عفوا الكلام مكرر

احس المشكله نوعا ما معقده لانه اصعب شي على الزوجه اذا كان بين زوجها واهلها مشاكل لانها تحب زوجها وبنفس الوقت ما تقدر تستغني عن اهلها....
وانا اشوف الحل مثل ما قالت اختي ام علي ولازم تحاول تحل المشكله بأسرع وقت ومن البدايه المفروض توضح موقفها من اول ما حصلت المشكله وانا مستغربه ليش بينت لأهلها انها معاهم ضد زوجها ليه ما قالت من البدايه انه تحبه وتبغى ترجعله.....
اكيد السبب الرئسي صغر السن عند الزوجين وخبرتهم القليله في الحياه....
الله يعينها ويرشدها للي فيه الخير والصلاح ويردها لزوجها ويديم المودة بينهم....

صراحة الزوجة هي اللي غلطانة....من البداية كان لازم يكون عندها رأيها الخاص....ولا تقولون صغر السن ...انا عمري عشرين سنة ومع هذا شوري بيدي...وحتى إذا غصبوني على شيء اقاوم قد ما اقدر.... شلون رضت من البداية....ودامها رضت ليش راحت وقابلته بالسر؟؟؟؟اصلا اهو زوجها.....ليش اهلها بيذبحونها استحالة....لازم تواجهم....ولازم تتحمل نتيجة غلطها...بعدين وين الزوج وين اهل الزوج....وش نوع المشكلة اللي بينهم....يمكن هالمشكلة فعلا كبيرة....لدرجة انهم يذبحونها لو دروا انها حامل منه....وبعدين شيء ثاني...الأجهاض حرااااااام....يعني شلون تفكر انها تقتل نفس بغير حق؟؟؟...وهذا ولدها ولازم تدافع عن نفسها وعن ولدها وعن حقوقها الزوجية....تكلم ابوها..او امها او انشالله اخوها الكبير.....احد كلمته مسموعه..واكيد راح تقدر تقنعهم.....وهذي الكلمة اوجها للزوجة(حرام....حرام...حرام انك تفكرين بالأجهاض...)

والله يا حبيبتي صاحبة القصة ما اشوفك غلطتي يوم انك
حبيتي زوجك دامه دين واخلاق ويحبك ويعزك لكن غلطتي انك ما اظهرت لأهلك
انك متعلقة فيه وان مافيه قوة بالعالم تقدر تحرمك منه ..ا نا اقول بأسرع وقت
لازم الموضوع ينحسم وتفاتحين اهلك بالموضوع وكفاية الي راح لازم تقولين
زوجي هو جننتي وناري وانا ماشفت منه قصور واذا كان لك فترة بسيطة من
تزاعلتوا مع زوجك فقط فترة بسيطة يعني شهر او شهرين وتحسين اهلك فيهم
دين وخوف من الله فما فيها شيء انك تقولين ابو ابني لأنه مستحيل اذا كانوا
اهل دين ويخافون من الله ويقولون لك بكل بساطة سقطيه .. واصحي تطيعين
الشيطان مايجووووووووووووز تقتلين نفس بريئة بغير ذنب اتقي الله ولا تفكرين
مجرد تفكير بهالشيء .. حرام عليك شلون يطاوعك قلبك تقتلين الشيء الي بينك
وبين حبيب قلبك زوجك وشلون يطيعك قلبك تسوين شيء يغضب رب العالمين انا
اقول بأسرع وقت خلي زوجك يعاود المحاولة لو مية مرة ويطلب الصلح وشوفي
لأهلك يا خالك يا عمك مافيها شيء وهو يجيب احد من اهله وهم يصلحون بس
لا تسكتين .. لا تضيعين احلى ايام عمرك بالزعل وحاولي تحلين الموضوع بالاصلاح
بين اهلك وزوجك حاولي تكسبين الطرفين الله يسخر لك زوجك ويهدي اهلك ويصلح
حالك يارب والف مبروك الحمل .. لا تفكري تقتلي فرحة كثير من الناس يتمناها شيلي
هالشيء من راسك هذي نصيحة اخت تحبك على انها ما تعرفك ...






اتمنى لك التوفيق

االسلام عليكمورحمة الله وبركاته
انا شايفة انه القصة كتير غامضة ولا نستطيع اعطاء راينا فيها يجب ان توضح المشكلة اكثر
بعدين كتير شخصيتها مع اهلها ضعيفة واستطاعت ان تخرج لمقابلته ومعاشرته؟ لا افهم ارجو توضيح المشكلة ان احببت المساعدة وكان الله في عونكم