مضيئة

مضيئة @mdyy

عضوة نشيطة

من تجاربكم ساعوني الله يوفقكم في اختيار نوع المطبخ

المنزل والديكور

السلام عليكم
دخت من اللف على محلات المطابخ وانا ابي مطبخ مايزيد سعر المتر عن الف ريال
ولقيت نوع حلو مثل اللي نشوفه في مجلات الديكور وهو فورمايكا مطفي ولكن عيبه انه يبين فيه اثار
اللمس يعني متعب ويحتاج تنظيف من اي لمسة
والنوع الثاني فورمايكا ايطالي املس ويلمع وفيه منه السادة و فيه شكل الخشب وفيه شكل مثل اسطح
الجرانيت يعني منقط كأنه جرانيت وهذا قديم وستخدم في الأبواب الشفافة زجاج
والنوع الثالث شكله بألوان الخشب مطفي خشن وهو الجديد وكل محل يسميه بأسم
واحد يقول فورماكا سوري والثاني يقول فيبرجلاس
والثالث يقول جيرانيت باشكال الخشب وابوابه الشفافة بلاستيك تنصحوني بإي نوع ؟؟؟؟؟
ولأني في الشرقيةابي اشتري من الدمام او الخبر واي المحلات افضل
الرشيدي او العفيفي او العليان او اسرار عالم المطابخ من ناحية الأمانة وعدم الزيادة في اخذ المقاسات ؟؟؟؟؟؟؟؟
8
12K

يلزم عليك تسجيل الدخول أولًا لكتابة تعليق.

تسجيل دخول

ztw
ztw
انا توني مفصلة مطبخي من سيدتي بالاحساء هو شغلة
حليو اناشريت فيبر جلاس شكلة كانة خشب
هو حلو لكن غلطنا غلطة وهو مومنا من المحل وهو
انة ما قال لنا سمك الاارففالي داخل الطقم
حنا حسبنا انة كلة مقاس واحد لكن حط لنا اقل حجم
يعني خلا ركيك وقال ما ادري حسبتكم تدرون
(الصيدلانية)
(الصيدلانية)
والله يا اختي الفورميكا حلو لكن لازم تكوم اصلي ولا ترى بتتوهقين فيها بعد فترة وتتفكك مع الفتح والتسكير

كان من اسبوع في برنامج عالم الصباح بقناة futureعن المطابخ وكان احلى شيء بصراحة الرخام حتى الرفوف رخام وثم الخشب وثم الجرانيت

بصراحة كلهم روعة بس دقق اكثر شيء على تحمل المطبخ للخدوش وسرعة التنظيف

عندك مطابخ الستنالس ستيل حلوة وتنظف بسرعة بس تبان فيها الخدوش

اهم شيء وانا اختك التنظيف والراحه في المطبخ والرفوف تكون عريضة عشان تستحمل ثقل

وبالتوفيق يارب ومطخ هني واكل الذ
leeana
leeana
أنا سويت مطبخي في بيتي القديم عند العفيفي في الدمام

فورميكا

والسطح جرانيت صناعي

ممتاز

طلعت من البيت وأنا مسخدمته عشر سنوات .... كأنه جديد

وفي البيت الجديد

سويت عند سيدتي

فورميكا شكل خشبي فيه لمعة شوي

والسطح جرانيت صناعي

ممتاز بعد من حيث الشكل ومن حيث وسع الرفوف والدرج يجي فيه رفين

بس الصراحة

أحس صناعة عفيفي أفضل من حيث الجودة

أقصد

مالي كم سنة مع ذا المطبخ وأحس الأبواب تبي شد

وما انصحك بعالم المطابخ

لما رحت افرفر علشان افصل مطبخ

دخلت عندهم واقنعنا ,,, سبحان الله تونا بنتفق معه إلا دخلت وحدة وتسب فيهم ومعصبة حدها

وتصارخ بصوت عالي

حسبي الله عليكم ,,, نخسرت فلوس على الفاضي

وهي الله يعينها تصارخ بأعلى صوتها من القهر

واللي فهمت من كلامها غن اللي عرضوه في المخطط اللي وروها قبل غير اللي سوولها

وما شفتيني وأنا أركض برا المحل وزوجي يلحقني والعامل اللي يبي يقنعنا ورانا

ههههههههههههههههههههه

والله المستعان
مضيئة
مضيئة
ZTW , الصيدلانية , Leeana
اشكركم اخواتي
وين الباقين ابي مزيد من التجارب ارجوكم بسرعة
سكرة حنطه
سكرة حنطه
مطبخي من الرشيدي الجبيل
شغلهم حلو والمطبخ ما اعرف اسمه بالزبط بس فاكره انه قال المنيوم مزدوج يعني الابواب طبقتين المنيوم لزيادت المتانه
واذا تبيه بس طبقه وحده يعمله لك والسعر يرخص
شكله مثل الخشب وماشاء الله كثير حلو واسطحه جرانيت بس مااخذت حوض المغسله
لان عندي امريكي اجود من اللي باسواقنا
وكل من شافه انهبل عليه ما شاء الله تبارك الله المتر ب800 ريال والتصميم
تطلبي اللي تبي ويجي ياخذ القياس وبعدين يعملك صور كيف حيطلع مطبخك
وانتي تحددي الابواب المكشوفه والمغطاه وتحددي الدوليب اللي تبي فيها اضائه
وعندهم الاضافات سلال الخضار الدخليه ووووو
وكمان مو موجود بكتلوجهم زوريهم وحتلاقيه مركب بالمحل
ومروحة الشفط قال لاتشتروها من عندنا لانها صيني بس ديكور و2او3 شهور وتخرب
والتنظيف تبان فيه المسك وانظفه يومين بس البصمات انظفه لما بيجوني ناس
واذا عندك شغاله لاتشيلي همه
وزرت اسواق الدمام فاكره القديييييييييييييييييييييييييييم المتر عندهم اقل واحد ب550ريال ولامتانه والاجوده ولاشكل
وابعدي عن الخشب صح غالي وصديق البيئه على قولهم بس حيجننك لو شوي رطوبه حتجيك صراصير الخشب ماتدري من وين
حتى لو ماعندك حتجي
اتمنى اكون افدتك دعواتك