من تساعدني وادعيلها بتحقيق كل ماتتمنى ((بديت اصلع))

السلام عليكم ورحمة الله وبركاته

انا بقول قصتي من البدايه

حسبي الله على اللي كان السبب بس تكفوووون ساعدوني

انا شعري حلو قصدي كاان حلووو نعومته عاديه بس ناعم بدون استشوار يصير كيرلي بس حلووو لين ومرتب فهمتوا علي

بالعطله الكبيره اللي فاتت اهتميت بشعري لدرجه صار مايلف كثير بدون استشوار صارت مجرد تموجات

وطوووول بشكل سريييع لأني انا والحمدلله واذكروا الله يطول باسبوعين من اقصه تتغير القصه

حجمه وسط مو خفيف مررره يعني بس حلو

المهم عقب مازان بالعطله ونزل لاول ظهري
قررت اصبغه (( هذا الكلام قبل الدراسه باسبوع)) علشان اطلع بشكل ثاني لزميلاتي

وياليتني ماصبغته من غبائي اقنعتني وحده من خوياتي ان امها تصبغ زيييين وان قريباتهم يجونها وتصبغ لهم قلت احسن شي اجرب عندها بالذات اني عليميه بالشعر واول مرع اصبغ شعري


وكنت بصبغه عسلي عليه خصل بيج

ولما حطت لي التفتيح ظرب اللون من فوق صار اشقرررررر ومن تحت عسلي فااااااااااااااتح مرررره

وخلال اسبوع حطيت خمس صبغات بسبب ان اللون يظرب او انه مايعجبني على لون بشرتي ماهو مناسب


ادري اني ثقلت على شعري بس نهايتها ماستحملت بعد شهر من الدراسه عجزت اتحمل لون شعري اللي طالع نحاسي على عسلي مدري شلونه بالظبط البنات يقولون حلوو وانا ماني مقتنعه احس ان بشرتي شهبت وانسمرررت اكثر لأني انا سمرا فااااتح مررره

رحت صبغته اسوووود وارتحت من ناحية اللون بسسسسسسسس


من قبل ماصبغه اسود من بد الصبغات اللي حطيت صار شعري الله لايوريكم مكروه بشعوركم سللللككككه خششششششن بالاستشوار ما اتجرأ افكه


قلت اعتني به ان شاء الله يلين ويرجع زي اول بس هالفتره

وفعلا لااان شوي وصار احسن من اول وطلعت لي مشكله جديده اطرااافه متقصفففه بشكل وااااضح وكأنها محروقه رحت قصيته عقب ماتعبت نفسي بتربيته بالعطله وبالزيوت علشان ينزل لحد ظهري لأن شعري فيه شي مو طبيعي يطول بسسسسسسسسسررررررعه وبس يوصل لظهري يتنننح يقول هذا مكاني يصير يطول ببطءءءءءءء


قصيته والله لايبارك باللي قصته قلت لها شاقي قصته بوووي

بوي طوييييل شوي والحمدلله على كل حال طبعا انا قصيته باول عطلة رمضان
ومارجعت للكليه الاوهو على كتوفي بسسسسسسسسسسسسسسسسسسسسسسسسسسسسسسسسسسسسسسسسسس

المشكله اللي بديت الاحظها من يوم قصيته مخوفتني مرررررررررره

شعري يطيح بشكل كبييير لدرجه الحين وسوست اخاف اصلععع لأن فيه فراغات براسي مابها شعر

وجلدة راسي من قدام (مكان الغره) فااااضيه من الشعر وواضحه البشره
ولما اعزله بأي اتجاه من الغره المعزل مرررره كبيييير ومافيييه شعر ابددد:44:

يابنات واللي منني كللل يوم تكبر الفراغات اللي براسي لدرجه اخاااف اشوفه مافي شعر من قدام :44:


اخاف اصلعععع بشكل ماتتوقعونه


ما ادري اقصه بلكي يكثر ؟؟؟؟ استعمل زيت حشيش ؟؟ انا اعرف محل يبيعه تتوقعون يكثة ولا بس يطول ؟؟


احط ثوم ؟؟ ولا يطيح الشعر ؟ لأني زمااان جربته مع زيت زيتون انهلس شعري وتركته


مدري وش اعمل تكفــــــــــــــــــوووون ساعدوني
واذا عندكم جارب علموني

واذا عندكم حل او نصيحه لتفادي الصلع قولوووولي
انا ابوي اصلع بس تتوقعون للوراثه دور ؟؟؟

بس معقوووله اصلللللللععععع:06: ماني مصدقههه لاااا لا ان شاء الله ماصلع

والله وسوست انقذووونييييييي واللي يرحم والديكم


وراح ادعي للي تساعدني وتفيدني بكل صلاه ان الله يوفقها ويحقق كللل ماتتمنى ويسخر لها اهلها والناس ويكفيها شر كل ذي شررر ويمتعها بصحتها وبجمالها وبدينها قاااادر ياكريم

آآآمين يارب


واتمنى ماتبخلون علي بحلوول

في امان الله 000 انا بالانتظار