لعيونك حبيبتي
انا ماعندي الا بنت واحده فديتها وجبتها في السعودي الألماني بعسير .....عند الدكتوره وفاء الله يرضا عليها...بس اصلا مراجعاتي كانت في الألماني اللي في جده وحددت لي الدكتوره تاريخ ولادتي بـــ 24/11/1429 وبالفعل فجر الخميس نفس التاريخ نزلت علي موية الراس شي بسيط بس ماكان فيه طلق ولأني بكريه ما ادري اش وراي بعد كبرت مخدتي ونمت الين الساعه 12 الظهر وهنا صحيت من الم خفيف نفس الم الدوره وطبعا ماقلت لزوجي لأنه بروحه كان تعباااان ومسخن فما حبيت اقلقه...بدا الألم يزيد تدريجيا بس كان متلاحق مافي وقت بين الطلق والثانيه المهم على 3 العصر بدا يحمى ولما حسيت اني بأروح المستشفى دخلت اخذت لي شاور سريع وحماتي الله يوفقها جهزت اغراضي واغراض البيبي..وعلى فكره انا ماكنت عارفه جنس البيبي لأنه ماكان يبان معاي المهم على الساعه 5 العصر ماقدرت اتحمل خلاااااااااااص وقلت لزوجي اني بأولد خلاص وانفجع مسكين وقام مايدري وين يروح وراحت معاي حماتي ووصلنا المستشفى على الساعه 6 تقريبا وعلى طول جابوا لي كرسي لأني ماعاد اقدر امشي وعلى الطواري على طول زوجي خلص اوراقي وعلى قسم الولاده وصلت يممممه برررررد والقسم يخرررع المهم قابلتني الممرضه واعطتني روب الولاده ولبسته وقالت لي يالله كشفيه وفعلا كشفت علي ولقيته 3.5 سم بس وحطولي جهاز التخطيط وراحوا وانا حالتي حاله متقرفصه من شدة الألم والله يضيق صدري لاتذكرت الله المستعان المهم خلصت من جهاز التخطيط وقالوا لي امشي طول السيب اللي بين غرف الولاده وطبعا لأني كنت ميته برد لبسوني روب ثاني على روبي وحذيان الله يكرمكم وكنت امشي وكانت معي ممرضه زي العسل تمشي معاي كأنها هي اللي والده وتقول لي اذا جاتك الطلقه اوقفي وافتحي رجلينك عشان تولدين بسرعه وبالفعل كنت اسوي كذا والساعه 7 ونص او 8 الا ربع تقريبا كان الحم مفتوح 7 سم واستمريت امشي الين الساعه 8 ونص وهنااااااااا خلاااااااااااااااص ماعاد اقدر وراحت الممرضه اللي معاي وجات واحده ثانيه الله لايسامحها تصايح فيني بتاخذ عقلي مع اني ما اصارخ بس ابكي المهم الساعه 8 ونص بديت احس بدفع شديد شديد وقاعده ابكي اقول لها نادي الدكتوره البيبي بينزل وجات كشفت علي لقيته 8 ونص سم وتقول لي انتي ليش تبكين وتصارخ فيني يابنات بغيت اموت ولو بيدي كان ذبحتها والله المهم نادت الدكتوره ولما كشفت علي الدكتوره صرخت على الممرضات وقالت انقلوها على غرفة الولاده وفعلا نقلوني وطبعا بغيت اموت من الإحراج لما كشفتني بس ماكان فيه الا هي والممرضه اللي قلت لكم عليها وكانت تهديني الدكتوره ونقول لي خلاص ياحبيبتي وهانت ومن هالكلام طبعا وسوت لي التوسيع وطبعا ماحسيت فيه ابد لأنها خدرت لي المنطفه و كانت تقولي لاجاك الطلق ادفعي و اذا وقف وقفي وسويت نفس ماتقول الين جت فتره ماقدرت ادفع فيها انقطع نفسي من التعب فأظطرت الممرضه تجي تضغط بأذرعتها من اعلى بطني على اسفل بس بغت تكسر ضلوعي ولما شافتني الدكتورع صارخت من الألم بدلت الأماكن مع الممرضه وشوي وبدا الراس يبان والساعه 9 و 8 دقايق بالظبط خرج البيبي لكن مابكو وطلع ارزق ووقتها بغيت اموت من الخوف وتوقعت البيبي ميت وسألت عن جنس البيبي قالت لي بنت لكن انا ماشفتها على طول شالوها وراحوا بها العنايه المركزه وقالت لي الدتوره انتي بتطلعين بكره لكن البنت حتبقى معانا كم يوم واعطتني ابره منومه عشان انام لكن والله العظيم ماقدرت انام الا اليوم الثاني الساعه 7 الصباح تخيلوا
المهم خلصت الخياطه وحمموني وحطوني في ملاحظة مابعد الولاده وجاني زوجي وحماتي وكنت اسألهم عن البنت ويقولون لي طيبه بس انا قلبي مو مرتاح لأن اشكالهم مو طبيعيه صبرت الين الساعه 1 وماقدرت اتحمل وطقيت عبايتي وعلى العنايه والممرضه وراي تخاصم تقول ممنوع تقومين من السرير المهم دخلت عالعنايه وطاحت عيني عليها على طول ياعمري هي وجاني الدكتور اللي في العنايه وسألته عنها وقال لي ان الأكسجين نقص عليها وقت الولاده ولاندري اش مضاعفاته عليها على المدى البعيد اللين يعملون لها تخطيط للدماغ بس مو اليومين الأولى لأنهم مايقدرون يشيلون عنها الأكسجين وطلعت انا ثاني يوم وجلست هي 10 ايام في المستشفى وصلحوا لها تخطيط للدماغ وقالوا لي انها سليمه 100%100 الف حمد وشكر لك يااااااارب
واللحين على وشك تخلص سنه وطلعت لي قرون في راسي الله يهديها بس...وسلامتكم حبيباتي...

ماطلبتي شي عاد قصتي طازجه توني مخلصه الاربعين جبت بنيه تهبل ماشاء الله عليها المهم انا حملت بعد ماكمل ولدي 4 سنوات طبعا هاذي رابع ولاده لي المهم مرت اشهر الحمل بدون مشاكل حتى وحمي خفيف وكنت احب الحوامض والموالح لين ماجاء الشهر التاسع هو البلاء لانه تكونين ماله من الحمل وتنتظرين الولاده ويكرهيي للانتظار ويجيني اخر اسبوع طلق بس بارد وخفيف مارحت للمستشفى قالت لي الوالده الله يحفظها يارب اشربي قرفه وشوي قرنفل وشوي هيل اذا هو طلق يحميه واذا هو مغص عادي يوقفه وسمعت نصيحتها ويروح الالم واخر يوم جاني زي الشد مع المغص وقلت شكلها ولاده ورحت سويت لي حلب مع قرفه وشربته الساعه ثمانيه باليل ومشيت بالساحه الي عند بيت اهلي وزاد الطلق ولما جت الساعه عشره تعشيت ورحت للمستشفى الساعه اثنين باليل لان مابي احد يشوف وجهي وانا اتالم لاني كنت عند اهلي بس قبل لا اروح سويت مرميه بقدر لحد ماطبخ ووقفت عليه نص ساعه ورحت للمستشفى وكشفت علي وقالت ثلاثه سانتي تبين تروحين او تتنومين قلت ابي اتنوم لاني مااضمن احد يرجعني للمستشفى خفت اخوني ينامون واتورط لان زوجي مسافر المهم تنومت ودخلت غرفة الانتظار وحطو لي جهاز الطلق الساعه ثلاثه الفجر وقال الدكتور اربعه سانتي كنت مرتاحه بس كانت الي بجنبي تتالم وانا اقول بعد شوي دوري لسه ماوصلت للمرحله الي هي فيه ومامداني افكر الا الم زاد وجاني الطلق الحقيقي اه ياربي جت الساعه خمسه الا خلاص ماتحملت واصرخ هذيك الصرخه لعلمكم انا لا جيت اولد مااصارخ ونسيت اقولكم ماسكت لساني عن القراءه لاني حافظه سورة مريم فكنت اقرء كلما زاد الالم وبعد الصرخه جت الممرضه الفلبينيه الله يسعدها قالت ايش قلت يمكن ولاده احس خلاص ولاده قالت شوي وكشفت علي وقالت ثمانيه يالله ابي احط حقنه قلت ايش لالالالالالالالالالالا حقنه لا مابيها وقامت تقنعني بس انا مستحيل الحين انا على وشك ولاده وهي بتحط الحقه طبعا عارفينه الحقنه الشرجيه اكرهها وقامت الممرضه تتكلم وتقول ان الدكتوره راح تهاوشها اذا طلع مع الولاده براز الله يكرمكم ورفضت المهم ودتني غرفة الولاده والا الدكتوره جايه قالت شدي حيلك واذا حسيتي بدفع قولي لي ويمكن دفعت ثلاث مرات الا ماشاء الله ولدت والخبله كانت بتحط الحقنه ونسيت اقولكم طول ماني ادفع وانا افكر بكلام الممرضه انه يمكن يطلع شي مع الولاده واتفشل كان كل همي اني ماتفشل وجت سارون بنيتي ونورت حياتي وصارت رقم اربعه مع اخونها وصار عندي بنتين ولدين الله يحفظهم ايه نسيت اقول انا والده بحكومي بس حلو وخيطتني كويس وحظي كان ان غرفة الولاده مافيه احد غير وحده بس والدكتوره مصريه والممرضه فلبينيه يعني مروقين لي الحمد الله وملاحظه سورة مريم سبحان الله فيها عجاز عظيم تسهل الولاده وحاولي وانتي تولدين تفكرين بش ثاني غير الولاده والله يرزقكم الولاده السهله الميسره مثل ماصار لي سلامتكم

الله يسهلها ويهونهـــــــــا يارب

ويرزقك المولود الصالح المعافى



^
^
حفيدة سليمان

الحمدلله على السلامـــــــــــــة

والله طرقك شي موووو بسييييييط

اجل الطلق يسوي كللللللللل ذا :icon33::icon33::icon33:



^
^
حفيدة سليمان