بإختصار

الله يفرج همك وكل مسلم

انا ارى ان الاخت جدااااااااااااا حساسه واطمنها ان الحل جدا سهل

اقطعي حالا كل ارقام وعناوين هذا الشخص وخبري امه واهله انك استخرتي ونفسك عافته واصري

على ذلك بقوووووووه ولاتردين على اتصالاته حتى يمل وخلي الوالد يتكلم معاه وانتي اخرجي منه وخلي بينكما الوالد

وابن خالتك ارسلي له انك استخرتي الله واخترتيه زوجا لكـــــــــــــــــــــــــــ

وان كان حقا يريدك سيقاتل لاجلك وبيعرف كيف يرتبط فيك

ولكن لي كلمه معك اختي / الرجل لابد له من زلات ونزوات تجاه النساء وبعض الاشياء التى يتهور

بها الرجل احيانا ولكن ثقي انها فقاعات وبتروح مع الوقت والنضج ولايوجد ابدااااااااا انسان كامل

لايعتريه اثم , والله كريم ولاتكوني مدققه بكل كبيره وصغيره بل اصفحي وتغاضي ومادام الرجل يصلي

وحافظ نفسه عن الكبائر فاالحمدلله , ولاتكثري عليه التحسس لانه بتكرهيه باالدين ولاتضغطي عليه

فاالله غفور رحيم كريـــــم , وبالاخير اوؤكد لك ان مشكلتك اسهل كثير من غيررررك

خذي الامور بعين الايمان وان ماسيكتبه الله لك سينفذ ولن يكون إلا خيرا بإذن اللـــــــه وتفائلي بكرم الله ولاترهقي نفسك لان الحياة اسهل مما تتصورين واقصر مما تتخيلين

اتكلي على الـــــــــــــــله ووسعي صدرك وخذي امورك ببساطه وسعة صدر وتذكري انك تحت امر الرحمن فلا تشيلين هم مادام اللــــه متكفل بك وبعباده جميعا ,,,

الله يوفقك لكل خير ...

والله مدري شقولك
بس من رايي
اتركيهم اثنيهم كلهم حرام عليك تكلمينهم او تراسليهم
وخلي الباقي على الله
وراح ادعي لك من كل قلبي

الله يعينك .. ويفرج همك .. ويشرح صدرك .. ويكتب لك اللي فيه الخير ..
أول شئ الله يهديك ويصلح حالك المفروض ما كنتي تكلمين لا الأول ولا الثاني لا إيميلات ولا مكالمات .. لأن مابني على باطل فهو باطل والله ما يبارك في أمر بدأ بمعصية .. عموما كلنا خطائين وخير الخطائين التوابين .. المهم الإستغفار ..

الرجل الثاني إذا مالك رغبة فيه - بعد الإستخارة - لا تردين لا على رسائلة ولا إتصالاته .. واعطي أمك وأبوك خبر إنك استخرتي الله كثير وحسيتي بضيق ومافي زواج خلاص .. طبعا هذا الرجل الثاني إذا شاف مافي تجاوب منك راح يقلق ويتصل على أهلك ويعرف الرد منهم .. ودائما أدعي الله إنه يكفيك شره .. وصراحه لو كان بنفس المميزات اللي قلتيها عنه .. أنصحك فري بجلدك ولا تتزوجيه .. لأن هذا النوع الحياة معهم متعبه وبعيده عن الإستقرار .. بعدين الملتزم لازم يكون ملتزم قولا وفعلا .. اكره شئ في حياتي الناس من هذا النوع ..اللي يقول ويقول وأفعاله صفر

ثانيا لو كان ولد خالتك إلى الآن في قلبك .. ارجعي استخيري الله كثيييييييييير .. زي ما سويتي مع الاول ..ماتدرين إحتمال تتكشف لك أمور ما كنت تدرين عنها .. وصدقيني طالما استخرت الله إذا فيه خير لك راح يرسل الله من يكمم فم أبوه وراح يتسهل أمر زواجك منه ..
بعدين هو لو يحبك راح يسوي المستحيل عشان يتزوجك .. واحذري يتزوجك وأبوه رافض هذا الزواج لأن والله والله ما راح يكون في بركه أو توفيق بينكم .. اعذريني لو كلاميي قاسي ..
بالنسبة لأبوه أدعي الله في كل سجده إنه يسخره ويوافق على زواجكم .. وخليهم دائما يكلموا يقولون كثر الدق يفك اللحام .. والزن ( يعني ترديد الكلام كثير ) أمر من السحر ..
ورجاء لا تكلمين ولا تتصلين عليه .. وخلوا كل أمورك في النور عشان الله يبارك لكم ..

الله يوفقك

ديرى بالج على صحتج وادعى ربج يكتب لج الخير وين مايكون ولا تكلمين أحد فيهم ))>من ترك للله شيأ عوضه الله خيرا منه,,,الله يشرح قلبج ان شاء الله

قصتك يالغلا مره مؤثره ووقفت على فصولها اكثر..

من وجهة نظري.. اتمنى تتخلصين من هالانسان لانك بتتعبين اكثر لو ارتبطت فيه...

انت يمكن تجاوبتي معاه وكلمتيه ماسنجر وتطورت العلاقه الا لانك بتهربين من الالم اللي كنتِ تعيشينه

بتنسين قصة خيانه ولد خالتك.. بتنسين كل الماضي لانه دمر نفسيتك وسبب لك ألام انتِ في غني عنها..

لاتقولين فضيحه هذا مايقدر يسوي شيئ صدقيني .. وانا انصحك هالمنتدى تحذفينه من المفضله نهائيا ومن حياتك اول..

لانه هو سبب معاناتك .. انت المفروض من اللحظه اللي عرفتي فيها طباعه وشراسته وقلة عقله وعدم قدرته على التصرف بعقلانيه اكثر تركتيه هذا مايجي من وراه الا الحسره والندامه..

انت بنفسك زرعتي داخلك الخوف والاوهام وان هالشخض بيأذيك..لكن لو حسمتي الامر من بدايته ماصار هذا حالك....

المطلوب منك الحين...

روحي لاهلك الحين واجلسي مع امك وقولي استخرت عشرين مره ماني حاسه بارتياح تجاه هذا الشخص فهمووه اني مااابيه اني مو مرتااحه اني تعبت وانا مو ناقصه... صدقيني مافيه اصدق من مشاعر الام لبنتها وبتحس فيك اكثر لاتقولين ماراح تتفهم او .. او.. بالعكس كلميها بهدوء خليها تساعدك لاتسكتين اكثر والله راح تندمين لو ماحليتي مشكلتك وانهيتيها بسلام مع هالانسان ..

اهلك عارفين وضعك والحاله اللي تجيك بسبب الخوف.. واخااف المرض يتطور فالحقي على نفسك واخذي بالاسباب وعالجي الامر قبل لايستفحل ويضركم كلكم...

لاعاد تكلمينه ولا تفكرين انك تردين على اتصالاته... خليه يتصل الين يتعب

كلمي احد من اهلك الرجال بس يكون حكيم ومتفهم الى ابعد الحدووود عشان تختصرين عليك الوقت والجهد...وقولي له مشكلتك ووين وصلتم...

خليه يجلس مع هالرجال ويفهمه ان مافيه نصيب وانك مرضتي بسبب وجوده في حياتك...

انت ياقلبي مو حازمه مع نفسك .. وانت بنفسك اللي عطيتيه المجال يتمااادي والسبب خوفك من تكشف الحقيقه..

انا عندي اهلي يدرون ويضربوني ويحبسوني ايام افضل من اني اخلي عمره كله يروح في الهم والخوف والحزن

أتالم كم يوم ولا اقعد طول عمري محروومه من السعاده واعيش مع انسان مثل هذا !

وانصحك ماتقولين لولد خالتك عن قصتك ذي ابد او اي تفاصيل اكثر عنها لانك بتخسرينه للابد

يمكن يقول سامحتك وبساعدك و..و..و بس صدقيني وانا اجزم ان داخله جرح وبتزرعين داخله عالم كبير من الشك.. وبتنهار حياتكم.. فتكونين خسرتي ذا وخسرتي ولد خالتك...

المرأه ممكن تنسى خيانه " رجلها" وتحط اسباب كثير عشان تقتنع وتسامحه لان مشاعرها اقوى وعاطفتها اسمى..

لكن الرجل مهما وصل من ثقافه وحب وتضحيات الا ان سالفة الخيانه شيئ ثاني ممكن يتغاضى عن اي جريمه ثانيه تسويها زوجته او حبيبته الا الخيااانه..حتى لو ما علق على صراحتها اول الامر الا انه مع الوقت بيكبر الشك داخله ويحوله الى شخص ثاني مريض يحاسب الزوجة حتى على النسمه اللي تشمها!!

وحده من صديقاتي تحب زوجها ويحبها الا يمووووووووووت على الارض اللي تمشي عليهااا

ومره صارحته قالت كنت احب قريبي من بعيد لبعيد لاعمري جلست معاه ولا عمره كلمني بس يعرف اني احبه واعرف انه يبادلني المشاعر..

زوجها رغم انه اول ماقالت له تكلم معاها بشكل طبيعي ويعرف انه ماضي وانتهى وحلفت بالله انها ماتطورت اكثر من الاحساس وتبادل المشاعر بالخفاء..

لكن مع الوقت صار يدقها بالحكي لما تزعل منه او يتضايق صار يشك فيها وانها ماتبيه ولما يشوفها سرحانه يقول اكيد تفكرين فيه اكيد للحين تحبينه!!

وقلب حياتها حجيم..

وثانيه نفس الموقف صارحت زوجها انها كانت تبي واحد قبله بس ماصار نصيب والله والله والله انها كانت تحكي لي وهي في قمة حزنها وعذابهاااا

انقلب حاله وصار مايحترمها ويدقها بالحكي ويجرحها مع انها قالت بس اببيه ويبيني...

مع انه كان يموووت فيها ويخاف عليها من النسمه..

لايغرك ياقلبي انه يحبك وقدم تضحيات... وللحين يذكرك ويحاول يحنن قلبك عليه

احذرك من انك تصارحينه .. وحتى مايقول ايه ابوي صادق ماحذرني منها الا لانها فعلا كذا

لان للاسف في مجتمعنااا غلطة الرجل تغتفر وتنسى لكن المرأه تصير غلطتها في الذهن طول العمر مهما كانت صادقه وقدمت من تضحيات وتابت..

اجلسي مع ابوك ووضحي له ان اللي يسويه حررام وبيهدم حيتكم جميعا..

ذكريه ان عمره راح في الضلال وان سمعتكم صارت بالحظيظ بسببه... وين اخوانك وين خواتك؟
ليه مالهم دور في حياتك؟

كيف رضو ان اختهم تتعذب وتعيش عمرها بتعاسه ولا احد قدر يساعدها!

الى هالدرجة وصلت معاهم السلبيه؟

قولي لهم خليهم يحسوون فيك شوي ويقفون معاك انت الحين محتاجه احد يواسيك ويخفف عنك لاتتعبين نفسك اكثر وتكابرين ..

كلمي عماتك خليهم يجلسون مع ابووك وينصحونه لاتكتفين بالدعاء لازم احد يوقف بوجهه ويحذره من الطريق الخطأ اللي يمشيه..

وبعدين زوجة اخوك قولي لها تعطي اخوها خبر انك تبينه بس لايفكر يرجع للايملات او يكلمك وابدو حياتكم بالحلال عشان ربي يوفقكم ويسعدكم دووم..

وانا متأكده لو يحبك للحين بيوقف معاااك ويتحمل ولا راح ياخذ غيرك لو مهما مرت عليه السنين..

وتصير مشكلتك انحل جزء كبيررررررر منها وارتحت من التعب..

وحسسيها بصدق كلامك وانك للحين تبين اخوها وتحبينه ياليت تقدرين تقنعينها توقف معاكم وتكلم ابوهااا وباين انها انسانه عاقله وحكيمه ويمكن كلامها مع ابوها يلين راسه ويحس بااصرار ولده على الزواج بك.. وبعدها يرضخ لرغبتكم ويكون النصيب.. بس تحملو شوي

وبعدين شيئ ثاني وين دور خالتك مو بنت اختها انت؟ غريبه انها ماتدخلت ؟ خاصه وانها تشوف ابنها متعلق فيك ويحبك وسوا اشياء كثيره عشانك!!

وخليك على ثقه انك طالما سويتي مايرضي الله تعالى فأبشري بالخير يالغلا والله مايخيب ظنك ويرفعك درجات على هالتضحيات والتنازلات اللي تقدمينها عشان تكسبين رضاه عنك..

مافيه احسن من الخوف من الله وترك توافه الدنيا عشان جنته والخير اللي بيعوضنا بسبب ترك هالمنكر

خلي املك بالله.. توجهي له بالدعاء وألحي عليه وأساليه الرحمة والهدايه لك ولابوك ولزوج خالتك..

لاتستسلمين وتعتقدين هذي نهاية الدنيا .. وان امرك خلاص انتهى او انك بتنكشفين ويصير,,, ويصير,, ويصير

بالعكس تفاءلي لا تسلطين هالافكار السلبيه عليك وتخلين لها فرصه تحبط من عزيمتك وتقهرك اكثر

وانا متأكده ان الفرج قريب وبتخلصين من كل هالهموم والمشاكل وبتعيشين اسعد الناااس..


اكثري من الاستغفار اكثري.. اكثري.. اكثري منه ولا تتخاذلين الاستغفار له فوائد عجيبه في احياء الروح وصلابتها ومساعدتك في الوقوف في وجهة المشكلات مهما كانت معقده..

بس فوضي امرك اليه واستعيني به في كل امورك وراح يساعدك يالغلا..