نقول للبنت تستخير وربي يقدم اللي فيه الخير

أختي أنا رأيي إنك تستخيري الله أولاً وقبل كل شئ في مصيرك مع هذا الشخص بالنسبة للزواج .. والأفضل كنصيحة إضافية أن تبعدي أي رجل من الماسنجر لأن ذلك لا يجوز قبل كل شئ .. ما إجتمع رجل وإمرأة إلا كان الشيطان ثالثهما ..
والأمر الثاني يجب أن تفتحي هذا الموضوع مع شخص تثقي به وتكوني متأكدة تماماً من أنه سيتفهمك جيداً ..
لذا عليكِ بالإستخارة دائماً وأخذ رأي شخص حكيم يستطيع التصرف في هذا الموضوع ..
وبالتوفيق أختي الحبيبة :27:

اختي اول شي استخيري والله يقدم لك الي فيه الخير وانا مع الاخت الي ذكرت انه الطرق مختلفة ولكن جميعها تؤدي الى الزواج صح احنا في مجتمع لايقبل موضوع الزواج بهذي الطريقة لكن صدقني مااحد يعرف نصيبه كيف ومن وين اتوكلي على الله واستشيري واحدة تثقين في رايها والله يوفقك ولاتنسي تفرحينا بيك اذا ربي كتب النصيب.

صلي صلاة الإستخارة .. واذا حسيتس بإرتياح .. عطيه رقم الوالد ولا تخافي؟؟

وان شاء الله خير وربي يسعدج اذا في نصيب مع هذاالشخص

ومب لازم انج اتخبرينكلالناس بانج اتزوجتيه عن طريق النت ؟؟ خلي هذا الشي بينج وبين اهلج .. وياما في ناس اتزوجوا عن طريق النت والحمدالله حياتهم سعيده وعندهم عيال

مب شرط انج اتزوجتي عن طريق النت هذا دليل بانج انسانه مب زينه بالعكس ياما انشوف ناس محترمين .. ويدخلون المسنجر؟؟ ومحافظين على اعمارهم

المهم حبيبتي .. صلي صلاةالإستخارة وتوكلي على الله وان شاء الله خير

لأن نادراً ما أنشوف واحد يطلب ايد وحده عن طريق النت ؟ وهذا الشاب باين عليه
انسان خلوق ومحترم وشاف فيج كل خير .. واذا كان من اللي يحبون يعبثون ببنات الناس كان بيطلب منج أشياء مب زينه ..


أتمنى لج كل خير ان شاء الله

أنا مع رأي البنات إنك أولا تستخيرين ربي
وبعدين تستشيرين أحد ثقة من أهلك
وما تعطينه رقم أبوك إلا وأبوك نفسه عنده خبر
ومع رأي البنات يوم يقولون الناس مو ضروري يدرون إنكم تعارفتوا عن طريق النت

وسواء كتب الله وتم الزواج ولا صرفه ربي عنك لأي من الأسباب فأنصحك بإزالة جميع الشباب من مسنجرك لأن هذي من الخلوة المحرمة التي نهى عنها الدين

والله يوفقكم إن شاء الله