من تأخر زواجها !!!ماهي قصتها

شيخـة • 20 سنة

من تاخر زواجها..ما هي قصتها؟؟

قصتي طال عمرك انه اللي يجوني زيد وعبيد مو مناسبين بالمرة
شياب وما عندهم سالفة

وياريت يعني ما تستخدمون كلمة عانس
والعنوسة مالها سن لانه في حريم يتزوجون بسن الاربعين والخمسين
هذا رزق وربي الرزاق يكتبه لكل وحدة
اللي تزوجت هذا نصيبها من الدنيا
واللي تاخرت بعد نصيبها ويمكن ربي بيعوضها بشي ثاني
وارجع اقول احسنوا الظن بالله
الله يختار لعبده الخير دائما

ودمتم

hala592 • 20 سنة

حسبي الله العظيم :

عادي اللي لاهيه بشغلات ثانيه مايهمهما الزواج الوحده يالله تلقى وقت ترتاح فيه مشاغل التجاره وفوقها الدوام وعلاقاتنا الشخصيه والطلعات والهوايات ماتخلي وقت للوحده عشان تتنفس هالدور ريال وعيال وتعالي نظفي وتعالي حطي وشيلي يمكن يوم الوحده تحب تمارس هالشي بس كل يوم صععععععععععععععععب صراحه الله يعين المتزوجات بيطقون من المشاغل وفوق كل هذا مو عاجب خلينا مرتاحين ومفتكين من المغثه

عادي اللي لاهيه بشغلات ثانيه مايهمهما الزواج الوحده يالله تلقى وقت ترتاح فيه مشاغل التجاره...

الله يرزق كل من تريد اعفاف نفسها بالزوج الصالح الذي يملا حياتها بالحب والامان وينسيها كل ما اصابها من هم
:27:

سلاااااااااف • 20 سنة

ماتركت موضوع من هذي المواضيع الا قريته .

زهقت هههههههههههههههههههههههههههههههه

قمر عمان • 20 سنة

ليس كل متزوجه سعيده ولاكل من فاتها قطار الزواج تعيسه

zOOna • 20 سنة

كلّه في كوم، ونظرات الشفقه في كوم

على أي أساس صار ان البنت اللي تزوجت حكموا عليها انها كامله، واللي ما تزوجت ناقصه؟؟

على أي أساس المتزوجه قالوا عنها سعيده والمومتزوجه تعيسه

طيب ومن اللي قال ان المتزوجه انسانه مشغوله واللي مو متزوجه انسانه فاضيه وما وراها شي؟

في دوامي القديم، كان مديري (الله ياخذ حقي منه ان شاءالله) يصر (ويهدد) اني أشتغل بعد ما يخلص الدوام أقعد الى الليل وأنا أكرف (بدون أي أوفر تايم) ويصر اني أجي في عطلة نهاية الأسبوع أشتغل بال 8 و ال 9 ساعات، ولما أقول له ما أقدر أو مشغوله، يقول أنتي اش وراج؟ أنتي لا وراج زوج ولا عيال ..

طيب أنا مو روح؟ ما أحتاج اني أرتاح؟
ولا يعني ما وراي أشغال والتزامات ثانيه؟

حسبي الله ونعم الوكيل