اكثر من مره اقرا مشاكل البنات مع حب الشباب وأثاره ,,
طبعا بقولكم قصتي ,,أنا وحده ماكان فيني اي حبوب هذا الكلام قبل ثلاثه شهور ومن لما بديت استخدم زيت جنين القمح وانا بشرتي دهنيه ,فماناسب وقد كتبت موضوع احذر فيه من هذا الزيت ,,اللي من بعده بدأت الحبوب تطلع والمصيبه انها مارضت تروح من ذيك الفتره
حاولت بالخلطات الطبيعيه ,,ليمون ,,زبادي ,,منقوع المره,,عسل طبيعي ,,بدون فايده
أخرتها قررت اروح الصيدليه ,,وصاني بحاجتين
الاولى حبوب doxydar كبسولة كل يوم لمده شهر
والثاني صابونه اكني ايد ,,استعملها مرتين صبح وليل
وسويت مثل ماوصاني وبالفعل صارت الحبوب ناشفه وسطحيه في 10 ايام (ولازلت مستمره على وصفته لما اكمل شهر انشالله)
وبكذا تخلصت من الحبوب لكن بقى عندي اثارها البنية ,,بحثت بالنت و لقيت اللي تقول كريم يخفف او كريم يبي له مده طويله وانا مستعجله ابي اشوف النتيجه في العيد يعني حدي شهر
لما لقيت تجربه الاخت Stylist في منتدى كويتيات اللي قالت فيها انو الاثار تختفي نهائيا في شهر ونص
ومن تجربه شخصيه لها وكانت المستحضرات مقنعه وطبيه ومنصوح فيها وشي ثاني سعرها معقول وغير مكلفه
وقبل البدايه ابي أأكد انو الموضوع لعلاج اثار حب الشباب وليس حب الشباب نفسه ,,يعني اللي فيها حب شباب او بشرتها حساسه مدري عنها
المطلوب
1\15 RS= benzac ac 5% كريم مقشر
2\Eldoquin forte 4% =17 RS كريم ازاله البقع والاثار والكلف والنمش ولاسترداد لون البشره التي تعرضت للشمس
3\MEBO=27 RS كريم للحروق والجروح واهم ميزه فيه( تعجيل وتسهيل بناء النسيج الطلائي للجلد مع المحافظة على مظهر تجميلي مقبول)
4\ESKINOL+ aSPRIN (خصائص الأسبرين انه مضادة للالتهابات والتخلص من خلايا البشرة الميتة)
5\
acne aid\ =25 RS لتنظيف البشرة الدهنية والمختلطه ولمنع ظهور الحبوب
اولاً تخلطين محلول اكسينول مع عشره حبات اسبرين (ماسويت هالخطوه)
بنزاك هو عباره عن مقشر لطيف للبشرة عشان يقشر الطبقة الخارجيه الموجود فيها الاثار ,,يستخدم مرتين صباح وليل لمدة خمسه ايام
بعد الخمسه ايام ولما تبدا البشرة تستجيب للتقشير ,, نبدا باستخدم الدوكين عشان يعالج الاثار اللي صارت مكشوفه بفضل التقشير ,,يصير نستخدم كريم بنزاك بالصباح وكريم الدوكين بالليل (وضروري بالليل لأن الدوكين يتفاعل مع الاشعه سواء كانت شمس او حتي ضوء لمبه قوي ) فالاحسن استخدامه قبل النوم في الظلام
ولما تصحين لازم تغسلينه
راح يكون الجدول بعد الخمسه ايام كالتالي:
تصحين ,,تغسلين وجهك بصابونه اكني ايد وبعدها تحطين كريم بنزاك لمده ساعتين ثم تغسلينه وتحطين كريم ميبو اللي يعتبر كمرطب بعدها تمسحين ميبو بالاسكينول وقبل النوم تستخدمين الدوكين
تضلين على هالنظام شهر ونص وراح تبدأين تلاحظين النتيجه من اسبوع
انا لي خمسه ايام واليوم انشالله بالليل راح استخدم الدوكين
كتبت الموضع لسببين
1\مع انو مالي الا خمسه ايام ولسى مابديت الدوكين الا ان الاثار خفت وفي بعضها انقشر حتى قبل استخدم الدوكين و****لله حاسه راح اطلع بنتيجه
2\ موضوع تشجيعي ولأنو شايفة كثير يعانون مثلي فقلت نشجع بعض وافيدكم
مابي منكم الا انو تدعون لي بانو الله يفرج همي ويحقق امنيتي ويشفي والدي ويسخره لنا والشي الثاني تدعون لصاحبه التجربه الاولى الاختStylist
وهذا رابط موضوعها
http://www.q8yat.net/showthread.php?t=573425
يلا من ناويه تشاركني علاجي ترفع ايدها ,,وراح اوافيكم بالنتائج يوميا هنا
ولا يخلص رمضان الا وبشراتنا صاافيه وحلووه ونااعمه بالعفوو والعافيه من غير شر لناا