من تساعدني الله يجزيها كل خير

السلام عليكم ورحمة الله وبركاته
والله مثلي مثلك

هلا اختي وياريت تغيرين أسمك تفائلي عسى ربي يوفقك ولا تتركي الفشل يدخل حياتك

الله يبعد عنك الفشل ويوفقك توكلي على الله

أختي أبتدي بالأشياء السهله الخفيفه مثل ، البيتي فور ، الغريبه ، المعجنات الصغيره لانها مرغوبه وحاولي ان يكون الشي غريب ومبتكر والاهم انه يكون قطع للتوزيع

الله يوفقك

يجزيكي الخير اختي الغنادير بس ماعندك وصفات تكون مضبوطه احس اني تايهه في قسم الحلويات

حبيباتي انا من ظرف 4 شهور كنت ماادبر شي لا حلو ولا غيره الحين الحمد لله تحسنت كثير اذا اول مره تسوون حلو باعطيكم طريقة حلو ما يبيلها شي ابد لا طبخ ولا نفخ ولا وقت

جاهزين يا الله اكتبو معاي

كوب جوز هند
كوب شوفان كويكر
كوب حليب بودر اي نوع
علبة حليب مركز ومحلى يفضل نستله
صحن تنثرين فيه جوز هند عشان اتزينين

تخلطين الثلاث اكواب مع بعض والحليب المركز وتخلطينهم بايدج لما اتصير عندج عجينه بعدين تجيبين صينية ذربه تاخذين من العجينه تكورين كور اصغار واتمشينها على جوز الهند اللي نثرتيه بالصحن لما يصير شكلها امغلفه واتصفينها بالصينيه لما اتخلصين تحطينها بالثلاجة ساعه وبعدين تقدمينها مع القهوه العربيه والشاي

ملاحظه بعد التقديم اذا بقى شي لازم يحفظ بالثلاجه ثم يقدم مره ثانيه عشان ما يخرب الحليب

وادعولي ترى سهل وما ياخذ وقت ابد واذا تبون وصفات سهله ترى انا بالشوفه حاسة فيكم كنت اردى منكم والله سخر لي الطيبات اللي يساعدوني عساهم الجنه بس جربو هاذي بالاول ردولي

جزاك الله خير اختي و رزقك الخير و السعادة ان شاء الله

بارك الله فيك