خزامى بنت السعوديه :

انا حملت بعد زواجي ب7شهور وماكنت ادري اني حامل تجيني الالام توقعتها الدورة بتنزل سبحان الله يوم تعدى وقتها حللت وصار حمل قبل الولادة بليلة كنت اذا دخلت دورة المياه(اكرمكم الله)أحس انه ينزل معي افرازات واضحه ولاجاء ببالي شيء نمت وانا نايمه على اذان الظهر تقريبا اتقلب على االفراش واحس ان فيني بلل اخذت منديل ابي انشف عمري واروح للحمام ماامداني اجلس الا المويه تصب والله ان مكاني صار مليان مويه مع افرازات وشوي دم وكنت خايفه مره دريت انها ولاده صبرت الى اذان العصر واحسب اني متأخره يوم رحت للمستشفى كنت اقول اذان المغرب اكون والده بإذن الله .. رحت وسووا لي كشف صار1سم بس وغيرت ملابسي وجلست خايفه وماادري وش بأواجه قبل حرمتين ولدوا على المغرب كنت اسمع اصواتهم يصارخون وانا خايفه شوي اسمع صوت البيبي يبكي حسيت بأحسأس حلو طبعا القسم اللي انا فيه ممنوع منعا باتا احد يدخل عليك لاام لااخت ولااحد وانا طفشت لحالي والحمدلله على كل حال اذن العشاء ماصار شيء الساعه 10تقريبا دخلت الممرضه من تحت حاجه مثل العود طويل ودقيق كنت اقول لها حق ايش تقول بنشوف موية الجنين على الساعه 11جات الممرضه تبغى تحط حاجه في المغذي قلت لها وش هذا؟؟(انا خايفه انه طلق صناعي)قال الدكتور هذا مضاد ولاادري عن صدقهم.. وكان يقول لي بننتظر الى الفجر اذا ماولدتي اعطيناك طلق صناعي ماولدتي عمليه.. على 11بديت احس بالمغص سبحان الله يزيد بالتدرج وانا مره انسدح مره اجلس مره امشي خايفه مره قبل الفجر بشوي ودوني لغرفة الولادة وحطوا لي الحقنة الشرجيه وجلست على سرير الولاده وابكي قلت خلاص سووا لي عمليه وتجي عندي الممرضه قالت لالالا لاتقولين عمليه هذا7سم وصبرت لحد مازااااد خلاص بعد صلاة الفجر حسيت وقت خروج الرأس اني ابي دورة المياة وطلعت بنتي الحمدلله بعده بشوي حسيت نفس الالاحساس صارت المشيمه سبحان الله حطوا بنتي على بطني شوي بس قالوا مدام مبروووك بنت اخذوها وانا خيطوني وودوني لغرفة الملاحظه وصار معاي نزيف(الحمدلله ربي ستر علي وعافاني)على طول حطوا على بطني كمادات ثلج وحطوا لي 3اكياس دم وقتها كنت فتح عيوني اشوف الممرضات والدكاتره مجتمعين بعدين اغيب شوي الحمدلله صحيت وشفت بنتي وطلعوني لغرفة التنويم الساعه 4العصر كانوا يقولون ماتطلعين الا لما تاكلين وانا مالي نفس وقتها وخلوني براحتي .. جلست 3ايام بالمستشفى وطلعت على مسؤليتي والحمدلله يارب لك الحمدعلى نعمك الكثيرة التي لاتعد ولاتحصى ملاحظه انا بعد النزيف قالوا لي اتصلي على زوجك يرجع يوقع على تبنيجك بنج كامل فعلا جاء ووقع بعدين لما وقف النزيف قالوا خلاص مايحتاج وش تتوقعون وش كان بيسوون؟

انا حملت بعد زواجي ب7شهور وماكنت ادري اني حامل تجيني الالام توقعتها الدورة بتنزل سبحان الله يوم...