من تساعدني في عمل قبعه

حبيبتي امشي بالقياس ،،،
يعني اشتغلي شوي وقيسي على راسها اذا شفتيه محتاج تعديل عدلي اول باول
واستخدمي الغرز البسيطه كبدايه حتى تتقني الفكره وبعدين غيري على كيفك،،


موفقه حبيبتي  

نفس الشي انا بعد ابسوي قبعة لبنتي بس تطلع صغيرة لو مشيت على الباترون ياليت لو وحدة خبيرة تنزل موضوع عن تكبير القياسات او تصغيرها ومشكورة طرحك للموضوع

شوفوا حبيباتي القبعه ممتعه وسهله صراحه

اول شي خذي متر وحطيه من الجبهه لفي المتر على محيط راس بنتك لين ترجعين للبدايه هالمقاس سجليه بالسنتمتر

اقسمي الرقم هذا على 3.5 ويطلع لك قطر الدائره اللي راح تكون اساس القبعه

حطي هالرقم ع جنب وابدئي سوي دائره \\\انصحكم دامكم مبتدئات بغرزه العمود تلقون شرحها في كل مكان
هنا بالمنتدى او بقوقل

اساس القبعه البدايه اذا ضبطتيها خلاص تمشين صح


باقولكم طريقتي والحمد لله ناجحه


1- سوي سلسله من خمس سلاسل ةقفليها بنتزلقه
2- اطلعي 3 سلاسل ةابدئي سوي غرزة عمود ( مااتقيد بعدد لاني كل ماتقيدت طلع لقبعتي بوز فصرت اسوي غرزة عمود لحد ماانتهي من االدائره واحرص ان هالجزء مسطح 100% واختم السطر الثاني بمنزلقه
3- اطلع من جديد 3 سلاسل واسوي فوق اول عمود عمود وفوق العمود الثاني عمودين وفوق اللي جنبه عمود واللي جنبه عمودين
يعني شغلك بهالسطر ( عمود - عمودين - عمود - عمودين الى نهايه الدائرة واختمها بمنزلقه )
4 - اطلع برضه 3 سلاسل والحين بيصير شغلي ( عمود - عمود - عمودين -عمود - عمود - عمودين - وهكذا لنهايه الدائره واختمها بمنزلقه )
5 - اطلع برضه 3 سلاسل والحين بيصير شغلي ( عمود - عمود - عمود - عمودين -عمود - عمود - عمود - عمودين - وهكذا وانتهي بمنزلقه )

وكل مره تزودي عمود وتكرري لحد ماتوصلين للقطر اللي سجلتيه على الورقه

تاكدي وحطيه فوق راس بنتك اذا وصل للمقاس اللي تقريبا تشوفينه ضابط

تبدأين تسوين ارتفاع القبعه وهي عباره عن

( غرز عمود بدون زياده او نقصان كل سطر تنهينه بمنزلقه وترتفعين 3 سلاسل وتكررين بنفس عدد الغرز وراح تلاحظين القبعه بدت ترتفع معاك ) واذا مشيتي ثلاث سطور ابدأي قيسي على راس بنوتك لين توصلين للارتفاع المطلوب



وموفقات اخواتي اتمنى شرحي واضح لكم :)

نفس الشي اشتغل القبعة لبنات كبار تطلع للبيبي وأصغر بعد هههه
ياليت نلاقي حل

http://img.blogcu.com/uploads/orgun_sapkadairesemasi-2.jpg

الان هذي صورة بترون سهل
من اي سطر ابدأ ازود عدد الاسطر علشان تكون القبعه اكبر