من ترك شيئا لله عوضه الله خير منه شوفو شو صار مع هالبنت

السلام عليكم كيفكم يا بنات
راح احكيلكم قصة صارت مع صديقتي المقربة جدا وان شالله انكم تستفيدوا منها
كانت هالبنت حلوة ومتعلمة ومثقفة جدا وهادية ومن عائلة محترمة يعني ما في اشي يمنعها انها تنخطب بالعكس مواصفاتها بتخلي احسن الشباب يتمنوها
بس للاسف كانت هالبنت كل ما اجا ناس يخطبوها وكانوا يحبوها ويتفقوا اخوانها مع العريس واهله وينتظروا رجعة والدها من سفره لانه كان بشتغل ببلد غير بلدهم وقبل ما يرجع ابوها يتصلوا اهل العريس ويلغوا الموضوع بدون سبب
لدرجة انه اخر عريس خطبها جابلها هدايا من كل اشي بتتمناه البنت من كتر ما حبوها اهله وكان والدها راح يوصل اليوم اللي بعده ولكن العريس اتصل على اخوها وخبره انه مش مرتاح للموضوع
طبعا البنت نفسيتها تعبت لانه بتنخطب وبعدين الناس بتراجعوا بدون اسباب صارت ثقتها بنفسها تقل
ويوم اتصل عليها رقم غريب وصار يحكيلها انه في حدا عاملها سحر حتى ما تتزوج واعطوها ارقام لناس بفكوا السحر وحاولت انها تعرف مين اللي اتصل فيها ما عرفت
فالبنت ملتزمة دينيا وراحت سالت شيخ ثقة وفاهم بالدين فنصحها انها تداوم على قراءة سورة البقرة وازا كان في سحر او اي اشي ربنا ببطله بالاذكار وسورة البقرة
وفعلا استمرت عليها لفترة مش اقل من تلات اشهر وبالهفترة صار مشاكل بين والدها ووالدتها واضطرت انها تسافر عند والدها وكمان بهالفترة مع المشاكل زادت علاقتها بربها وصارت احسن
وهي موجودة بالبلد اللي فيه ابوها كانت تطلع مه والدها على الاسواق وبالصدفة شافت بنات كانوا معها ايام المدرسة وزاروها بالبيت وفاجاوها انهم عم يدوروا لاخوهم عن عروس وما راح يلاقوا احسن منها طبعا كانت فرحتها مش طبيعية بالذات انه العريس حلو وشغله ممتاز وكمان بصلي
وفعلا صارت تتصل دايما بصديقاتها على اساس انه يطلعوا يحضروا اغراض الخطوبة والمفاجاة كانت لما شافت فستان ابيض للعرس وصاروا اخوات العريس يحكولها انه حلو راح يطلع عليكي حلو وهي ككانت من رايهم وفاجاوها انه حكولها بس بتفصل فوق الفستان جاكيت ومعاه حجاب فاستغربت هي وصارت تحكيلهم ليش ما حد راح يشوفني الا النساء والمحارم فوضحولها انه لا بدهم العرس يكون مختلط وطبعا اغاني لانهم بدهم يجيبوا مغني للعرس فكانت الصدمة القوية على البنت لانها كانت تحلم بعرس اسلامي وبما يرضي الله
فروحت وما علقت عليهم وصابها الهم والغم طبعا انه كيف عرسها يكون مختلط واغاني ومن قهرها طلعت على حديقة جنب بيتهم ومعها مصحفها وصارت تقرا قران وبعدين صارت تفكر عشان خلص تاخد قرار اما تكمل وتقبل بكل اشي حتى ما يغضب الله او انها ترفض العريس وترجع لوضعها الاول وقرات دعاء الاستخارة وصار قلبها يقللها انها ترفض وما ترضى تغضب ربنا وبتعرفوا هي بنت كانت متمنية انها تنخطب وبهاللحظة بكيت البنت ومسكت تلفونها وبعتت مسج لاخت العريس اللي صديقتها انه كل شي انتهى وخلي اخوكي يتصل مع الوالد وهو راح يفهمه الوضع وطبعا دمعتها على خدها وحطت مصحفها جنبها وصارت تمسح دموعها
هبت نسمة هوا قوية شوي فمسكت البنت مصحفها ولقيت المصحف مفتوح على اية ( وما خلقت الجن والانس الا ليعبدون ما اريد منهم من رزق وما اريد منهم ان يطعمون ان الله هو الرزاق ذو القوة المتين ) فبتحكي البنت امه لما شافت الايه كانه ربنا بطمنها انه الرزق من عند الله ولا تخافي وبكيت اكتر من فرحها وسبحان بنفس اللحظة وهي بتمسح دموعها اجا واحد وسلم وطلب منها رقم تلفون والدها واعطتوا اياه واتصل هالرجال بوالدها وخطب البنت وسبحان الله رجل ملتزم ومحترم ووضعه المادي ممتاز برضه والله عوض عليها بالخير
فسبحان الله كيق ربنا لمن الانسان بطلب رضاه بعطيه كل اشي متل ماهو بده
الله يعطينا ويعطيكم الخير امين