعظم اجرها
خواتي طبعا عندهم اللي مكفيهم من الهم وانا بعد في نظرهم الكبيرة والقدوة (للأسف) ودايما يشكون علي وانصحهم اجي بلحظة ابين لهم ضعفي صعبة وحتى لو ما راح القى عندهم حل مع قلة خبرتهم
صديقات لي وينحطون عالجرح بس كل لاهي بدنياه وفيه شيء ثاني بعد اني ما احب ابين عيوب زوجي ولا ابغى احد يشك فيه بلحظة او صورته تتشوه قدام الناس
لجأت لربي
والله ما خاب من لجأ له سبحانه
بالعكس والله اني استمد قوتي من قربي منه
يا ربي ثبتني
يا ربي ثبتني
والله احيان اني اقول الموت ارحم لي من اللي انا فيه
بس كل ما اتذكر عيالي يتقطع قلبي من لهم بعدي ؟؟
وهذا اللي يخوفني اكثر على نفسي واحاول قد ما اقدر اكون قوية وما اضعف
بس انا مرأة وتعرفون المرأة مهما بينت انها قوية تضعف وما تقدر تكمل
وما كتبت لكم اليوم الا بعد ما فاض فيني
اصعب شي انك تحسين انك مكسورة من الداخل
تمشين وانتي رافعة راسك بس للاسف لازم تنحنين
ما فيه احد يسندك ؟!!!!!!!!
هو كان سندي بعد الله
كان كل قوتي ما كنت اخاف من شيء او احمل هم شيء وهو معي
معي بقلبه وعقله وروحه ماهمني شيء ثاني حتى ولو قصر في جوانب ثانية
كنت احمد ربي واشكره على نعمة الزوج الصالح
الآن العكس يسعى لتوفير كل شيء من امور الدنيا كل شيء ما يبغاني ازعجه بكلمة ناقصنا كذا او يمكن يبغى يلهيني عنه
صار يفرح بطلعتي من البيت وكل يوم يسألني اليوم بتروحين شيء؟؟؟؟
10 سنوات عمر زواجي معه تحملت فيها كثير كثير بس كنت اقول الحمد لله
غامض بعييييييييييييييد
قد ما اقول لكم وشلون بعيد ما اقدر اوصف بعده يسرح كثير
جسمه معي لكن باله الله اعلم وين ؟؟؟؟
تغيييييير كبير صار في حياتي ما اقدر اتحمله
احس الأرض تهتز من تحتي والله يا بنات
احس اني واقفة على ارض ممكن تخسف بي بأي لحظة
كل شيء اختلف شكله وطعمه ولونه
بيتي ماعاد هو بيتي وزوجي وماعاد هو زوجي
وانا ماعادني انا اللي ((( كنت )))
صرت احمل هم كبير هم بكره ؟؟؟
بكره وش بيصير ؟؟؟؟
بكره عيالي من لهم ؟
انا من لي ؟
يارب ارحمني برحمتك
يارب ارحم ضعفي وقلة حيلتي
يارب انظر لي بعينك وفرج لي همي وغمي يا حي يا قيوم
بنات والله ما ابغى منكم شيء
اعذروني لاني ازعجتكم بمشاكلي لكن والله من اللي فيني
احس اني لو ما حكيت باموت
كل اللي ابغاه اني احس ان فيه احد حاس فيني حاس بمشاعري
تعبت وانا ادور احد يحس باللي في قلبي ما لقيت تعبت اترجى زوجي واتوسل له مالقيت منه أي تعاطف ؛؛
قلبه مو معي يا بنات و هو ماخذ كل قلبي !!!!
ولاتبخلون علي بدعوة ان الله يسخره لي ويسخرني له ويحنن قلبه علي ؛؛؛
وأكرر أسفي مليون مرة لاني ازعجتكم .
××××××××
على عرض المشكله
والله يسخر لها زوجها يا رب ( دعوه من يوم الجمعه ساعة استجابه )
و ( دعوة المسلم لاخيه المسلم )
يارب تستجيب
وانصحيها تقرى سورة البقره
تفرج الهموم ان شا ءالله
انا والله انواع الهموم ولي يومين اقراها احس اني مرتاحه الحمدلله
ومطنشه الدنيا على كثر مشاكلي ما عاد صرت احس
لدرجة ركبتي جاني فيها جرح ما حسيت >> دخلت موضوع ثاني
خخخخ
عمومآ الدنيا فانيه وما راح توقف على رجال
<< ما تعرف ترد زي الناس
العذر والسموحه :)