من بعد أوتاااد00 توني أدرك أن الأمور ليست على مايرام ياتسبدي

من بعد مواضيع اختنا أوتاد ورياحين المحبه 00ثارت الأشجان وعشت معاناتهم



:icon33:


وكني بديت أخاف وأحسب ألف حساب



والآهات تجر الآهات000 جروا النفس وراي يابنات وتخيلوا معي وخشوا جو




توني أدرك ان الأمور ليست على مايرام ياتسبدي وياآآآآآآآآآآآآآآه من قلبي اطلعي

الحين عقلي بدا يستوعب وتروح التناحه اللي مصديه فيه000
وتوني أراجع أوراقي 00 وأقلب في صفحات حياتي<< أخس يا البحتري الحزين




وتوني أتخيل نفسي بعد عمر.... وليه بعد عمر يمكن بكره !!!


وأتخيل ياعالم ويابنات ياللي أنتم حولي الحين وبعد مرورر السنين
اكتشفت اني أسست ولا شي وبنيت ولا شي 00وأثر اللي حولك كلهم بينك وبينهم مصالح وبس 00




بلا عواطف 00بلا مشاعر 00بلا تنازلات

عمرك كله قدمتيه 00 وبكفوف الراحه خدمتيه 00

سم ولبيه احتويتيه 00 وبعت الدنيا وشريتيه 00



اثره يابنات يوم انه قعد مع الشيبان 00 وكثروا العيال 00
تمسس الرجال وتشبب 00
وسوى الريجيم وتسنع 00


وفعلا صدق عمره وظن انه شباب مادرى ياحسرتي ان يبي له ورشه من جديد وانه لايصلح العطار ماأفسده الدهر 000


قال لي للعرس حان الأوان000
وشتبين نهاية الخدمه <<< كثر خيره عرض لي منحه ومكرمه .... وبيجيب فوق راسي مرّه





أنا بكلامه اكتويت
واللي كان بيني وبينه عشرة سنين ومحبه
ماظنتي في حقة غلطت 00
وما ظنتي ان عمري كله قصرت
وكانوا يحكون عن رجالهم وأحزن عليهم00
لكن أبد انه بيجيني علي الدور ماعمري هوجست000
فتحت لقلبي فروع وحطيت الرجل فوق راسي... والعيال حظنتهم في حشاي 00
ولنفسي نسيت وفي الدنيا لهيت 00 0





وبعد هالسنين قام يتميلح 00 وقال لي تراي أعرست <<< جعله الكافور اللي مايتهنى بعرسه<<تحمست ..دخلت جو بالحيل



ضحكت والله من قلبي ضحكت 00
وفجاءه رجع وكرر كلمته ولا تحسبوني صديت 00
لكن احسب انه قالها من قبيل التنكيت 00
لكنه صمت وما دريت الا والدمعه من عيني نزلت وحلقي غص لا اللي حكيت ولا اللي بلعت وتنفست 00




قلت له وبعدين 00

لكن مستحيل بعد هاليوم مالي عيشه معه00 واللي باعك بيعه <<< أوهام00مردك بترجعين




بس وين اروح 00حتى عيالي أظن انهم لما يشد عودهم00
بيكون ياكبر همي عليهم وياخوفي يخلوني أحب روس حريمهم
وعلى العكاز ياقلب لاتحزن 000




ياربي
ياخوفي
ياخوفي

يقولون لي : يا يمه الحكومه أسست للعجزه بيت <<< والله ماأستبعدها عيال البلوتوث





لكن تبون الصدق أبضحك والله من قلبي أبضحك 00
لكن مدري تظنونهم يقولونها لي من قبيل التنكيت000ولا من جد هم ناويين00 :(