من تدلني كيف اتصرف مع أبو ولدي ولها الجنة بإذن الله ..

ولدي عايش عند أبوه اللي هو طليقي ويمتلك ملايين عساها في بطنه وعلى قلبه مثل النار مايصرف على ولدي الا بشق الانفس وقبل ماتمرض زوجته بالمرض الخبيث اعطاها مليون في حسابها وولدي والله العظيم مايعطيه الا شي ماينذكر وسحب السيارة منه يقول خذ لك نقليه وداوم ...صحيح ولدي مراهق وعنيد شوي بس هذا مو عذر يسحب السيارة منه ويصرف عليه بالقطارة . طيب كل اللي في سنه معهم سيارات حتى لو قرنبع بس كذا يقعد يتشحذ خلق الله يودونه المدرسة ..
وقبل فترة جاني قال ابغى فلوس اشتري ملابس واغراض قلت ابوك مااعطاك قال يادوب تكفيني مصروف المدرسة وانا والله العظيم يابنات اتسلف عشان اعطيه احيانا لاني في ضائقة مادية الله يفرجها من عنده وزوجي اللي انا معه حاليا مايقصر عليه احيانا بس حتى هو ظروفه صعبه .. ورحت السوق مامعي ولاريال في وقت غير الراتب بس من كثر ماقال ولدي وديني السوق واخذت معي من ذهب بناتي وقلت له ودني سوق الذهب واروح ابدل قطعتين جابت 1500 بدلتها بقطعه ثانيه عشان مايحس زوجي واخذت الفرق يعني اخذت 500 ريال ويوم طلعت السيارة قال يمه وش هذا الكيس قلت اشتريت ذهب للبنات قال بالله ؟؟؟ حسيته انصدم قال الله يهنيهم وانا مانتبهت اني جرحته الا في النهاية حتى ماعرف يدافع عن نفسه ويقول وانا اللي اطلبك ؟؟؟ بعدين تداركت الموقف قلت له انا بدلت في ذهب البنات وجبت الفرق عشانك وبعدها ارتاحت نفسه قال اذا جاني وظيفة والله لاعوضكم باذن الله قلت مايهمني الا انك تعيش مرتاح ومبسوط ورحت اشتريت له على الاقل الاغراض اللي كانت ناقصته ..وزوجي ماحس باني بدلت في الذهب لو درى بيسوي علي مشكلة ..
انا قلت لزوجي ياخذ رجال ويروحون عند ابو ولدي عشان يطلع الفلوس اللي مجمعها على قلبه
والا اقدم شكوى في المحكمة بس اجراءاتها تطول والا كيف علما اني طفشت من المحاكم على بالي بيتأدب
والا انزل الين عنده انا بنفسي وادخل عليه في بيته يعطيني مصروف الولد كل شهر والا بافضحه في الناس وانكد حياته
بنات دلوني كيف اتصرف تعبت اعصابي :frown: