قمر الأشراف :

قصة ولادتي.. يوم الأحد الماضي كان عندي موعد فالمستشفى لأني عوشرت صارلي داخله بالعاشر عشرة ايام،والتاسع كله ماحسيت بأي طلق أو بوادر ولاده ماعد في العاشر كان ينزل علي بعض الأحيان الله يكرمكم مثل الزلال شفاف يميل للأصفرار.. المهم اليوم اللي قبل الموعد حسيت بألم بسيط أسفل الظهر طنشت الموضوع ولما رحت الموعد اليوم الثاني سألتني الممرضه أللي تقيس الضغط والوزن قالت ماتحسين بأي الم أو نزول إفرازات؟؟ قلتلها أمس حسيت بألم خفيف وبإفرازات خفيفه،كان رقمي عشان أدخل عالطبيبه 16 وهم من الخوف لايكون عندي ولاده دخلوني عليها في نفس اللحظه لان صارت عندهم قريب حالتي ولاده بدون لايقدرون يودونهم غرفة الولاده.. اول مادخلت عالطبيبه دخلوا معاي ممرضتين وقالوا لطبيبه اني احس بألم خفيف وتكشف الطبيبه عالرحم قالت لسه واحد سانتي،عملولي تخطيط لقلب الجنين وقالولي لازم ترقيييييييد،رحت الترقيد أول ماوصل بديت أحس بألم خفيف اسفل الظهر والبطن وكنت حاسه بضيق لأن أمي مو معاي لأن المفروض اليوم الثاني تعمل عمليه ليدها عندها ضيق في أوردة الرسغ وكانت خالتي أم زوجي معاي،بس الوالده الله يحفظها أول ماعرفت أني ترقدت جات لعندي وقالت والله مااعمل العمليه إلا لما أطلع من الأربعين لأني بكريه المهم جلسوا عندي خالتي وامي والطلق كل ماله ويزيد لين الساعه11بليل رجعت خالتي البيت،والساعه 12 وصلت حدي من الألم والطلق كل 5 أو 10 دقايق وكان قوي مره،نادت والدتي عالممرضه وعملتلي تخطيط لقلب الجنين من عندها ودوني لغرفة الولاده ،أول ماشافت الدكتوره الرحم قالت لسه واحد سانتي,قلت الله يصبرني دام الألم ألم ولاده ولسه الرحم فاتح واحد..الساعه2أعطوني إبره ترخي الرحم وتريحني من ألم الطلق ارتحت ساعه وبعدها رجع الألم وكان أغلب الألم فالظهر وكان فضيع لأان ألم ولاده والرحم مافتح،وأنا كل شويه إذا هدا الألم أقول لأمي خلاص تعبت وتقولي أستغفري وأدعي دعائك مستجاب الأن..وكل شوي أقولها حطي إيدك على اسفل ظهري وأفركي،كنت أتمنى أبكي وأصرخ بس أحس عيوني جافه واستحيت لا أحد يسمعني،الساعه 6الصبح انفتح الرحم 3سانتي وفتحت الطبيبه المويه وبعدها بساعتين قالولي حاولي تشربي شي حلو وتتقيئ لانه يفتح الرحم،شربت ماي وعسل وفرغت اللي ببطني بس بعدها الطبيبه منعتني من الاكل والشرب وكانت الساعه8 الصبح بعدها بساعه تقريباً ركبولي جهاز تخطيط قلب الجنين ومغذيه(سقايه)،وكل ماشافوا نبضات قلب الجنين تقل يركبولي الأكسجين،وانا أحس نفسي باموت من الألم غير ألاشياء الي مركبينها عليي،وبعدها طلعوا الوالده من عندي ظليت على هالحال حتى الساعه 3 جاء الفرج وقالولي ولاده الرحم فتح10 سانتي بس المشكله الطلق صار خفيف والطبيبه تقولي كل ماحسيتي بالألم أدفعي بس أنا ماحسيت بأي شي تقريباً وصرت أدفع من نفسي وكل ماتوقفت تقول الطبيبه لازم تدفعي بقوه واانا من الأرهاق أوقف دفع بس لما قالتلي ان الطفل ممكن يختنق دفعت بأقوى ماعندي لين الحمدلله طلع وكانت الساعه4 العصر بس أول ماطلع مابكى وعلطول أخذوه من عندي ومااحد تم عندي من الممرضات اخر شي أنادي عليهم خفت لايكون الطفل أتوفى أو صار له شي بس ماحد رد عليي بعدها انفتحت الشلالات الدموع وبكيت وانا أنادي عليهن وأدعي ربي ان مايصيرله شي بعد عشر دقايق تقريبا دخلت عليي الممرضه قلتلها كيف الطفل قالت الحمدلله شيكو زين بس ماخلوني اشوفه إلا بعد ساعه طلع زلدي فديته شرب ماي من البطن وعملوله غسيل معده، وطلعت من غرفة الولاده الساعه12بليل لأن كل مانزلوني من السرير أدوخ لان كان معي نزيف ونقص دم.. والان الحمدلله إبني فحضني الله يحفظه يارب ويسلمه من كل شر

قصة ولادتي.. يوم الأحد الماضي كان عندي موعد فالمستشفى لأني عوشرت صارلي داخله بالعاشر عشرة...