خلاص انا يابنت من طيحتي قمت
جرحي برى خلاص لاتفتحينه

واخذت قراري وعليه صمتت
وحلفت صوتي بيوم ماتسمعينه

من اللي جرالي اخذت درست وتعلمت
اللي غدر في يوم لا تامنينه

رحتي وصرتي خلّف ذيك المنارات
ماتسمعين اصواتنا وان بكينا

لو تنحسب مابيننا بالمسافات
تلقينها خطوات لو هو مشينا

الحي لو دونه بحارٍ عريضات
نقدر نجيه و لو بغانا يجينا

والميت لو انه على بعد خطوات
نصعب عليه ولو نبيه ويبينا

يالله ترحم من فقدنا من اموات
واللي لهم يالله حقن علينا

وانتي صغيره مثل وانتي كبيره
كن الزمن والعمر ماغيروا شي

بالعقل والتفكير صرتي كبيره
ولا الملامح والشكل مثل ماهي

كن العظام بوسط جسمي تنازع
كلاّ على عرش الالم بيتزعمّ


كن بينها حميّا عليها تفازع
مثل ولد عمٍ فزع مع ولد عمّ

• قالوا قصيره طولها كله اشبار
• واحنا تميزنا وصرنا طوالي

• قلت عندي مواهب وامتلك حس واشعار
• ومعي شهاده ومنجزه في مجالي

وليه مع اخواني معزه ومقدار
ومعربه معروف منهم خوالي

• عندي هدف واسعى له وكلي اصرار
• واتعب على دنياي واعز حالي