مسا الخيررررررر
مابعرف ليه اليوم حابة اكتب شوي عن حياتي الماضية وحياتي الحالية الي الله راد يعوضني فيها
راح ادخل بالموضوع
انا كنت متجوزة واتجوزت بعمر صغير قبل ماادخل بالعشرين بشوي
واتجوزت انسان كنت حبه واتجوزتو بقلبي مو بعقلي وهي غلطت عمري
الي دفعت تمنها غالي
عشت معه تقريبا 3 سنين ونص 4 ماعاد اتذكر والحمدلله جبت بخلال الفترة ولد
ماشاءالله عليه بيجنن وطفل هني ماعذبني وبيشبهني
حياتي مع طليقي كانت بشعةةةة كان بيحب يبكيني هيك مزاجه كان عديم المسؤولية
وفوق منها بخيللللل بخل بالعواطف الزوجية وبالعاطفة الابوية وبخيل بالمادة لدرجة
انو بخلال قعدتي معه مااخدلي ملابس دااخلية ولو مرة اتخيلو حامل وتلبس ثياب داخلية مقاس صغير
ماجابلي بيجما شتوية كنت نام بالقمصان النوم الصيفية او البس بيجمتو ونام فيها
بحكم انو على اساس راح انعيش برا بمنطقة اجنبية كل ايامها صيف ماتجهزت شتوي
وفعلا سافرنا بس رجعنا بعد شهرين ونص لانو ماقدر هو بلا امو
صارتلي معه مشاكل كتيررررة من اول زواجنا
وبعد ماسافرنا ورجعنا سكنا اول فترة عند اهله لانو ماكان عندو بيت
ملاحظة :بالاول احوالو المادية كانت عدم ولافكرت انو هوه بخيل وبعد زواجنا بفترة ابوه عطاه اله ولاخوه محل وبيت لكل واحد وصارت بعدا احواله كتيرررر منيحة بس ضل يجي كل يوم وينق يقلي مامعي فلوس وفرش البيت انا الي اشتريته بعد مابعت جزء كبير من دهبي
المهم بعد مارجعت وقعدنا عند اهله اول الشي نمنا بالصالون عالارض وتيابي كلها بالشنط لانو مافي محل حطن فيها وتانيا اتخيلو بس ننام يخجل يسكر الباب علينا
وانا كل تياب النوم عرايسي كنت اتغطى بالشوب من رجليي لحد راسي غطيه
حبلت ونزفت بعدا امي جابتني لعندا وهو معي طبعا وبعد ماابوه اشترى البيت وفرشتو من دهبي وحبيت اسكن ببيتنا ونقلنا وهو ماكان يريد يسكت ببيتنا عشان مايصرف فلوس
امو كان الها يد بمشاكلنا هيه ماعاشت حياة حلوة مع زوجها لهيك كانت بكل الوسائل عم تحرم زوجات اولادها من السعادة والاستقرار وكان بدها يطلقو كلن منشان يرجعوا لعندها
ولهيك ماكان حدا من سلايفي تستقبل حماتا ببيتها الا عالرسمي وبس
لانو حاولت اطلق نسوان اولادها >>شي هي مو حلوة طلقها ياابني وهيك
بس يشهد الله اني عزيتها كتير وخاصتن هيه ماكان عندا بنات كانت اغلب ايام الاسبوع عندي اكلة شاربة ونايمة وماكنت خليها تشيل غرض ولاتجلي كاسة
لمن صرت بشهر الخامس وتيابي ضيقة علي كتيررررررررررر لانها طبعا تياب جهازي امو خجلت اني اطلع هيك قدام العالم عطتني فلوس وقالتلي اشتريلك تياب حمل فطليقي راح اخدلي طقم رخيص وبيقرف واشترى بالبقية طاولة للمطبخ كانت ناقصتنا >مع انو كانت احواله المادية منيحة كتير
ومرت الايام وكانت مشاكلنا على اشياء تافهة >>>صار يقلي البلكون لازم ينغسل 5 مرات باليوم والبيت بنمسح 3 مرات باليوم وكل يوم لازم اعمل الشبابيك والبرادي
وانا كنت هون حامل بالشهر السابع وقلعني من البيت لهل الاسباب بقيت واقفه الساعه 12 بالليل بالشارع :09:للوحدة او اقل وبعدا اتصل على اهلي وقالن تعو شوفو بنتكن واجو اهلي وصالحونا واخدونا معن نسكن عندن لحد مااولد مع اني كنت نظف بيتي وشيل السجاد كل يوم وانا حامل وممنوعه من الحركة بس منشان مايصير مشاكل بينا
وولدت وجبت صبي انا بعز البكي من الوجع اضحك لانو طق مي الراس وابني صار يلعبط متل السمك الي بنطالعو من المي
راح كمل هلا
اسيرة الشجون @asyr_alshgon
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
بس مع هيك اب كان هاد شبه مستحيل
كان صعب عليي وقهر اني وقت العيد اتذكر بابا كيف كان ينزلنا ليشتريلنا احلا تياب للعيد ومن احسن ماركة منشانا نحنا وابني مافيني اشتريلو لا تياب ولا لعبة
بس مرة اشتريتلو لعبة اكلتا بهدلة من ابوه
وقبل العيد عملت مشكلة منشان اشتري لابني تياب للعيد
على فكرة يابنات طليقي كان عنده محل للالبسة النسائية ومع هيك ماكان يتكرم يجيبلي قطعه من محلو وحتى بالعيد لبست من تياب اختي بس مرة بعد طلوع الروح جابلي بيجما رياضة
صرت بيع شوي من دهبي بدون علم حدا واشتري خرابيط لابني شيبس شوكولا
طبعا قبل هل الفترة ولمن كان عمرو ابني 3 شهور تقاتلنا قلعني من اليت تركني برا
الساعه 2 بالليل وبعد نص ساعه فتحلي باب البناية ونمت بيومها عالدرج
هل اليوم مافيني لهلا انساه بتعرفو ليه لانو امو بدها بطل رضع ابني وشربو نيدو اتخيلو نيدو لطفل 3 شهور ومع انها عملت هيك بحفيدا التاني ومرض واتحسس وماتوبت بس بعد فترة قالت انو الولد الي بيرضع من امو بس يكبر بيطلع حنون عليها لهيك بدها فطم ابني عن الرضاعه منشان مايحبني وصار الي بدون ياه لانو لمن اتقاتلنا اخد ابني ووداه لامو واشترت حليب وببرونه ومن يومتا ابني رفض رضعه مع انو كانت صحتو على الرضاعه منيحة كتير كتير ماشاءالله
مرة قلتلو خليني بيع الي بقي من الدهب واصرف شوي على حالي رفض قالي انا قلتلك لمن بعت دهبك اني راح عوضك فين لهيك ماتبيعي شي
وبعد فترة اجا يطلب مني دهبي منشان يشتري ارض له ورفضت وكان اول مرة قول لاء
لانو قبل كان يقلي مامعي فلوس قلو خود دهبي يقلي لاء وهو الي معو ملايين بالبنك
عشت معو كانو نحنا اخوان بس يجي ياكل وينزل ويرجع المسا يتعشا وينام
انا طبعا كنت عايشة رغم هل الشي بسعادة مع ابني كان هو فرحتي كان ابني رجال البيت مو ابوه
ابني يابنات حكى بالشهر الخامس صار يقول بابا وماما واسماء اهلي لانو كل وقتي وانا احكي معو لانو ماكان في حدا يسعدني قد ابني بس بعدها بطل يحكي ولا كلمة بس يردد واريي حتى لمن صار عمرو سنتين مانطف ولا حكى بس لانو يخاف من الصوت اتعقد من صوت ابوه
صار اذا سمع صوت التلفزيون يبكي لهيك فضل الصمت متل امه لانو وقت صراخ ابوه ماكنت احكي شي بس ادخل لغير غرفة منشان ابني
اهلي كان وقت الخلافات يصالحونا ويوقفوا معه منشان نكمل حياتنا سوا وهل الشي كان غلط من اهلي لانو متل الي ماعادت تفرق معو >طليقي<لانو بيعرف انو راح يصالحونا
طبعا كنا راح نطلق بهل الفترة بس رجعت انا منشان ابني مايتربى بعيد عن ابوه
راح كمل هلا