من بعد شهرين رجعت لكم ياحبايبي

السلام عليكم يابنات حوا
كيف حالكم عساكم بخير رجعت لكم بعدغياب شهرين ونصف مرت على ايام الله يعظم اجري فيها
ابوي دخل المشتشفى 26 /11اصابه فشل كلوي الله يعظم اجره وجلس
في المستشفى خمسة عشر يوم وطلعوه ايام العيد بعدها رجع اسبوع وجلس عندنا تقريب اسبوعين
كان بصحة جيدة من زمان ما شفنا هالعافيه عليه ودخل المستشفى بسبب جرح في المسالك
في 8/ 1 على اساس يسون له عملية في المسالك وكان كل شي تمام لين سوى
العملية ومن سوها وهو يتعب ويشتد التعب يوم ورى يوم بدء مايأكل وشبكوا لي التغذية مع
خشمه بعدين بدء ينقص الاكسجين واشبكو الاكسجين دايما فيه بعدين صابه الالتهاب والله مانعلم
وشهو طبيب المسالك يقول من قسطرة الغسيل حق الكلى وطبيب الكلى يقول الالتهاب من المسالك
والله حسبي عليهم كلهم بعدها دخل العناية في29 /1 وجلس في العناية اربع ايام والله اصعب اصعب
ايام مرت علي فيها ومن بعدها توفى الله يرحمه يوم الجمعة ليلة السبت3/ 2 / 1432
ادعوا له بالرحمة والمغفرة وان يجمعنا به ربنا في جنة " عرضها السموات والارض
تخليوا يااخواتي يوم نسألهم عن العملية يقول بسيطة وسويناها لمئة مريض وعقب ما تعب ابوي
قالوا قد سويناه قبل سنتين لمريض واحد ونجحت
تكفون ادعوالي ان ربي يصبرني وياخذ حقي من المستشفى الي دهور صحة ابوي وحرمني من
اعز ما املك تخليو يوم جيت صبح الثلاثا ادور ابوي بغرفته مالقيته صرت اركض مع اسياب المستشفى
وابكي لين وصلت وحدة الغسيل لانه بالعادة الساعة 11 القاه في غرفته
يوم وصلت غرفة الغسيل فتحتها بقوة لين الدكتوربوجهي سالته قلت له وين ابوي وش تتوقعون قال قال
بوجهي بعصبية اببببببببببووووووووووووك في العناية
اكثر من كذا ماعاد اقدر اتكلم انا لله وانا اليه راجعون