احياناً اكلها مو دائماً
اللي بالكاري مرة لذيذة
وياسلام مع البيض والخيار جربووووها
<< تسوي إغراء ههههههههههههههههه

انتبهوااا يامتزوجات ترى يطلع ريحه خايسه للنفس وللجسم والشعر لان بهاراته قويه وفيها حلبه

رفع

انا اعشقه ...وزوجي حالف مايدخل البيت ...مره كنا بنقضي للبيت وكان تعبان قال انزلي انتي وحمودي وانا بقعد بالسياره مع الصغير واحلى فرصه نزلت تقضيت واخذت كم حبه شعيريه مقليه وكم حبه كاري دجاج..واسويها بالدس اذا انا عارفه انه بيطول عشان الريحه وسبحان الله يوم من الايام دخل فجأه بدون سابق انذار وسأل حمودي وش تغديتو قال اندومي وجاء عندي وهو مطفي اللمبات تغديتو قلت ايه الحمدلله قال وش تغديتو قلت مكرونه قال مكرونه والا اندومي قلت شلون اندومي وانت ماتجيب وحالف مايدخل البيت يعني بالعقل مين بيقضي للبيت غيرك الا اذا كنت تقضي وانت ماتدري ....قام يفتش بدرج المواد الغذائيه وانا ميته رعب ولقاه وقام يصارخ انا حاف مايدخل البيت وتدخلينه كيف ومن وين ومين جابه وعلمته السالفه والقهر قام فتح كل الاكياس الباقيه وكسرها وعطاها الحمام ياكلونه....يالله بالعافيه عليهم بس اخاف يدمنونه من يشريلهم بعدين


بس اهلي جاو الصيف واستأجرو شهر شقه حولنا طبعا نزل ابوي يقضي وقضى لنا معهم الله لايحرمني منه وطبعا يدري اني اموت على الاندومي وراح شرى كرتون كامل كاري دجاج ..ويوم شافه زوجي بغى ينجن وقعد يقول لبوي انا حالف ياعم مايدخل البيت قال ابوي وش علي منك انا جايبه لبنتي موب لك خخخخخخخ يعجبني الرد.....عاد يوم راح ابوي قعد يهاوش يقول ايه اكيد طلبتيه قلت شلون اطلبه اقوله جبلي اندومي خير وش شايفني وجهي وسيع ما استحي ...

بس قهررررر خلص الكرتون الحين .....اذا شريتي اشتريلي معك خخخخخخخ

كلهم نسيو يردون ويعطونك حل لمشكلتك

وجلسو يعبررررون عن عشقهم الابدي للأندومي هههههاي

شوفي

المشكله مو انا تحبيه او ماتحبيه اومضر اولا

المشكله الديكتاتوريه الي ب زوجك

وش دخللللللللله ايش تاكلين؟؟

خير ان شالله ؟

هاذي حرية شخصيه وحق لكل انسان ياكل الي تشتهيه نفسه

وش هالسيطرررره؟

الحل قولي له ولله هااذا اكل ان احبه وانا حره ومارح امنع نفسي وش هالتحكم الي انت فيه؟

شي خااااااص فيني ايش ما اكل

وحتى لو ماتحبه مو عاجبك مالك حق تمنعني



جيبي لك كرتون وسوي وقت ماتبين

بس حاولي ماتكثرين عشان صحتك بس

وش هالخوف الي انتي فيه ؟

عيشي حياتك زي ماتبين

العمر مره

صدق رجالنا ماينعطون وجه