من تحبين الحرمه الثرثاره ولاالحرمه الصامته وانتي بمجلس الحريم تسولفين ولامستمعه

اخس شيء عندي الحرمة الساكتة..احس ان الجلسة ثقيله وماصدق يروحون اذا كانوا عندنا واذا انا عندهم افرح مره اذا زوجي دق وقال يالله ولا اعيد الزيارة خلاص..احب اللي تسولف وفي نفس الوقت تكون مستمعة جيدة لان في نوع يسولفون بصوت عالي ولايعطون حد فرصة يتفاعل بس يظلون اهون من الاصنام..
بالنسبة لي انا احب اسولف واستمع في نفس الوقت يعني اخذ واعطي ..باسم الله علي

الله أكبر الله أكبر لا إله إلا الله ، الله أكبر الله أكبر ولله الحمد .

تبين الصراحه في بعضهن ودي لو تسكت خمس دقايق واعطيها اللي تبي
تلقينها لقلق لقلق طووووول الجلسه وماتخلي احد بحاله الا هرجت فيه وضحك بصوت عالي على شي يسوى ومايسوى ...!
بصراحه هالنوع احسهم مخفه ...وماحب جلستهم وأمل منهـــا

وفيه اللي تسولف وتونس اللي حولها وجلستها مايمل منها بس بأدب وحدوود لاهي الخفيفه ولا هي الثقيله بزياده
اما كيف اكون انا فـ على حسب اذا جالسه مع حريم كبار تلقيني مستمعه اكثر شي واعلق بكلمه وكلمتين بس
اما اذا جلسه بنات لا عادي اخذ راحتي نسولف ونضحك بس موب اكون ثرثاااره.. لا كل شي له حدود

وتسلمي عالموضوع : )

انا ماحب الثرثاره ولا الساااكته
الوحده تسولف وتعطي بالكلام بس شوي شوي وتخلي فرصه للحريم مش تقاطعهم

والله صادقه اختي نوووشه فعلا فيه بنات تتمنين تعطيك لو دقيقه بس تتكلمين فيها لكن مفيه امل والله انك تصدعين منهم وتتمنين تنتهي السالفه بسرعه والمشكله الي تعيد وتزيد في نفس الموضوع الله يهديه بس