بادخل بالموضوع ياجميلات وهو أني ألاحظ ومتاكدة انكم تلاحظون كمان هالشي
اللي هو ان البركة + السعادة+الراحة النفسية + الاستمتاع بالزوج والحياة الاجتماعية مع الناس فقدناها!!
صح يابنات ولا لا ؟؟
تغيروا الحريم
صارت تشوف الوحدة مننا انها اذا جابت شغاله بترتتااااح
تصير تنادي اللي تبي من زميلاتها والناس على كيفها
وماتشيل هم الزيارات وراح تسعد لزوجها وتتفضى له
وتدلعه !!
وتهتم فيه وكأنها مثل ايام زواجها بدون اطفال ولامسؤوليه !!
بس تهتم فيه !!
طيب يابنات هل هذا الشي صار ولا لا ؟؟
بقولكم شي يصير معي في حياتي
والدتي الله يحفظها
علمتني انا واخواتي خير تعليم على الطبخ وشغل البيت والاهتمام بالزوج
ويوم تزوجنا صارت امي حبيبتي تتعب من الوقفة في الشغل والتنظيف
فجابت لهاشغاله وصارت خلاص ماتستغني لانها تعبانه من شغل البيت
المهم اذا كلمتها وشكيت لها من تعب البيت والزوج قالتلي :
والله ماجبت هالخدم الا يوم زوجتكم وكبرتوا وانا تعبت صحتي فقاومي قد ماتقدرين في بيتك
بس مو معناها تكرفيييين وكذا لااااا
أوصتني أمي الغالية بشيئين :
اولا التوكل على الله والتنظيييييم وتربية العيال صح وتوزيعبيتك بالشكل الصحيح يعني فيه اماكن للضيافة تتقفل ابوابها او تسوين بيتك نومواستقبال دورين ..
ثانيا تتركين يوم فقط للاسبوع تخصصينه لاستئجار خادمة تنفضلك البيت نفففض مخازن
وغبار ودواليب تطبق الملابس فيها صح وتمسحها وتلمع حمامات وسراميك وكل شي يصير بيتك نظييييييف اسبوع كامل بس تغسلين فيه مواعين وتكنسين بيتك بس !!
واذا جا وقت النوووم ولأنك بدون خادمة معاك في البيت تنامين نووومة لذييييذة نفسس النومة اللي كنا ننامها عند أهالينا قبل الزواج والمسؤوليه ماكنا نشيل هم أحد .. وكنت والله مانسى طعمها !!
ترتاحين انك في مأمن ماعندك أي خوف من احد غريب في بيتك واذا صحيوا اولادك في البيت قبلك ماتخافين عليهم من الخادمة ولا شي ..
وش الشيء الحلووو غير الأمان والاحساس فيه ؟؟
المهم اذا وضعتي رأسك للنوم فتذكري
قصة فاطمة حين أتت لأبيها وهو رسولنا محمد صلى الله عليه وسلم تشتكي من تأثير الرحى على يديها وتعبها من الشغل وتريد احضار خادم فقال لها كما في الحديث :
عن علي بن أبي طالبٍ ــ : أن فاطمة أتت النبي تشكو إليه ما تلقى في يدها من الرحى، وبلغه أنه جاءه رقيقٌ ، فلم تصادفه فذكرت ذلك لعائشة ، فلما جاءأخبرته عائشةُ .
قال : فجاءنا وقد أخذنا مضاجعنا فذهبنا نقوم فقال ( على مكانكما ) . فجاء فقعد بيني وبينها حتى وجدتُ بردَ قدميه على بطني ، فقال ( ألا أدلكما على خير مما سألتما ؟
إذا أخذتما مضاجعكما أو أويتما إلى فراشكما ،فسبحا ثلاثاً وثلاثين ، واحمدا ثلاثاً وثلاثين ،وكبِّرا
أربعاً وثلاثين فهو خير لكما من خادم
فاذا صرتي ع فراشك قولي
سبحان الله 33
والحمد لله 33
والله اكبر 34
بعض البنات ممكن تقول ياشيييييخه هذي ايام زمان مو مثلنا الحينوشغلنا غير !!
أقول لها والله اننا احضرنا الخدم ولم نتفرغ الا للامور التافهه وصار الليل يجي والمرأه مافيها ذرة نوووم تبي تسهر لأن عندها طاقة ما اشغلتها
لكن لو كانت تستيقظ مبكرا من الفجر أنا يابنااات اسوي كذا والله اقوم من الفجر وما تجي الساعة تسع بالليل الا وانتي داااايخه نوووم .. روحي نامي وقومي بدري شبعانه نووم وتمشين بالبيت وترتبين بيتك وانتي ريشة وتسعة الصباح الا البيت يللللمع وفي دقايق خلصتيه ..
فلو اتصلت عليك احدى النساء تريد زيارتك العصر مثلا تكونين تغيرين ملابسك بس كل شي تمااام وان كان احد بيجيك المساء البيت كله مستعد ..
لكن حال البعض من الناس حوووووسة تقوم العصر !!
وعندها شغاله بعد وتروح تصحي عيالها وتضاربهم لانهم موقادرين يصحون من النوم بحكم السهر والبيت نظامه ملخبط , وكل شي معفووس ..
بالله هذي الانسانه متى تجهز بيتها ؟؟
ومتى يتغدون ؟؟
ومتى تبي تطلع تزور احد او احد يجيها ؟؟
يعني الوضع مو تمام والسبب فينا عكسنا أوقاتنا ونضع السبب على الخادمة ..
وجربوا هذا الدعاء فعاليييته عجيبة :
أولها / ربي يرضى عليك لأنك تذكرينه .
ثانيا / تلاحظين ربي يسخر لك عيالك ويبارك في وقتك ويمدك بالطاقة ..
لأنك اعتمدتي على الله وحده ..
فهذه هي فوائد هذا الدعاء المذكور في الحديث شوفي كيف ربي يسخر لك كلللللل اللي حولك وتحسين ان الله ساعدك في حياتك بهذا الدعاء ..
بعض البنات اذكرها كانت تقول اش دخل هذا الدعاء في شغل البيت
وماتعلم ان الله سيكون لها خير معين ..:luvkiss:
أحببت يابنات أقول لكم اللي عندي الله ييسر عليناوعليكم وعلى بناتنا ويصلح اوضاع بنات المسلمين
اللي تحت يدها شغاله
وبيت خاص فيها ولا زالت تشتكي من شغالتها او من ام زوجها ..
بالتوفيييق دعواتكم لي وولعيالي
موضوع رائع تسلمين إختي