الإخوة والاخوات الكرام .....
السلام عليكم ورحمة الله
نعرض عليكم اليوم رسالة من بريد خدمة الرسائل الإجتماعية .....
جزاكم الله عنا وعن السائلة كل خير ....
تقول الاخت صاحبة الرسالة :
والله مشكلتي مشكلة يمكن اللى يقراها يشوفها شي عادي بس صرت كارهه الحياه وقسم بالله العظيم صرت أمشي كأني في حلم من صدمتي
مشكلتي هي اني بعد التخرج على طول قدمت على وظيفة والحمد الله انقبلت وتعرفت على زميلاتي بس بعد خمس شهور تقربت أكثر من وحدة أحس انها تفهمني لما اقصد شي او تفهم طريقة تفكيري بالظبط تقربت منها مرة حسيت انها صديقة بمعنى الكلمة بس بعد شهرين احس انها صارت مسيطرة عليا في كل تصرفاتي انا مشكلتي اسكت ما احب اتكلم عشان ما ازعلها المهم هي اكبر مني كثير انا كان عمري 22 وهي كانت 31 سنة فهمتوني!!
المهم مشكلة صاحبتي انها مطلقة وكانت دائما تقولي ترى سمعة المطلقة مهي حلوة وانا اخيرك اذا كنتي تمشي معايا او تتجنبيني عشان سمعتك وانتي لسة صغيرة؟؟
انا ما شفتها مشكلة في حد ذاتها وكنت دائما اقولها ان انا ابغى شخص وما يهمني الكلام الفاضي ومرة اختي عزمت زميلاتها وعزمتها كمان عندنا وبعد ما خرجت سألت أخواتي ايش رايكم فوحدة من اخواتي قالت اقولك بس ما تزعلي قلت لا قالت هذة الانسانة مهي مظبوطة وبكرة يثبت لك قلت لا حرام هي طيبة وقلبت الدنيا انا وزعلت من اختي عشان قالت عليها كذا قالت اختي انا لو ما اخاف عليك ما حذرتك وانا افهم اكثر منك سكت وجلست الاحظ على صاحبتي كل شي تسوية لقيت كلام اخواتي صح المهم بدأت ابعد عنها شوي شوي يعني ما اخليها تتحكم فيا اتصالاتها احوال اخفف منها وكأني والله في صراع ماني عارفة هي صح او اخواتي كلامهم صح
المهم جات الطامة الكبرى قبل خمس شهور علمتها على النترنت بحكم وضيفتنا نحتاج اوراق او اي شي فالماسنجر اسهل نرسلها بدل من السيارة وسواق والبيت بعيد المهم اتعلمت وكنت مرة فرحانة اني علمتها شي مفيد جاتني في رمضان هذا الماضي قالت لي انتي بعدتي عني واحسك مو زي أول قلت لها عادي وصارت خلافات وصراخ الين ما قلت لها انا ابغى العلاقة تكون جدا عادية حتى تخرج عن نطاق الصداقة الا فجأة ضربتني كف انا اتفاجأت منها واصرت ان تكون العلاقة عمل وبس لا اقل ولا اكثر الا جاتني في شوال وقالت لي شوفي ورتني رسالة قالت لي هذا واحد تعرفت علية بالشات انا انصدمت منها وسكت جيت ثاني يوم سأتلها ليش سويتي كذا وانتي ام لولد كيف تكوني مربية وانتي اصلا مو صغيرة عشان تسوي كذا ياناااااااااااااااااااااااس صدمتني
قالت انتي سبتيني وحاولت انساكي بأي طريقة حاولت ارجعلها اقرب منها وحاولت اسوي كل شي عشان تبعد عن هذا الطريق الين ما بعدت حتى رقمها خليتها تغيرو عشان هذا الشاب اللى اتعرفت عليه
طيب الين هنا اعتقد اني ماشية صح وبعد الحج في محرم بديت اشك فيها مرة كثير فوق ما تتخيلي قممت سألتها انتي متأكدة انك بتستخدمي الانترنت صح قالت ايوة شايفتني صغيرة قلت لا بس انا قبل ما اعلمك علية حلفتك بالله وانتي اقسمتي ان يكون استخدامك صحيح
المهم ما اطمنت لها سويت ايميل ثاني غير اللى هي تعرفة واضفتها ارسلت لها رسالة اني مستنيها على اساس اني واحد وبعد يومين قبلت الاضافة وكلمتني وقالت لي خذ هذا الايميل وضيفني لان هذا الايميل حق صاحبتي واضفتها وجلست ادردش معاها يمكن 3 ساعات على اساس اني رجال مو بنت ياناس صدمتني عندها استعداد تعطيني الرقم وعندها استعداد لأشياء كثيرة المهم جيت ثاني يوم اخر الدوام قلت لها انتي ماشية صح قالت بعين قوية ايوة أنا ما تحملت كذبها أبدا وفار دمي قلت لها ايش رايك اللى كان معاك أمس على الماسنجر انا انصدمت وخرجت بسرعة من العمل
ارسلت رسالة قالت فيها انها كانت ماشية صح بس انا السبب علمتها هذا الطريق وان ذنبها برقبتي اتصلت وقلت لها عمرك 34 وأم لولد وان عمري 25 هل صحيح اقدر أثر فيك وأخليك تمشي خطاء بس أنتي كل شي تستخدمي خطاء جوال مع شاب إنرنت مع قلة أدب قالت أنا كنت ماشية صح طول عمري بس شوي أنتي السبب
هدتتها اني اكلم اختهم الكبيرة واقولها كل شي واخلي مسؤليتي بس المشكلة يا ناس العمل يجمعنا وانا صارت حالتي صعبة والله العالم انصدمت في هذة الإنسانة ماني عارفة اتصرف ساعدوني اللة يخليكم الله يوفقكم انا اكتبلكم وان دموعي مو راضية توقف من قهري وصدمتني
سؤالي يا غالية هل أبلغ أختها اللى أكبر منها عن تصرفات أختها واللى سوتوا أو أبعد وأسكت؟
ثاني شي كيف أتصرف معاها والعمل مشترك أصلا ماني قادرة أطالع فيها ولا أكلمها والله أعدي من جنبها ولا أرفع عيني فيها والكل صار ملاحظ بعد ماكنا أصحاب
ثالث شي أنا تعبانة نفسيا قد ماصار منها بس أحس اني متعودة عليها وفي نفس الوقت مقهورة ومصدومة فيها وفي أخلاقها وطريقة تفكيرها أحسها إنها ودتني البحر وردتني عطشانه وأنا زي الأطرش في الزفة
الله يسعدك فهميني كيف أتصرف وكيف أريح نفسي والله تعبت من كثر التفكير