هلا بك الله يوفقك ويسعدك على هالموضوع الاكثر من رائع
والله الذى لا اله الا هو ان قلبي يتقطع على امى تعبانه يدياتها وهى ارمله وضغط وسكر ومعاقه عقلى وكبيره وحال الله يعلم بيه اكلمها يوميا اشوف وش بخاطرها امزح عليها اسولف عليها اونسها قبل فتره اقترحت على خواتى نجيب لها غساله اتوماتيك لانها تتعب وهى تغسل يوميا ملابس وفراش اختى المعاقه ومع البرد عذاب الغسيل وجمعت الفلوس وشريت لها غساله كبيره ورحت فيها مادرت الا وهى عند الباب والله تدعى لنا تقول ريحتنى الله يرزقكن بر عيالكن هاذا اللى سويته وياليت اى وحده عندها فكره او اى يساعد تكتبه هنا والله يكتب اجر صاحبه الموضوع

اناا بعيده عن ماما
امـــي احسهاا تفقدناحيل انا واختي
انا اكلمهاا كل يوم الحمدلله بس مستحيل اشكي لها اي شي اعرف انو يزعلها ولا احبها تشكي من شي او تزعل احس ان اشيل في خاطري واجلس محزنه ولا احب احد يزعلها فديتها امي الغااليه
الله يرزقنا برهاا ياارب ويبلغنى رضااها

الأتصال والسؤال عنها باستمرار

واهدائها بين فترة وأخرى لو أي شيئ بسيط كل مانزلتي السوق مثلا(جلابية-أحدى أدوات المطبخ-عطر-حنا-ملفع....)
صدقيني أنها بتفرح فيها كثير حتى لوكانت قيمتها 10 ريال لأنها بتحس أنك على بالها على طول
وخلي الهداية الغالية للمناسبات

ولاتنسي شيئ في غاية الأهمية الدعاء لها في ظهر الغياب بالصحة وطول العمر وحسن الخاتمة

انا من قبل الزواج كان امنيتي اذا جيت من برا

او قامت امي بالصباح اني ابوس راسها واقبل يدها

بس كنت استحي بس ابوس راسها اما يدها

احس اني استحي منها علشاني ماتعودت بس اخذت على نفسي وعد

اني من اول مااتزوج راح اغير وازيد من بري لها

بالاول كل ماجيت عند اهلي واول ما ابوس يدها وخشمها

وراسها كانت تبكي وانا تدمع عيني على طول

وتدعي لي والحين حمدلله تعودت وصار هالشي يفرحها

كثير واذا كنت ببيتي اكلمها كل يوم

وارسل لها هدايا والحاجات اللي تحبها مع اي احد

يسافر عندها والله يزيدنا في برهم وطاعتهم

ويخليهم الله لنا

اللهم ارحمهما كما ربياني صغار