من تجربتي .ـ التجهيزات الي استخدمتها لمولودي

السلام عليكم ورحمة الله وبركاته
أخباركم حوائيات .. هذي أول مشاركة لي بعد قدوم حبيب قلبي للدنيا
في فترة التجهيز كنت محتارة ناس يقولون لا تكثرين البيبي بيكبر .. وناس يقولون كثري أريح لك ترى بتتورطين ..
أشاياء كثيرة مادري وش الي باستخدمها ..
بربتوزات داخلية قبع سداريات كوافل بجامات ملفات ومفارش .. رضاعات ... . وهذه تجربتي بعد ما ولدت ..
البربتوزات الداخلية أخذت يمكن 20 بربتوز من 0-3 8 سادة والباقية ملون .. وبالفعل احتجتها واكرفها كرف كمل حبيبي 3 شهور وللحين تجي مقاسه في النفاس استخدمت نصها بلانه فيه أحد يساعدني بس يوم جيت لبيتي صرت استهلك تقريبا كلها لان طلعاتي واجد وغير كذا عشان أصير أغسل كل أسبوع صح أسبوع ما أستهلك بس يجي أسابيعع أستهلكها فيه مو بس تسريب الحفاظ الله يكرمكم أحيانا الترجيع أو أنه الحليب يجيها مع فوق ..
القبع .. الصراحة ما استخدمتها الا في النفاس ووقت جية الضيوف لان حبيبي قرعة والا لو كان عنده شعر ما استخدمتها ..خخ أحسها تختلف باختلاف الفصل الي تولد في البرد أكيد تحتاج أما الي تولد في أول أغسطس زيي ما تحتااج
السداريات شريت واجد وصراحة ما استخدمتها لان يا رب لك الحمد ولدي مو راعي ترجيع واستفراغ أكرمكم الله بس ألبسه اياه وقت الرضعة عشان مايجي لبسه شي خوصا اذا كنت باطلع
أحس يكفي تشترين طقم وبعض الألباس يجي معه أصلا 10 حبات كافية في البداية اذا كان ولدك يرجع اشتري زيادة اذا كان لا خلاص
البربتوزات الخارجية والبجامات .. أيضا بتحتاجينها خصوصا مقاس 0-3 اشتري لك 12 حبة وبتكرفينها 3 شهور
يمكن تاخذين لك قطعة او قطعتين نيو بورن للاسابيع الاولى اذا كنتي تتوقعين وزنك طفلك قليل
انا اكذب اذا قلت اني شريت 12 شريت اكثر حول العشرين
طبعا انا جمعت الاشاياء الي صغرت علىولدي باستخدمها ان شاء الله بعدين
الملفات والمفارش صراحة هذي للي ما تضيع وما توقعت اني باستهلكها استهلاط مو طبيعي مع اني مو دايم امهده
شريت تقريبا 12وكنت احسها كثيرة بالعكس صارت غاية تتوسخ من الناش اذا شالوا البيبي اومسسكه طفل و غير كذا
وبستخدمينها لين يكمل 4 شهور او اكثر
والمفارش بعد بتحتاجينها خصوصا اذا كان طلعاتك واجد
زجاجات الرضاعة شريت 5 وحده عند اهلي دايم و3 للشنطة ثنتين للحليب ووحدة للموية ووحده في بيتي
بتقولين ليه 3 للشنطة
لما تكوني برا البيت مو شرط تحصصلين مكان تغسلين فيه ومثل كذاا

وو بس وسلامتكم اذا ذكرت شي علمتكم !!:26::26: