رمش الرياض :

شوفي .. الزواج الوظيفة الدراسة الخلفه وكل شي بهالدنيا يبيله سعي مافيه شي يجيك مثل ماتبين على طبق من ذهب  ولاحظي قلت مثل ماتبين , لان اذا تبين زواج عادي و وظيفه عاديه و مستوى دراسي عادي فـ خليك على البركة مثل باقي هالبشر الدعاء يحقق المعجزات , و الله نعم الوكيل و مدبر الافلاك والاكوان و كل أمر ونعم بالله بس هذا ما يعفي الانسان من العمل ولا يبرر جلوسه و تواكله ! انا شخصيا ضد فكرة ان الزواج قسمة ونصيب محض يعني اعتقد ان الانسان له يد في اغلب الاشياء اللي تحصل له في حياته حتى الرزق اوكي حنا مؤمنين بالقضاء والقدر وفيه اشياء حنا مسيّرين فيها مانملك الخيار بس بالمقابل اشياء كثيرة في هالحياة لنا فيها القدرة على الاختيار و القرار انتي ماتبين تتزوجين اقرب واحد فـ شي طبيعي اقولك ادعي وبجانب الدعاء اسعي للبحث عن هالشخص سواء عن طريق خطابات او اي طريقة اخرى مع الحرص والتعامل بحذر و ذكاء يعني مايحتاج نقولك ان السؤال والتدقيق و البحث و الاختبار اشياء اساسيه ومهمه لاكتشاف الشخص اللي قدامك قبل ما تتخذين قرار انك تعيشين معه طول عمرك  ما ينفع تجلسين حاطه يدك على خدك تنتظرين الرجال يطق بابك بحجة انا مو ناقصني شي و بنتظر نصيبي حنا الحين بعصر الانفتاح .. ماعادنا بسنين جدي وجدك و امي و امك حاليا نعيش ثورة اتصال و فيه كسر لكثير من العادات و التقاليد الباليه و تغيير كبير لافكار المجتمع الجاهليه .. استفيدي من هالشي الرزق بيد الله , و مثل مايقولون .. الله يرزق الطير ولكنه لا يُلقي له الرزق في عشه مثل مريم ( وهزي إليك بجذع النخلة تساقط عليك رطبا ) أمر الله مريم المرأة الضعيفة النفاس بهز جذع النخلة التي تثقل الرجال ! والله قادر ان يكرمها برزق ليعلم الناس أهمية بذل السبب ومثل الطرفه اللي تقول ان واحد من اهل الكتاب كان يدعي يقول يارب افوز باليانصيب يارب افوز باليانصيب .. جاه صوت من السماء يقول طيب اشتر التكت ! يعني ع الاقل سو شي عشان توصل لهدفك لازم تسعين .. تحركي .. سوي اكشن  واستخير الله في كل خطوة تخطينها و ادعي انه ينور بصيرتك ويوفقك ويهديك للصواب , و دام نيتك خير و بذلتي مجهودك في الاختيار والسؤال تأكدي ربي ماراح يضيع جهدك وتعبك و بيعطيك على قد نيتك و اكثر

شوفي .. الزواج الوظيفة الدراسة الخلفه وكل شي بهالدنيا يبيله سعي مافيه شي يجيك مثل ماتبين على طبق...