من تطلقت وأنا عندي حالة نفسية الي تقدر تساعدني بالكلام جزاها الله خير

والمصيبه الاعظم اني ماني قادره استوعب ماعد بﻻجع له وعيالي واحد عندي وواحد عنده تشتتو خلاص الدنيا ضايقه فيني والمصيبه الاعظم الحاله النفسية الي سارت عندي ياليت تساعدوني بالكلام...

 الله يعطيك الخيره والطلاق انطلاق ليش مسويه بحالك كذا والله الدنيا ماتسوى اللي تسوينه بنفسك
لنفسك عليك حق ليش يااربي كذا خلاص اعتبريه شي وصار ومكتوب عليك تسخطين من قضاء الله ليه؟؟
امر المؤمن كله خيرر حتى الشيء اللي تشوفينه شر لك الله حاط فيه الخيرر
استغفري ربك واتقي الله باامك وبنفسك تلقينه عايش حياته وياكل ويشرب ولا سوو نفس اللي تسوينه
خلاص اعتبريها مرحله وعدت بتكونين طول العمر بهذا الوضع ؟ 
من تعلق بغير الله عذب فيه 
صلي صلاتك بوقتها وادعي باوقات الاستجابه (( يارب افرج همي واكشف غمي))
اقري سورة البقره استغفزي بعد كل صلاه 200 مره سبحي هللي ماتوقف الحياة على زوج باع زوجته
انا مادري وش ظروف طلاقك ومادري اذا تقدرين ترجعين له او لااا ومادري اذا ضيقتك هذي لانك تحبينه ؟؟
بس اللي ابيه استخيري بنفسك اذا فيه خير الله يرده لك ولا يرزقك باللي يعوضك 
عورتي قلبي عليك حاسه فيك يمكن مريت بنفسيتك مع اختلاف الظرف والسبب
واذا تحبين نبدا برنامج بقراءة البقرة انا مستعده
والله ماتشوفين غير السعااده والرزق باذن الله

الله يعوض عليك. واعرفي انه الي صار لك قضاء وقدر .ولاتكرهوا شي يكون خيرا لكم .وبعدين خلاص الي صار صار لاعاد تفكرين بالماضي واعتبري الي صار مرحله من حياتك وانتهت ولاتوقف حياتك عندها .استمتعي واشغلي نفسك بشياء تنسيك الماضي .وكثير حريم تغيرت حياتهم ونفسيتهم بعد الطلاق للاحسن وعيالك مصيرهم يرجعون لك مالهم ام غيرك انتي امهم بعدتهم الضروف ولا قربتهم .الله يعوضك بحياه احسن يارب

شيء طبيعي اللي تمري فيه والايام كفيلة بالنسيان 
اذكري لحظاتك السيئة اللي عشتيها مع طليقك والحزن والألم،وسبب طلاقك منه واكيد بتحمدي ربك على وضعك الأن ،حاولي تطلعي من الجو اللي انتي فيه سجلي بدورات انجليزي كمبيوتر،كملتي دراستك؟اذا لا يلا لاتنتظري اكثر روحي كملي اللي تعليمك،ايش هوايتك؟اشتغلي عليها ونميها،خصصي لك نص ساعة رياضة يومياً خارج البيت افضل،طبعا لاتتركي القرآن اجعليه رفيقك هو الأنس وهو الراحة والسكينة اقرئيه بكل وقت تكوني فاضية فيه كنز ثمين لاتضيعيه عزيزتي،صلاة الليل واسجدي فيها سجدة طويل كلمي الرحمن الرحيم فيها وابكي من قلبك واغسلي حزنك فيها،عزيزتي بإذن الله فترة وبتعدي ،ظلمة وبتزول وسيبزغ الفجر من جديد،عسر وبعده سيأتي اليسر،خيره لك من الله وستحمدين ربك عليها بس اصبري واتفائلي بأن القادم اجمل واملىء قلبك بحسن ظن بالرحمن الرحيم الودود الرؤف اللطيف 

عيالك لك
الحضانة لك