الإخوة والاخوات الكرام .....
السلام عليكم ورحمة الله
نعرض عليكم اليوم رسالة من بريد خدمة الرسائل الإجتماعية .....
جزاكم الله عنا وعن السائلة كل خير ....
تقول الاخت صاحبة الرسالة :
يابنات ارجوكم عايزة كل واحدة تقرا الموضوع ترد ولو بكلمة يمكن تكون مش عارفة انها مفيدة ....... بس تطلع هى اللى ربنا كتب تكون هى الحل ..... يعنى ما تبخلوش عليا الله يخليكم ياحلوين "وان شاء الله لكم دعوة فى ظهر الغيب "
المشكلة يابنات ان لى صاحبتى آخر يوم فى المتحانات لاقيتها متغيرة ووشها خاسس وتايهة وما حاتش فى المتحان كويس
المهم انى لما سألتها حكيت لى على كل حاجة
قالت لى ان ليها اخت اصغر منها "18سنة" بس البنت دى جريئة وطول عمرها مدّلعة
لان والدها اتوفى وهى فى خامسة ابتدائى وما شافتش حنان بس امها والله طيبة بس مشاعرها جامدة شوية يعنى ممكن مثلا تبخل عليها بحضن او كلمة :بحبك
وامها دى مكافحة جدا يعنى بتشتغل مدرسة وبتسعى على بناتها "3بنات" ومش مخلياهم محتاجين حاجة ابدا بالعكس ماشاء الله حالهم احسن من اللى حواليهم
انا اسفة على التطويل بس باحطكم فى الصورة
المهم اخت صاحبتى دى كانت بنوتة بريئة وعادية جدا زى باقيت البنات
لحد ما دخلت كلية الهندسة فى السنة الاولى
لما دخلت كلية الهندسة يابنات اتغرت فى نفسها واتكبرت على امها واخواتها وبدأت تطاول على امها بالكلام الشديد
وامه كانت ما بتسكتش لأ تضربها وتزعألها جامد
صاحبتى حاولت تتقرب من اختها وتعرف ايه اللى فى نفسها فالبنت قالت لها : انا مابحبش ماما ..انا باكرهها ... انا عمرى ما شفت منها حنان وانا حاسة انى ربيت نفسى بنفسى مش هى اللى ربتنى "مع ان الم مش حارماها ابدا من حاجة "
المهم ان صاحبتى تمالكت نفسها وما رديتش عليها علشان تخليها تثق فيها وتحكيلها على كل حاجة
بعد كدة صاحبتى اكتشفت ان اختها دى بتكذب على صاحباتها فى الكلية ومش معرفاهم ان والدها متوفى وبتقولّهم ان والدها مهندس وانه غنى وانه وانه
وحاكيالهم حكايت كلها كدب لحد ماهم كمان بدأوا يزهقوا من طريقتها ويملوا منها ويبعدوا عنها
وصاحبات اخت صاحبتى ناس ما شاء الله مبسوطين فهى البنت حاسة انها اقل واحدة فيهم وبتضغط عاى امها علشان تجيبلها لبسسس زى صاحباتها وموبايل وكدة والام ماتملكش الا انها بعد الضغط والمشاكل تجيب لها اللى هى عاوزاه
المهم البنت دى اتضح انها متعرفة على ولد "ابن خالتها " وضاحك على مخها ومخليها تحبه مووووت وتسمع كلامه فى كل حاجة لدرجة انها بتروح معاه بيته لما تكون امه "خالتها " مش موجودة
بس اظن انه ماخدش منها كل حاجة "ربنا يعافينا ويعافى بناتكم"
وهى للاسف حكت لاختها "اللى هى تبقى صاحبتى " على كل حاجة ويتحكيلها كمان كلام قذر صاحبتى بتقول لى : انا مش قادرة اتخيل ان فى كلام بقلة الحياء ده لان الولد ربنا يهديه مجرأها على الآخر
وصاحبتى نصحتها كتييييييييير وقالت لها الف مرة الولد بيضحك عليمى وحايرميك وفهمتها انه ممكن يأذيها و... و....
اختهل تقتنع جدا بالكلام ده لكن اول ما الولد يكلما ترجع تانى ولا كأن حد قالها اى حاجة "مع العلم انه بيكلما كتيييييييير على الموبايل من غير ما امها تحس"
لدرجة ان صاحبتى كلمت الولد ده وقالت له :ابعد عن اختى وهزأته لكن الولد قليل الادب خالص ويرد عليها ردود سيءة وبيقولها :على فكرة انا مش حاجّوز اختك انا بس باتسلى معاها
والبنت الغبية عارفة انه مش حايتجوزها وبرضه مستمرة معاه "ربنا يهديها"
المهم يابنات ان صاحبتى آخر ماغلبت لمحت لمامتها قامت مامتها اتصرفت بعنف شديد وضربت البنت ونزلت فيها شخط وشتايم "البنت تستاهل لكن مش دى الطريقة"
لان البنت عندت اكثر وحالفة ماتسيب الولد القذر ده
وفى الآخر كمان اضح ان البنت بتسرق فلوس من شنطة امها كل ماتحتج للفلوس
وصاحبتى محتارة جدا لدرجة انها مش بتاكل
انا نصحتها انها تقول لاحد أخوالها لكن هى قالت لى انها مش واخدة عليهم لدرجة انها تحكيلهم عن موضوع زى ده وكمان امها مش عايزة فضايح ولو عرفت انها قالت لحد ممكن تبهدلها
بنات صاحبتى تتصرف ازاى ؟؟؟؟؟؟؟ والله انا اتحطيت فى الموضوع ده وانا ماحبش حد يحكى لى مشكلة الا واحلها او اساعده
والله إنها صعبانة عليا جدا
ربنا يفرج همومكم سلعدونى انى انصحها النصيحة اللى تنفعها وتنقذ اختها
لكن ابوس ايديكم اى واحدة عندها رد بايخ او يحرق الدم ياريت تحتفظ بيه لنفسها وتدعى للبنت ان ربنا يهديها ويستر عليها
ربنا يستر على بناتكم مستنية الرد
وجزاكم الله خيرا
نصيحتي ... هي تذكيرها بالله .... تذكيرها بالحرام والحلال .. بالثواب والعقاب ....
اعطائها أشرطه دينيه .... أناشيد معبرة ... آيات قرآنيه صريحه ....
لا تتركوها في غفلتها .... فهي في أشد الحاجه لله ...
ذكروها بالله ... وأعتقد بل أثق أن لديكم من جماعات الصحبة الدينيه الأخوات الصالحات اشرحوا لهن الأمر ولن يتركوها في ضلالها بل سيبذلن مابوسعهن لإرشادها ...
ساعدوها بالعودة إلى الله .....
هداها الله ... وحفظ بنات الإسلام من كل شر ...