من بعد تعب الولادة ،، يجيك تعب يهد الحيل ،،حياكم نسمع تجاربكم!

السلام عليكم ورحمة الله وبركاته

نزلت هالموضوع وحبيت يكون فيه حماس ونسمع تجارب ومواقف بعض ..:7_5_131:

طبعا حبيبتي إنتي توك والدة ولله الحمد :icon28:

وكلنا نعرف وش اللي يصير في غرفة الولادة من تعب وألم يستغرق ساااااعااااات وقبلها ألم الطلق واللي بعد ياخذ ساااااعاااات :o

والوحدة منا ما تصدق تولد وتقوم بالسلامة وترتاح :laugh2:

بسسسسسسسس يجيك تعب ثاااااني ... ( الزوار والضيوف في المستشفى )

تخيلي من عقب الجهد اللي بذلتيه ودك ترتاحي وتنامي أكييييييد

بس فجأة وأول ما تفكري مجرد تفكير إنك ترتاحي تلاقي باب الغرفة ينفتح >>> ويا أهلا ويا سهلا باللي أقبل

إنهم الضيووووووف :surprised

متخيلين أنا في ولادتي كملت يومين ما نمت فيهم أبدددددددددد :o

يوم ماقبل الولادة ويوم الولادة واليوم اللي عقبهم مجبوووورة تتحملين الناس واللجة اللي تصير وياك في الغرفة

ياهي سوالف وياهي جلسات والأكل أشكال وألوان وعاد تكمل الجلسة وحد طالع وحد داخل :08:

وطبعا إنتي مجبورة تجاملين وتسايرين :heart:

لا والمشكلة اللي مايعرف يختار وقت الزيارة

حد يجيك أول الصبح وحد الظهر وحد آخر الليل

كل ما جيتي تبين تغفين قمتي وانتي مبتسمة غصب :23:

أذكر يومها كنت تعبااااانة مووووووت البيبي سهرني طوول الليل صراخ وبكى للصبح

الصبح جوني ضيوف قلت الظهر بنام وبرتاح

بس مين قال ما ألاقي إلا أخوي جايب غداه هو وزوجته يبون يتغدون ويانا :08:كلشششش مو وقتهم

بس بيني وبينكم كانت أيام متعبة بس لها طعمها الخاص والحلوووو :33:
فتحت هالموضوع لأني حبيت أفضفض من العذاب اللي شفته هذيك الأيام :35:

وحبيت تشاركوني قصصكم وتجاربكم مع الزيارات والناس وانتي في المستشفى