ان شاء الله عجبكم الكابلي
اليوم جايبة لكم طريقة البرياني اللي سويته امس لابو الشباب
" ماعندي غيره اسوي عليه تجاربي " :hahaha:
هذي صورة البرياني
وزينته نفس تزيين الكابلي
المقادير :
3 بصلات مقطعة شرايح
1 طماطم مقطعة قطع صغيرة
دجاجة مقطعة اربع قطع منزوعة الجلد
رز حسب الحاجة
ورقة غار - قرفة - قرنفل - هيل - ماجي - صبغة - كاري - ملح
لبن زبادي
حبة بطاطس مقطعة شرايح
ملعقة معجون طماطم
الطريقة :
1- يوضع البصل في الزيت وورق الغارإلى أن يذبل البصل ثم الدجاج والقرفة والقرنفل والهيل والماجي ويقلب ثم يغطى بالغطاء ربع ساعة على نار هادية
2- نضيف الطماطم وملعقة معجون طماطم والملح "قليل" والكاري والفلفل الاسود .
3- في زبدية ضعي لبن زبادي صغير مع شوية صبغة وبعد أن تنهرس الطماطم ضعي اللبن على الدجاج ثم ضعي شرائح البطاطس من فوق الدجاج يعني غطي الدجاج بطبقة من البطاطس ويغطى القدر بقصدير مدة نص ساعة
4- قومي بعمل ارز لوحدة ممكن تضيفين معاه حبتين هيل و2 فلفل اسود حبوب وبعد ما يستوي الرز وتنشف المويه ضيفي صبغة من فوق وحاولي تقلبي الرز من فوق بس عشان ماينصبغ كل الرز وعشان يصير عندك لونين
5- اقلبي الرز على القدر الاول اللي فيه الدجاج من غير ماتقلبي الدجاج مع الرز وخليهم 5 دقايق
6- اقلبي القدر في صحن التقديم وبالهناء والشفاء :)
وانتظروني غدا ان شاء الله مع مشخول الدجاج:26: