من تساعدني تعبت زوجي وبوصلة الشخصيه

بنات تكفون ردو علي والله محتاجه لكم تعبني احس بيتي بنهار وانا تعبت اخر امل لي بعد الله اني احاول افهمه لانه مايعطون شئ لا طيبه تنفع معه ولا شده تنفع معه

روحي لمنتديات نسوة هناك يفهمون للبوصلة اكثر منا

تعالي حبيبتي انا افهمك كل شي .... لأنو انا برضو خطيبي شمالي شرقي .... بالبايه جابلي حاله نفسيه بس فهمته مشي الحال وتغير .... بس انتي قوليلي وش تحبين تعرفين بالضبط .... انا راح اجيبلك كل شي عنه واي استفسار برد عليك بس ادعيلي معك ربي يتمم زواجي ع خير ...

بنات حبيباتي وش سالفة البوصله الشخصيه اول مره اسمعبها :surprised تكفون تكفون علموني اشرحولي بالتفصيل ووين القاها عطوني التفصيل الممل نفسي اعرف شخصية زوجي 6 سنين زواج مدري شلون اتعامل معه الله يهديه:44:

انا قريت بوصلة الشخصية وهي تححد لك صفات عامة وتطبيقات عامة ماتقدرين في كل المواقف تتبعين بوصلة الشخصية
عشان أتعامل معه احسه مزيج من كل شي سريع الغضب والرضاء
اذا زعل دمر الي قدامه واذا رضى كانه ماسوا شئ

اذا زعل تجنبيه تماما ولاتحاولين تهدينة اتركيه لمن يهدا من حالة ولا تحاولين ترجعين له الموضوع الي زعل منه وتناقشينه فيه الا اذا هو بدا وتناقشي معاه بهدوء

يعطي بسخاء اذا كان رايق ومعه فلوس واذا خلصت طلعها من عيوننا
في هالموقف انتي ريحي راسك كل شهر اطلبي منه مصروف مقنن لك ولاتطالبيه باي مصاريف في وقت تحسين ان ماعندة فلوس
يهتم في اهله اكثر منا أنا وعياله

هذي الصفة حلوة لكن سخريها لمصلحتك اهله امدحيهم وكوني طيبة معاهم ولاتجيبن سيرة احد فيهم بالشين قدامة ولاتبين له انه يهتم فيهم اكثر منك بالعكس بيني له ان اهتمامه في اهله عاجبك وان الي مافيه خير لااهله مافيه خير لللناس وكذا يعني امدحي كل شي يسويه لا اهله

شخصيته قدام الناس ملك وفي بيته لايعرف المسؤليه

لاتحاولين تبينين له ابد انه عديم المسؤولية اغلب الرجال يحب يهرب من المسؤولية فاانتي بحكمتك لا تحسسينه اذا كان في البيت انت لازم تسوي كذا وتسوي كذا وروح جيب حسسية لمن يكون في البيت ان ماعندة مسؤولية واختاري يوم معين واطلبي منه الاشياء الي تبينها لمن يكون رايق وفاضي
معطاء جداً مع اصحابه عكس معنا
هذي الصفة حلوة معناته طيب ويحب الخير لغيرة برضوة لمن يقولك انه فزع لاحد من اصدقاءة كوني معاه وشجعيه بينعكس هذا على معاملته معك
مايحب المسؤليه أبدا
نفس الكلام الي فات حاولي تخففي من مسؤولياته تجاهك

يعشق الخيانه

هنا كلام ثاني ماادري وش تقصدين بالخيانة
يحب يحطمني دائماً ويحسسني اني اقل من الناس
ايه الله يعينك ويقويك على هالصفة بقلك هنا كوني قوية واذا في موقف حطمك خلي ردة فعلك عكسية يعني اضحكي وانبسطي ولاتبين له ابد انك تحطمتي لانه هو يسانس اذا تحطمتي خلي التحطم بينك وبين نفسك والله يعينك
عنيد جداً بس لين مع المسايس
العناد حله الدايم انك لاتعاندينه ابد اذا سوى الي براسة يغير رايه بعدين بطريقة غير مباشرة
يده طويله يحب الضرب
لالالا ابد لاتمحين له يضربك وتجنبيه عند الزعل زي ماقلت
ماله كلمه مع اهله ممكن يرمي عياله وزوجته عشان رضاء اهله موكب في اهله بس خوف من معاهم
انتي اكسبي اهله وزي ماقلتلك فوق
جاحد للمواقف الحلوه معه
اغلب الرجال مايحبون احد يمن عليهم بمعروف اوشي حلو عملتيه معاه
ينصحك عليه بسهوله اذا عطاك وجهه بس هو ما يعطي وجه لي بسهوله
لاتنتظرين يعطيك وجه انتي خليه هو ينتظر منك تعطينه وجه لاتلزقين فيه خليك واثقة من نفسك وقوية ومحترمة انتي حاولي تجذبينه لك يعني مودايم وموكل يوم يكون عارف وش براسك خليه هو يجري وراك ويسال نفسة ليش سوت كذا ليش لبست كذا غريبة ماقالت كذا فهمتي علي
يخر قدام اي حرمه غيري
ما ااعرف وش اقلك بس المفروض يحترم وجودك وانتي المفروض يكون لك موقف منه مافهمت بالضبط كيف يخر
ساعدوني تكفون تعب ابي احل مشاكلي واذا فيه استفسار أنا متابعه ارد على الي تعرف تكفون والله لدعي لها بصلاتي الي ترد
على فكره أنا شماليه شرقيه


والله باخر هالليل مارديت عليك الا ودي اساعدك وادعي لك ان ربي يسخر زوجك ويهديه لك يارب واقولك ان بوصلة الشخصية للقراءة والتعلم لكن مو فكل الظروف تقدرين تطبقينها
زوجك فيه كثير من صفات الشمالين لكن موضوع الخيانة ماهو موجود بالشمالين ماادري بس لاتقيسين على بوصلة الشخصية فقط اعرفي الصفة وكيف التعامل معاها ولاتتعبين نفسك تحددين هو شرقي ولاغربي ولاجنوبي

والله يوفقك لمافيه الخير يارب