انا بمنطقه بعيده عن اهلي وشكثر أشتاق لهم وأحس بفقدهم وحلاوة مجالستهم واتمنى كل لحظه عندهم لكن عمل زوجي حال بيني وبينهم والله ساعات أبكي بكاء متعب لاتذكرت أمي وأبويا وخواتي ومواقفي معهم الله لايغير علينا يارب ويحفظ لي أهلي من كل سوء وشر ويجمعني فيهم على خير وعمر الزوج مايعوض فقد الأهل لو حتى اموووووت فيه وأحبه بجنون يبقون أهلي هم سندي بعد الله

أختي والله. اتغلبت في البداية ولكن الآن سعيدة :)

بالعكس البعد شيييييين..انا شرق رياض واهلي غرب...المشوار ساعه...وطفشانه ودي اكون قريبه اطل عليهم وسط اﻷسبوع. ..اعيش بتكه لين يجي نهاية الاسبوع

لاتقولون بالرياض قريبه..الرياض زحمتها تطفش الرجال..فصعب اروح كم مره في الاسبوع...


بس مافيه مثل اﻷهل...

بعض البنات تتحمل الغربه..وفيها عدم احساس ومشاعر...اجل البعد هن الوالدين راحه ؟!!!..لكن البعض ﻷ. .فانا من اللي ﻷ...

أنا بالشمال و أهلي بالشرقية , لي سنة و شهرين متزوجة و أشتااق لهم حيييييييييييييييل و أتمنى أني قريبة منهم

أقلّها إذا تعب أحد منهم ما تجلسين تشلين همه و أنتي بعيدة عنه ><"


صحيح هذا نصيبي و راضيه فيه , والله يسعد زوجي مثل مايسعدني بإنه يوديني لهم دائم بالكثييير آخذ عنهم 3 شهور

بس بعد قربهم حلووو , محد مهوّن علي البعد غير زوجي , لو مايستاهل كان ما تحملت ,

ما تخيلت في يوم أبعد عنهم هالبعد , بس هذا النصيب و النصيب لا جاء محد يردّه

الله يحفظهم لنا يااااارب و يقدرنا على برهّم