الإخوة والاخوات الكرام .....
السلام عليكم ورحمة الله
نعرض عليكم اليوم رسالة من بريد خدمة الرسائل الإجتماعية .....
جزاكم الله عنا وعن السائلة كل خير ....
تقول الاخت صاحبة الرسالة :
السلام عليكم ورحمة الله وبركاته ..
خواتي العزيزات اتمنى تساعدوني فهالمشكلة وتبدون ارائكم
احنا الحمد لله عائلة محترمة ونحب بعض ولا نحب المشاكل ومسالمين ولله الحمد يعني
حتى لو غلط الواحد علينا ما نغلط عليه واحس هالشيء خلى العالم يستجرأون علينا اكثر
,, سبب كلامي هذا كله ان عمتي لظروف حصلت اصبحت ضروري جدا وجودها بجوار امها( جدتي
) في بيتنا ,, وعمتي عمرها تقريبا 50 سنة لكنها ما شاء الله شباب على ان امي اصغر
منها بس امي مسكينة من الهموم الي فيها المشكلة يا بنات عمتي لها فترة عندنا تنام
طبعا ومن جتنا البيت تغير معد للضحكة مكان ان ضحكنا قالت ليش وش فيه وان دق
التليفون شالته وردت ولا عبرت في احد اذا احد يبغى يجي تقول حياكم الله ولا تشاور
ما ندري الا وهي تقول فلان واهله بيجون واربع وعشرين ساعة تقولين رادار في البيت
بس تراقب وش شرينا وش خلينا وش اكلنا وش طبخنا كأنها هي سيدة البيت وامي الضعيفة
بكلامها احسها كأنها تستأذن منها تطلب الأشياء طلب منها حتى شغالتنا تقولين هي الي
تدفع راتبها تتحكم فيها وتقول ليش للحين مانمتي يالله بجي اساعدك عشان تنامين حرام
عليكم ساعدوها عشان تخلص على اننا يا بنات والله انا واقفين معها فالمطبخ واحنا
نسوي كلش لكن نخليها تغسل المواعين واذا كانت كثيرة او الوقت تأخر اساعدها حتى
العشاء اعطيها قبل نفسي وطبعا انا المسئولة عنها لأني الكبيرة في البيت بيوم من
الأيام الشغالة عطيتها اكل وعبيت لها الصحن وبعد ما تعشت عمتي قامت وجت عندنا قالت
زودونا اكل حرام الشغالة ما اكلت مسكينة ما عطيتوها اكل كثير تبي تقول لها انها
مهتمة فيها على فكرة احنا الوحيدين بالعايلة الي عندنا شغالة فتشوفين العايلة كلهم
تقولين الحمدلله كأن الشغالة مخلوق من كوكب ثاني .. طايرين فرح فيها ويسولفون معها
تخيلوا يا بنات الشغالة صارت تستهين فينا ما عاد تسألنا تروح طوالي لعمتي تسألها
وين احط هذا والحين وش بسوي تخيلوا حتى يوم تسأل امي تقول اسوي كذا ولا كذا تتلقف
عمتي وتقول سوي كذا :(
بنات انا كل هذا يمكن بالقوة قاعدة ابلعها عشان الوالد الله يحفظه ويخليه لنا لكن
كون انها تزعل خوات ويبكون هذا الي ما ارضاه دايم تستهزئ باختي الي في المتوسط على
انها ما سوت شيء تخيلوا تقول لها انت وش قاعدة تدورين له فالبيت قاعدة تمترين
البيت تعالي شيلي العشاء واختي مسكينة كانت مشغولة تخيلوا قعدت تبكي والله يابنات
عمتي هذي تغار منا مرة ولما تشوف معنا شيء تقول هذي الاشياء ما ياخذها الا واحد
شبعان فلوس يعني غني على اننا نلبس عادي وكل عادي بس الاذواق تختلف لما نجي نطبخ
عشا تقول ليش تسوون عشا ماله داعي شبعانين طبعا تحكي عن نفسها ليش لانها طول الوقت
ما شاء الله تاكل ولما نحط السفرة اول من يجلس هي ولا تقوم الا اخر وحدة تقعد
تراقب ولو وحدة منا نطقت بكلمة قالت وش تقولين تسأل وتتلقف بنات احنا مو قادرين
نستحمل هاللي قاعد يصير ولا نبي نغلط عليها ونبي تحترم نفسها وتقدر البيت الي هي
فيه ,, انا جدا حزينة الي قهرني اكثير انها طول الوقت مبوزة ولما جوا بناتها وعيال
عيالها تعالي شوفي البسمة والبوسات وحنا الله يخلف علينا ما نبي شيء بس نبيها
تفكنا من شرها ,, بنات الله يخليكم انا يمكن اسلوبي شين فالكلام بس والله مؤدبة
ولا احب اغلط على احد بعيد كيف بالقرايب بس بعد ابغى اعلمها ان لها حدود ما
تتخطاها ,, تكفون ساعدوني وش تنصحوني اسوي جد تعبت نفسيا وخايفة على خواتي لأنهم
في سن مراهقة وآسفة على الإطالة
بس شوفيني انا ماكان بالبيت الا انا واختي كانت صغيره
بس كنت أوقفها عند حدها كل شي له حدود الا امي ماتتطاول
عليها امي تعرفين معنى كلمة ام
فخذي حققك لامك اذا تتطاولت عليها وردي على اي كلمه تقووولها
اذا كان استهزاء بالبيت ولا اخواتك بنفس اسلوبها حبيبتي
تري الطيب مايعيش هالايام
عسى بس فهمتيني لانها راح تزيد تتطاول وبعدين البيت بيتكم
وانتوا احرار واكشخوااااا
حبيباتي علشان ماتتلقف ثاني ولا تعطونها فرصه
وداااايم استشيرواا امكم قدام عمتكم في اي شي حتى لو تافه
تعرف قيمت امكم وقدروا امكم برضه امامها تعرفونها معنى التقدير والاحترام