من تجاربي مع تبييض و تنعيم البشرة

السلام عليكم

صارلي 3 ايام انوي اكتب لكم هالموضوع و اتردد :)

بكتب لكم تجاربي مع تبييض و تنعيم البشره .. بشرة الوجه و بشرة الجسم .


بالنسبه لبشرة الوجه :

انا استخدم نظام 3 خطوات من كلينك clineque . وهو عباره عن صابونه + تونيك + كريم مرطب .. تروحين اي مركز تجميل و تروحين حق قسم ماركه كلينك و الموظفه راح تساعدج في اختيار انسب تونيك لبشرتج .. لان التونيك فيه منه 4 انواع حسب اختلاف البشرة .. اما الصابونه و الكريم المرطب فهو ثابت .

وعقب ما استخدم ال 3 خطوات .. اذا كان عندي طلعه الصبح استخدم كريم كلينك لحمايه من اشعه الشمس .. جدا جدا رائع هالكريم و يبيض البشرة بعد .

وسمعه عن كريمات كلينك لتبييض البشره .. وحده من صديقاتي مدحت لي اياه بس انا ما جربته امانة .


و استخدم نوعين من الاقنعه .. قناع اسبوعي و قناع يومي .

القناع الاسبوعي ... من ماركه ماربيرت Marbert
وهو سنفره و قناع خاص للبشرة الشابه .
تلقونه في المراكز التجميليه

و القناع اليومي ...
عباره عن سنفره مشمش ... و قناع الخيار .. و قناع اخر وهو الافوكادو
وهو من ماركه Free man ... تلقونه في الجمعيات و السناتر .. انا اشتريه من citycenter الكويت




اما بالنسبة لتجربتي مع بشرة الجسم :
ساعات تييج مناسبات .. عرس .. استقبال .. و تبيين تبيضين جسمج و تنظفينه .. جربي هالسنفره ...

عند الاستحمام عزكم الله ... ارطب جسمي بالماء .. و عقب احط السنفره . هذي السنفره تنظف و تبيض الجسم .. اسم السنفره المبيضه Mardeko .. من شركه BCC .. وهي صناعه ايطاليه .. موجوده في الجمعيات و الاسواق الشعبيه و السناتر .

عقب ما احط السنفره و افرك في جسمي .. اغسل الجسم بالماي .. و عقب استخدم المفراكه و الصابون و افرك بالجسم ... و عقب اغسل الجسم بالماء.

الاحسن استخدام هالسنفره كل مره تتحممين فيها .. النتايج تظهر حسب الجسم ولونه .. انا اخذ مني حوالي شهر :)

و حاليا استخدم صابون اسمه ( مبيض الاماكن الحساسه )
شريته من العطاره في المباركيه ... طريقه استخدامه ... يوضع على الاماكن الحساسه مثل الافخاذ و الركب و الابط ثم يفرك جديا بالليفه ..

مكوناته : راش مغربي .. ليمون ... انيولين ... هيلين ..
من مؤسسة السدن التجاريه
عباره عن قوطي شفاف و الغطا ابيض .. وتشوفين لون الصابون سائل .. لونه اخضر زيتي ...

توني من بديت استخدمه صارلي 5 ايام . حسيت بفرق بسيط .. و يبيله استماريه اكيد على الاقل شهر .

و حاليا استخدم الليمونه في تبييض الاماكن الداكنه من الجسم .

اتمنى قدرت افيدكم من تجاربي