من تحتسب نصحها لله عسى ينجيها من عذاب الدنيا والاخرة

يارب اللي تنصحنا بالشي الصادق وتعتبرنا كبنات او اخوات لها وتقول ان ربي يطرح عنها هم الدنيا والاخرة ياشين الوحده
لما تكونين ماعندك اخوات او اقارب بنات مثل وضعي تحسين نفسك تائهه مهما كان عمرك تحتاجي احد يقولك سوي كذا وسوي كذا حتى لو انت تعرفين المعلومه بس تروح من بالك وقتها 😭


زواجي قريب
جسمي انا استخدم ليزر منزلي للوجه واليدين والاقدام لي ست شهور
نتيجه. مو مره احس في اماكن خففها واماكن بالعكس كثف الشعر فيها وزواجي قريب اكمل ليزر منزلي او اروح عياده
وانا توني ماخذه الجرعه الاولى من اللقاح 😭متى ابداء اطلع واسوي خلطات وكذا
وهل يعطي نتيجة اربع جلسات برتوش حقتها
او اعمل شيرة بالصالون وكم تحتاج علشان يطلع الشعر تطول او اسبوعين
شعري شبه منعدم استخدم زيوت واستخدم تونيك لكن فيه هيشان لاني عملت سحب صبغه وصبغت فاتح قبل سنه وعندي شيب كثيف مهما صبغته القى الجذور تطلع بيومين ثلاثه
الحناء مايناسبني ابدا احس بغثيان منه ويعطي لون اورنج ويطلع بعد اسبوعين وزواجي الشتاء واعرف الشتاء مايصير نحط حنى يبرد الراس


عندي مشكله المناطق الداكنه تحت الركب والاكواع وجوزة القدم واللي تحته كيف افتحها خلال شهر والمنطقه الحساسه بالذات كيف اتعامل معها انا ماعرف غير الموس وعمري ماجربت غيره وسمعت ان الرجال يكرهون المنطقه اللي مو ناعمه


عندي قولون وعندي قلق وتوتر ورافضه الزفه لهالسبب لكن اخاف يقولون انها ماتبي الزواج ويحطون فيها ميه عذروب وتعرفون سوالف الحريم
انا وحده مااهتم وقت الدوره وغير الدورة مااكل لان مااشتهي اشرب كوب قهوة باليوم وعليها احس بالشبع طول اليوم ومعي اضطراب غدة وماقدر اغامر بالاعشاب فيا ليت اللي عندها غدد تفهمني شلون تعتني بنفسها وقت الدوره والنفاس لان في اعشاب مضره بالغدد
عندي اصوات قرقره بالبطن احس تفشلني وخجلانه منها


اهتم بنظافه اسناني وانظفها مرتين باليوم وبعد كل كوب قهوة
بس احيانا احس بطعم القهووه يطلع بفمي خاصه اذا صحيت من النوم لان اخر شي اسويه اشرب قهوة🤐 اخاف ينفر مني


من ناحيه العنايه الشخصيه تحتيه. انا ماعرف شي ابدا وامي عندها هالمنطقه محظوره ومحضور فيها الكلام من صغري حتى لما احس يجي معاي شي واجي اقولها حصل معي تصدني وتقول ماينفع تكلمين بشي خاص رغم انها مثقفه بس عادات وتقاليد ولا زالت نفس الشي ماتخليني اتكلم وانا محتاجه اسال بالذات بهالوقت فكرت انزل تيك توك بس كله اطفال وشباب مافي اي خصوصيه او ثقه بمعلومه والبرنامج بيد الصغير والكبير وشي محرج للبعض يتكلم بشفافيه هنا اكثر راحه ❤️


كيف اتعامل باول ليله. شلون اتجنب التوتر وش الشي اللي اكله والشي الممنوع اكله.من اللي اشوفه قدامي العروسه المسكينه يصومونها بس يعطونها عصاير ممنوع لحم ممنوع رز ممنوع بقوليات ممنوع معجنات واشياء شنو تاكل متخيلين اقل شي اسبوع احس تروح هلكانه متعبه ماعندها اي طاقه


انا ابي شي وسطي لان فعلا انا عندي قولون مره متازمه منه قطعت الخبز والرز واللبن ومشتقاته صحيح خف لكن مازالت مشكله التطبيل والغازات ويكرم السامعين واعذروني وربي مو ( قله حياء) بس اضطرار


كيف اخليه ينجذب لي واتفاعل معاه علشان اتجنب الالم
من كل ناحيه سواء مشروب او وصفه تخلي المنطقه حميميه اكثر مافيها جفاف لان الجفاف يزيد الالم


سمعت عن وصفه الخزامى والبابونج والورد انها تنحط تعطير وتعطي حرارة اسفه على اللفظ بس والله يشهد علي اني وحيده بدون اخوات او بنات اقارب وامي اي شي ممنوع حتى هي ماتسوي شي احس كل ماجيتها بسؤال او معلومه تكذبها وتهولها وماعندي احد جرب علشان يقول اي او لا انا اثق في امي طبعا
بس اكيد مو كل الحريم بينزلون شي كذب في ناس عندها ذمه وتحب الخير للناس


شلون اتصرف بعد اول ليله شنو اللبس كم مره ابدل باليوم نوعيه اللبس كيف فستان جنز. ملابس لانجري ايش الوقت المناسب
ايش الحركات اللي ممكن اسويها اخليه ينجذب لي بس بذرابه يعني الفت انتباهه في شكلي او شعري او حركة معينه اخليه يتقرب مني

العطورات ناس تنصح اني اكثر وناس تقولي عطر واحد ☝️ علشان تثبت الريحه بمخيلته طيب الرجل مايحب التنويع
وايش الفايده اني استخدم عطر واحد طول شهر العسل اذا بعدين بغير ؟
كيف اخلي شهر العسل شهر فعلا مو يوم واسبوعين ابي انبسط ماارجع اكرف 🙇🏼‍♀️كيف اقنعه نسافر وننبسط ويكون فعلا يحب هالشي شلون اتصرف علشان اخليه يتعلق فيني