من تخاف من الطيارة..؟

انا سافرت امريكا ومعي 3 اطفال
5 سنوات
4سنوات
سنه ونص
صحيح ارتفع ضغطي وشوي وانجن منهم الله يصلحهم لكن مع انشغالي معهم احس ان الوقت مر بسرعه فيه خوف بس مو لذيك الدرجه وفيه حبوب للخوف من الطياره بس ماتنصرف الا عند طبيب نفسي وان شاء الله تاصلين بالسلامه.

الدعاء هو افضل علاج للخوف .. كل ما تذكرين خوف الطياره اقري المعوذات واية الكرسي وكثري من الاستغفار وادعي ربي يهون عليك الرحله ..
اشوف انه صعب تاخذين الحبوب واطفالك معك .. من يهتم فيهم وانتي متخدره ؟ .. الله يعينك ويهون عليك رحلتك وتوصلون بالسلامه ان شالله .. الله يحفظك وتذكري ادعي طول الوقت صدقيني بتحسين بطمأنينه من ربي سبحانه ..

انا سافرت امريكا ومعاي اربعه اطفال وانا ميته من الخوف وكل ماتحرك احد من عيالي حسيت انه الطياره بطيح لكن معايه قران اتسمع واقراء وكتاب الذكار ومره اقرا ومره اتسمع ومه استغفر وادعي الين وصلنا انحرقت اعصابي الله يهونا عليك ويجيبك بالسلامه

مشكورين حبايبي وجزاكم الله خير
انا خوفي اتخدر ولا احس بعيالي زي ماقالت سعودية وافتخر
بس حبيت اشوف اذا فيه وحدة استعملتها وش صار عليها
واكيد ان شالله ذكر الله والقرآن اثناء الرحلة
والله يقويني ويرزقني الطمأنينة يااااااااااارب

سبحان الله والله جيتوا على الجرح كنت فعلا ناويه اطرح موضوع عن خوف الطياره والحلول انا رغم اني اموت بالسفر وطبيعه عمل زوجي كثير الاسفار الا انني امووووووووووووووووووت خوف من شي اسمه طياره واله يابنات نفسيتي قبل السفر تكون زفت وميته خوف واخاف اكثر لو مانوا معاي بالطياره عيالي احاتي نفسي ولا احاتيهم والمشكله مستحيل انام بالطياره حتى اني يوم رحت امريكا والرحله طويله ماغفت عيني ولا دقيقه وعلى طاري المنوم اخذت عند الاقلاع حبيتين من بانادول نايت المنوم والله ولا فايده اللي صار اني صرت بمكاني مخدره وحواسي معاي مو نايمه زي بخاخ المخدر اللي يشمموننا اياه وقت الولاده جسمك مخدر لكنك صاحيه انا كذا والله يابنات من كثر الخوف خصوصا وقت الاقلاع احس اني ودي اصرخ باعلى صوتي طلعوني من الطياره لولا ان الله يثبتني واقعد اقرا واذكر الله لكان انجنيت وطول وقت الرحله وانا طبعا اقرا من المحف والسماعات باذني على القران اودي معاي مسجل صغير غير اني ما اكل ..لا واذا شفت الظيفين يمشون اقول في نفسي لا تتحركون لا تطيح الطياره..واذا اغلقت الانوار اقول في نفسي ماني نايمه اذا الكل نام مين يحرس الطياره هههههه..والله يابنات ما ابالغ لكن هاذي هي حالتي قولوي بالله شسوي انا بعد زيكم ابي حل حتى ان كل من جلست معه من قرايبي وقلت له سالفتي ومخاوفي قال لي حسبي الله عليك صرنا نخاف من الطياره فتكفون اللي عندها حل تفيدنا خصوصا اني جايه امريكا باذن الله قريب ...