من ترك شي لوجه الله عوضه خير منه(تجررربتي )

سبحان الله كنت دايما اكتب مواضيع عن مشاكلي مع زوجي الي بيسير طليقي ووو بس الحمد لله ربي اغلق عني هذا الباب وارتحت منه ومن مشاكله رب ضارة نافعة انا مأدعي الراحه التامة بس احمد ربي على كل حال المهم هو موضوعنا السالفة ومافيها ياطويلات العمر اني ادرس بالجامعة وموادنا كلها باللغه الانجليزية بس كلها تهون عند الرياضيات كانت بالانجليزي ومعظم المحاظرات متاخرة عنها وبصراحة انا مااحب هاذي المادة ودرجاتي الشهر كلها نازله يعني الكويز القصير ماخذه فيه صفر وضااااامنه الرسوب سبحان الله وجاء الاختبار النهااااائي كان الاختبار اول يوم و8 مسائل كلها خطأ :44:متااااكدة أنها خطأ بعد يومين قالوا صديقاتي خلونا نروح لدكتورة الرياضيات نسالها صححت الاوراق ولا باقي ودخلنا مكتبها فكانوا كلهم يتكلمون معها ويطلبونها تساعدهم ووو وانا ساكته:pbsmile: فلفت انتباهها سكوتي فطلبت تعرف اسمي فانا قلت لا مابي اعرف النتيجة خليها مستورة وتركنها وطلعنا وانا واثقة اني راسبة فمر يومين كان علينا اختبار التكنولوجيا 7 وحدات بالانقليزي ولالالاقدرت اذاكرها فكرت اني اغش عن طريق الجوال استغفر ربي انا والله ماكنت اغش بس مدري كيف خطر هذا الشي ع بالي ورحت كتبت التعداد مع التعاريف في اربع رسايل وحفظتها في الجوال وجاء اليوم الثاني وانا مداومة الصباح في الباص حسيت بتانيب الضمير :frown:وكل شوي اطالع الجوال وانا ماني راضية انا دارية ان الاغلبية بيقولون عادي لان في غش بنسبة كبيرة حتى لما قلت للبنات بعضهم قالوا عادي يعني متساهلين في هذا الامر بقوة ما كفاهم حديث الحبيب علية افضل الصلاة والتسليم (من غشنا فليس منا )المهم والله نفسي ماطاوعتني وقلت في نفسي راح امسح الرسايل لوجه الله بس موعشان شي ثاني المهم قمت اذاكرواتصفح وانا مالي نفس:ohplease: حتى وصلت وجلست الى الساعة 10 طبعا اختبارنا وحده بعد الظهر فقالت وحده من البنات خلونا نروح لدكتورة الرياضيات فكونا ثلاث هما بيدخلون وانا وراهم من عند الباب شافتني قالت ااااه انتي تعالي تقصد انا والبنت فرحت:pinklove: تحسبها هي لان بصراااحه كلنا في الرياضيات معدلنا منحط فقالت لا اللي وراك وانتو ارجعو اول ماجيت عند مكتبها قالت اسمك ايه ؟فقلت لها احلام بعدين قلت طيب دكتورة في رسوب في قروبنا قالت في كل قروب في رسوب بعدين قالت خلاص تعالي للنتيجة بعد ساعتين انا تركتها وطلعت والبنات:dry: ليه مانادتنا اكيد بتنجحك فقمت اصرفهم فسبحاااااااان ربي روحت فتحت النت لقيتني ناجحة في الرياضيات والشي الثاني نجحت في تكنولوجيا وانا ماحليت والله ماتركت الغش الا لوجه الله فربي عوضني في نفس اليوم اللهم لك الحمد والشكر وابشررركم نجحت في السبع مواد