السلام عليكم ورحمة الله
كل عام وانتن بخير
اخواتي الحوائيات هذه القصه من واقع تجربه لااخت لنا بالمنتدى وهي اصرت ان تكتب لكم مامرت به وكيف عوض الله صبرها خير وانا مجرد ناقله لقصتها وهي عضوه قديمه وخافت ان يعرفها احد لذا اعطتني القصه
الان هي ترويها بمعرفي وانا مجرد ناقله واتمنى ان ارى تجاوبكم معها :27:
من ترك شيئا لوجه الله عوضه خيراً منه....
مرحبا صبايا..انا قديمة جدااا في المنتدي ودخلت بمعرف صاحبتى حتى اقدر اخذ راحتي بالكلام ...
انا مطلقة وزي مانتم عارفين المطلقه لها معامله من اهلها غيررررر محتقره ومالها حقوق ومنبوذه..وكان ابوي مهما اسوي له حتى ارضيه مايرضى اتخليت عن ولدي عشان بس يرتاااح اسكت ماطلب منه فلوس واسوي كل شي ايحبه ومايباااان ابداا في عيونه لدرجه وصلت لمرحله عجزت انى ارضيه..كنت امر بايام صعبه جداا وكل ماصعبت كل ماتوجهت الي الله بالدعاء وكانوا معي مجموعه من البنات وكنت دايم اشجعهم للدعاء وادعي لهم كلهم وحده ورا الثانيه ربي فرجها عليها ونسونى ولايتصلون علي ولا شي وانا حالي مكانك سر..كل ماقول زانت عالجتنى بلاوي
بعدها بفتره جانى عريس والله كنت احلم فيه بكل تفاصيله جاي يخطبنى وكان معجب فينى هو واهله وابوي مو عاجبه الوضع ابدااا يعنى كل شوي ايأجل الموضوع ومو مهتم فيه لدرجه قلت له انت ماتبينى اتزوج يعنى هذا الرجال كان افضل من طليقي ليش اتسوي فيه زي كذاا..
وكنت منجننننننننه مررره اهلي كانوا كل شوي ايسوون مشاكل مع انهم سالوا عنه منصب ومال وجاه واخلاق لكن مادري ليش كذا هم..المهم كنت ميته ميته ابيه..ولما خلاصصص كان يبي يملك صارت مشكله وطاااار العريس من ايدينى انا جااااااااااااااااااااانى
انهيار عصبي غير ع المهدئات والحبوب انا انسانه قويه لكن هذا الشي كان فوووق طاقتى انى استحملهاااا يعنى لما خلاص كنت ابي اصير زوجه شخص ماكنت احلم فيه وجهزت نفسي وحتى موعد الزواج معادي انا قلت هو جاي زي مزاجي اكيد هذا العوض من ربي..لكن الحمدلله ع كل حال..
بعدها برغم الصدمة الي كسرتنى احاول اقرب من ربي اكثر واقول ربي هو العارف وين الخيره لي ويبي يختبر صبري...
وبعدها صارت اموووور ومشاااكل ماحد يستحملها وكنت ابكي كل يوم واسجد وأقول اللهم انى فوضى أمري إليك إن الله بعبادة بصير...
حسبي الله ونعم الوكيل ..لاله الانت سبحان انى كنت من الظالمين ...ربي انى مسنى الضر وانت ارحم الراحمين..
رب إن لما انزلت إالي من خير فقير..أنا لله وإنا إليه راجعون اللهم آجرنى في مصائبي هذي واخلفنى خيراً منها...
وبعدها وصلت لمرحلة خلاااص بس ابي اموووت وطلبت من وحده انها تساعدنى بالوظيفه قالت لي خلاص كلمي هذا الشخص واطلبي منه وإن شاء الله بيساعدكي. وخليكي لينه معه..من قوه المصائب الي اعانى منها قلت مالي الا الوظيفه الي تعزنى اكثر من اهلي..
وبعدها كلمت الشخص وكان جداا محترم وقلت له لولا الحاجة كان ماتصلت عليك ..عاد بعدها قال اتصلي علي بعد اسبوع ان شاء الله بساعدكي وجهزي ملفكي. ورحت استخرت الله وقلت يارب انت العالم بحاجتى ان كانت الوظيفه خيرا لي فاجعلها من نصيبي وخلينى اقدم وان كانت نيته شينه ومو زينه لي الوطيفه فاصرفها عنى وعوضنى خيراا منهاا.وانا فرحت وجهزت ملفي و اتصلت عليه قلت انا بقدم ملفي واعطيك رقم الملف حتى اتساعدنى بعدها حسيته ايلف ويدور قال لي اذا تبي اساعدكي بالوظفية الي تبيها تعالي عندي بالمكتب قلت له ماله داعي اجيك وش يقولون عنى الموظفات قال لي اذا ماجيتى المكتب مراح اساعدكي ولا راح انظر في اوراقكي. وطبعا قلت له الله يعطيك العافيه بس مو جايه ..بعدهااااا بكيت من القهر..بعدين قلت يابنت انتى استخرتى الله واكيد انه نيته شينه اول شي رحت سجدت سجود شكر ان ربي بين لي نية قبل ماتورط فيه..وقلت ياااااااارب انت العالم بحاجتى للوظيفه الشديده وانا تركتها لوجهك العظيم فافرجها علي وعوضنى..والحمدلله رضيت بقضاء الله
والرضاء بقضاء الله وشكر الله على كل حال ترا بغير حياتكم صرت بعدها الحمدلله راضيه بيومي وسويت برنامج كله ذكر لله وقراءة القرآن..وصارت نفسيتى احسن بكثيرررر واشغلت حالي...
وبعدها بيوم اتصلت علي وحده قالت لي جهزي لي ملفكي قلت لها ليش ..؟...قالت بعدين اقولك..وانا جهزت ملفي ع طول واعطيتها وبعدها جانى اتصال وقالوا عندكي مقابله باليوم الفلانى وبرضه مافرحت عااادي مادري ليش وبعدها رحت للمقابله وكانت الاسئله مره صعبه ومعي البنات كلهم شهادات اقوى منى..
لكن لما جاء الاختبار كنت افضل وحده مع انى مو مجهزه...
وبعدها حسيت شويه بفرحه..
وبعدها بكم اسبوع
اتصلوااا علي وقالوا لي
مبروووك انقبلتى بوظيفه مااااااااااااكنت حتى في الحلم احلم فيهااااااا. والله كنت اسمع بالوظيفه واتمنى اكون فيها واقول مستحيل انى اشتغل فيها..
وبكيت من الفرحه حسيت انى بحلم معقوووله انا خلاص بتوظف..
وبعدهااا لما اهلي دروا مره انبسطووا وخاص ابوي وصار الان ايشوفنى انسانه غيييير وكل المعاناه الي كنت اعانيها اتغيررت..صارت لي كلمة في البيت وصاروا يحترومونى واالاهم يابناااات ابوي اخيررررررا رضي عنى ودعى لي بالتوفيق وانا لي سنين ابي رضاااه ...الحمدلله كما ينبغى لجلال وجهك الكريم وعظيم سلطانك..
حيبت اكتب لكم حتى اقولكم من ترك شيئا لوجه الله عوضه خيراا منه . وربي مايبلاك الا يشوف صبرك ومن يتقي الله يجعل له مخرجاا يابنات لاتطلبون الا الله واتركوا مساله الناس والشكوى لغير الله مذله .وربي رزقنى بالوظيفه بعد سالفه الاتصال للرجال الي يساعدنى تقريبا شهر..والحمدلله ..ويارب يعطينى خير الوظيفه ويسهل فيها كل اموري دعواتكم لي...
ولاتنسو ناقلة الموضوع من الدعوات بالتوفيق والوظيفه والزوج الصالح والذريه الصالحه :35:
&أميره@ @ampamyrh
محررة برونزية
يلزم عليك تسجيل الدخول أولًا لكتابة تعليق.
يعطيكي الف عافيه ياأميره وجزاك الله كل خير
يارب يرزقك بالزوج الصالح ذا جاه ومال وايخاف الله فيكي..ويعطيكي على قد نيتكي ويرزقك بالوظيفه..يااارب
يارب يرزقك بالزوج الصالح ذا جاه ومال وايخاف الله فيكي..ويعطيكي على قد نيتكي ويرزقك بالوظيفه..يااارب
الصفحة الأخيرة
ربي يرزقك الزوج الصالح